இலங்கை தொகைமதிப்புப் புள்ளிவிபரத் திணைக்களத்தின் தற்காலிக மதிப்பீடுகளின்டி, 2016இன் மூன்றாம் காலாண்டுப்பகுதியில் இலங்கையின் பொருளாதாரம் முன்னைய ஆண்டின் தொடர்பான காலப்பகுதியின் 5.6 சதவீதம் கொண்ட வளர்ச்சியுடன் ஒப்பிடுகையில் 4.1 சதவீதத்தினால் வளர்ச்சியடைந்திருப்பதாக மதிப்பிடப்பட்டுள்ளது. 2016இன் மூன்றாம் காலாண்டுப் பகுதியில் பணிகள் துறை 4.7 சதவீதத்தினால் வளர்ச்சியடைந்துள்ள வேளையில் கைத்தொழில் நடவடிக்கைகள் 6.8 சதவீதம் கொண்ட குறிப்பிடத்தக்க வளர்ச்சியைப் பதிவுசெய்தன. எனினும் வேளாண்மையுடன் தொடர்பான நடவடிக்கைகள; தொடர்ந்து இரண்டாவது காலாண்டாக சுருக்கத்தினைப் பதிவு செய்து 1.9 சதவீதத்தினால் குறைவடைந்தமைக்கு 2016இன் மூன்றாம் காலாண்டில் நிலவிய மோசமாக வானிலை நிலமைகளின் தாக்கமே காரணமாகும். முன்னணிப் பொருளாதார குறிகாட்டிகளில் காணப்பட்ட சாதகமான அபிவிருத்திகள் அதே போன்று 2015இல் நான்காம் காலாண்டில் காணப்பட்ட தாழ்ந்ததளம் என்பன, மோசமான வானிலை நிலமைகள் மற்றும் உலகளாவிய பொருளாதாரத்தின் நிச்சயமற்ற தன்மை என்பனவற்றிறகு; மத்தியிலும் 2016இன் நான்காம் காலாண்டில் பொருளாதாரத்தின் மேல்நோக்கிய வளர்ச்சிக்கு வழிகாட்டின. 

தயாரிப்புத் துறை கொள்வனவு முகாமையாளர் சுட்டெண் 2016 நவெம்பரில் 58.4ஆக விளங்கி 2016 ஒத்தோபருடன் ஒப்பிடுகையில் 1.9 சுட்டெண் புள்ளிகள் அதிகரிப்பினைக் கொண்டிருந்தமையின் மூலம் தயாரிப்பு நடவடிக்கைகள் ஒத்தோபருடன் ஒப்பிடுகையில் நவெம்பரில் விரிவடைந்தமையினை எடுத்துக் காட்டியது. இதற்கு இம்மாதகாலப்பகுதியில் விரிவடைந்த தொழில்நிலை மற்றும் உற்பத்தித் துணைச் சுட்டெண்களில் ஏற்பட்ட உயர்ந்தளவு வேகமே முக்கிய காரணமாகும். இம்மாத காலப்பகுதியில் புதிய கட்டளைகள் துணைச்சுட்டெண்ணும் அதிகரித்தது. நவெம்பரில் கொள்வனவுகள் இருப்புத்துணைச் சுட்டெண் வீழ்ச்சியடைந்து வரவிருக்கும் பண்டிகைக்காக இருப்புக்கள் பயன்படுதத்ப்படுகின்றமையை எடுத்துக்காட்டிய வேளையில் நிரம்பலின் வழங்கல் நேரம் நீண்டுகாணப்பட்டது. ஒட்டுமொத்த தரவுப்புள்ளிகள் விரிவடைந்த விடத்து மற்றைய அனைத்துத் துணைச்சுட்டெண்களும் சமநிலையான 50.0 அடிமட்டத்திறகு; மேலேயே காணப்பட்டன. அடுத்த மூன்றுமாதங்களுக்கான நடடிக்கைகளுக்கான எதிர்பார்ப்புக்கள் முன்னேற்ற மொன்றினை எடுத்துக் காட்டின.