இலங்கை மத்திய வங்கியின் திருத்தியமைக்கப்பட்ட நிறுவன வெப்தளம் 2018 மாச்சு 28ஆம் திகதி மத்திய வங்கியின் ஆளுநர் முனைவர் இந்திரஜித் குமாரசுவாமியினால் ஆரம்பித்து வைக்கப்பட்டது. வெப்தள முகவரி https://www.cbsl.gov.lk.

புதிய வெப்தளத்தின் முக்கிய பண்புகள், மேம்பட்ட தொழிற்பாட்டுத் தன்மைகளுடன் கூடிய மிகுந்த ஆற்றல்வாய்ந்ததும் செயற்பாடு சார்ந்ததுமான பண்புகள், செல்லிடத் தொலைபேசியிலும் எவ்விதமாற்றங்களுமில்லாமல் அதேவிதத்தில் பார்க்கக்கூடிய தன்மை மற்றும் தீவிரமான சமூக வலைத்தள ஒருங்கிணைப்பு என்பனவற்றை மேலதிகமாக உள்ளடக்கியிருக்கிறது. இது, பயன்படுத்துநர் சிநேகபூர்வ இடைமுகங்களுடன் கூடிய தகவல்களை வினைத்திறனுடனும் விரைவாகவும் அணுகுவதனை உறுதிப்படுத்தக்கூடிய விதத்தில் தொழில்சார் நிபுணர்கள், பொதுமக்கள், ஊடகங்கள் மற்றும் மாணவர்கள் போன்ற வெப்தளப் பயன்பாட்டாளர்களுக்கு மிகச் சிறந்த கணனி உலாவி அனுபவத்தினை வழங்கும். 

அரச துறையின் மிகச் சிறந்த தகவல் தொடர்பூட்டல் தொழில்நுட்பத்தின் சாதனைக்கான விருதையும் தேசிய ரீதியில் மிகச் சிறந்த தர தகவல் தொடர்பூட்டல் தொழில்நுட்ப விருதுகளுக்கான போட்டியில் உள்ளகப் பிரயோக வகைக்கான தங்க விருதினையும் முறையே 2014இலும் 2016இலும் பெற்றுக்கொண்ட, இலங்கை மத்திய வங்கியின் தகவல் தொழில்நுட்பத் திணைக்களம் மிக உயர்தர பயன்படுத்துநர் அனுபவங்களைப் பெற இயலுமைப்படுத்தும் வெப்தளத்தினை அபிவிருத்தி செய்வதற்கு அவர்களின் தொழில்சார் நிபுணத்துவத்தையும் தேர்ச்சியையும் வழங்கியிருக்கிறது.