வெளிநாட்டு நடைமுறைக் கணக்கானது அண்மைய மாதங்கள் மற்றும் 2025இன் சனவரி ஆகிய மாதங்களுடன் ஒப்பிடுகையில் 2026 சனவரியில் பாரியளவிலான மிகையொன்றினைப் பதிவுசெய்தது. இது 2025இல் ஐ.அ.டொலர் 1.7 பில்லியன் தொகையிலான (தற்காலிகமானது) மதிப்பிடப்பட்ட மிகையினைப் பின்தொடர்வதுடன் வெளிநாட்டுத் துறைச் செயலாற்றத்தில் தொடர்ச்சியான மேம்பாட்டினைக் குறித்துக்காட்டுகின்றது. 

ஏற்றுமதி வளர்ச்சியானது இறக்குமதிகளில் ஏற்பட்ட வளர்ச்சியினை விஞ்சிக் காணப்பட்டமையினால் வணிகப்பொருள் வர்த்தகப் பற்றாக்குறையானது 2026 சனவரியில் ஆண்டிற்கு ஆண்டு அடிப்படையொன்றில் சுருக்கமடைந்தது. 

கொழும்பு மாவட்டத்திற்கான காணி விலைமதிப்பீட்டுக் குறிகாட்டியானது 2024இன் அதே காலப்பகுதியுடன் ஒப்பிடுகையில் மேல்நோக்கிய போக்கில் சென்று, 2025இன் இரண்டாம் அரையாண்டில்; 10.6 சதவீதத்தினால் அதிகரித்தது. காணி விலைமதிப்பீட்டுக் குறிகாட்டியின் அனைத்துத் துணைக் குறிகாட்டிகளும் அதாவது, முறையே 12.4 சதவீதம், 11.3 சதவீதம் மற்றும் 8.0 சதவீதம் கொண்ட ஆண்டு அதிகரிப்புகளைப் பதிவுசெய்த வதிவிட, வர்த்தக மற்றும் கைத்தொழில் காணி விலைமதிப்பீட்டுக் குறிகாட்டிகளுக்கிடையில் இவ்வதிகரிப்பு காணக்கிடைத்தது. அதேவேளை, காணி விலைமதிப்பீட்டுக் குறிகாட்டியும் அதன் துணைக் குறிகாட்டிகளும் 2025இன் முதலாம் அரையாண்டு காலப்பகுதியில் பதிவாகிய பெறுமதிகளுடன் ஒப்பிடுகையில், 2025இன் இரண்டாம் அரையாண்டு காலப்பகுதியில் அரையாண்டு அடிப்படையில் மிதமான அதிகரிப்புக்களைப் பதிவுசெய்தன. வர்த்தக மற்றும் வதிவிட காணி விலைமதிப்பீட்டுக் குறிகாட்டிகள், 2025இன் முதலாம் அரையாண்டுடன் ஒப்பிடுகையில் உயர்வான அதிகரிப்புக்களைப் பதிவுசெய்தன.