இலங்கை மத்திய வங்கியின் திருத்தியமைக்கப்பட்ட நிறுவன வெப்தளம் 2018 மாச்சு 28ஆம் திகதி மத்திய வங்கியின் ஆளுநர் முனைவர் இந்திரஜித் குமாரசுவாமியினால் ஆரம்பித்து வைக்கப்பட்டது. வெப்தள முகவரி https://www.cbsl.gov.lk.

புதிய வெப்தளத்தின் முக்கிய பண்புகள், மேம்பட்ட தொழிற்பாட்டுத் தன்மைகளுடன் கூடிய மிகுந்த ஆற்றல்வாய்ந்ததும் செயற்பாடு சார்ந்ததுமான பண்புகள், செல்லிடத் தொலைபேசியிலும் எவ்விதமாற்றங்களுமில்லாமல் அதேவிதத்தில் பார்க்கக்கூடிய தன்மை மற்றும் தீவிரமான சமூக வலைத்தள ஒருங்கிணைப்பு என்பனவற்றை மேலதிகமாக உள்ளடக்கியிருக்கிறது. இது, பயன்படுத்துநர் சிநேகபூர்வ இடைமுகங்களுடன் கூடிய தகவல்களை வினைத்திறனுடனும் விரைவாகவும் அணுகுவதனை உறுதிப்படுத்தக்கூடிய விதத்தில் தொழில்சார் நிபுணர்கள், பொதுமக்கள், ஊடகங்கள் மற்றும் மாணவர்கள் போன்ற வெப்தளப் பயன்பாட்டாளர்களுக்கு மிகச் சிறந்த கணனி உலாவி அனுபவத்தினை வழங்கும். 

தயாரிப்புத் துறை கொள்வனவு முகாமையாளர் சுட்டெண் 2018 சனவரி 51.7 சுட்டெண் புள்ளிகளிலிருந்து பெப்புருவரி மாதத்தில் 55.6 சுட்டெண் புள்ளிகளை பதிவு செய்தது. இது, முன்னைய மாதகாலப்பகுதியில் அவதானிக்கப்பட்ட பருவகால மெதுவடைதலுக்கு பின்னரான தயாரிப்பு நடவடிக்கைகள் சனவரி 2018 உடன் ஒப்பிடுகையில் பெப்புருவரியில் ஒரு உயர்வான வீதத்தில் விரிவடைந்தமையினை குறித்துக்காட்டுகின்றது. இது பிரதானமாக புதிய கட்டளைகள் துணைச்சுட்டெண்ணின் விரிவாக்கத்தினால் உந்தப்பட்டது. புதிய கட்டளைகளின் அதிகரிப்பின் மூலம் உற்பத்தி துணைச்சுட்டெண்ணும் அதிகரித்திருந்தது. இருப்பினும், புதிய கட்டளைகளில் ஏற்பட்ட அதிகரிப்போடு ஒப்பிடுகையில் பெப்புருவரி மாதத்தில் காணப்பட்ட குறைந்தளவிலான வேலை நாட்களின் எண்ணிக்கை காரணமாக ஒப்பீட்டளவில் குறைந்தளவிலேயே காணப்பட்டது. மேலும், மாதகாலப்பகுதியில் தொழில்நிலை துணைச்சுட்டெண் சிறிதளவில் அதிகரித்திருந்த வேளையில் கொள்வனவுகளின் இருப்பு துணைச்சுட்டெண்ணும் விரிவாக்கமடைந்திருந்தது. இவ்வேளையில், நிரம்பலர் வழங்கல் நேர துணைச்சுட்டெண் முன்னைய மாதத்துடன் ஒப்பிடுகையில் ஒரு உயர்வான வீதத்தில் நீட்சியடைந்தது.