வெளிநாட்டு நடைமுறைக் கணக்கானது 2026 ஓகத்தில் பதிவுசெய்யப்பட்ட மிகையினைத் தொடர்ந்து, 2026 செத்தெம்பரில் ஐ.அ.டொலர் 128 மில்லியன் கொண்ட பற்றாக்குறையொன்றினைப் பதிவுசெய்தது. இருப்பினும், தாழ்ந்தளவிலான வர்த்தகப் பற்றாக்குறை மற்றும் தொழிலாளர் பணவனுப்பல்களின் உயர்ந்தளவிலான உட்பாய்ச்சல்கள் என்பன உயர்ந்தளவிலான முதலாந்தர வருமானப் பற்றாக்குறையினையும் பணிகள் கணக்கில் தாழ்ந்தளவிலான மிகையினையும் விஞ்சிக் காணப்பட்டமையினால் பற்றாக்குறையானது 2025 செத்தெம்பரிலும் பார்க்க தாழ்ந்தளவில் காணப்பட்டது. நடைமுறைக் கணக்கானது 2026இன் சனவரி தொடக்கம் செத்தெம்பர் வரையான காலப்பகுதியில் ஐ.அ.டொலர் 420 மில்லியன் கொண்ட ஒன்றுசேர்ந்த பற்றாக்குறையொன்றைப் பதிவுசெய்தது.

திருத்தப்பட்டவாறான 1988ஆம் ஆண்டின் 30ஆம் இலக்க வங்கித்தொழில் சட்டத்தின் 83இ பிரிவின் கீழ், இலங்கை மத்திய வங்கியானது விசாரணை மேற்கொண்டு “Max App Media Ltd மற்றும் அதனுடன் இணைந்த Max LK (Pvt) Ltd., Max Media Lanka (Pvt) Ltd.”என்பன தடைசெய்யப்பட்ட திட்டமொன்றில் ஈடுபட்டு, நடத்தி ஊக்குவித்துள்ளது என உறுதிசெய்து தீர்மானித்துள்ளது.