நாட்டின் வர்த்தக மற்றும் நிர்வாக தலைநகரத்தை தன்னகத்தே கொண்ட மேல் மாகாணம், பொருளாதாரத்தின் முன்னோடியாக தொடர்ந்தும் விளங்கியது. எனினும் பிராந்திய ஏற்றத்தாழ்வு சுருக்கமடைவதற்கு பங்களித்து அதன் பங்கு வீழ்ச்சியடைந்தது

நாட்டின் பெயரளவு மொத்த உள்நாட்டு உற்பத்தியின் பாரிய பங்கினை (39.1 சதவீதம்) மேல் மாகாணம் தனதாக்கிக் கொண்டது. எனினும், ஏனைய மாகாணங்களில் கிடைத்த அதிகரித்த பங்களிப்பின் காரணமாக அதன் பங்கு 2018 இலிருந்து 0.5 சதவீதத்தினால் வீழ்ச்சியடைந்தது. மத்திய (11.5 சதவீதம்) மற்றும் வடமேல் (10.7 சதவீதம்) மாகாணங்கள் முறையே இரண்டாம் மற்றும் மூன்றாம் நிலைகளுக்கு தரப்படுத்தப்பட்டன.

தயாரிப்புத் துறைக்கான கொள்வனவு முகாமையாளர் சுட்டெண் 2020 நவெம்பரில் விரிவடைந்த வேளையில், பணிகள் துறைக்கான கொள்வனவு முகாமையாளர் சுட்டெண் முன்னைய மாதத்துடன் ஒப்பிடுகையில் மேல்நோக்கி திருப்பமடைந்த போதிலும் இன்னும் குறிப்பிடத்தக்களவு மட்டத்திற்கு கீழாகவே காணப்படுகிறது.

தயாரிப்பு கொ.மு.சுட்டெண்ணானது 2020 ஒத்தோபருடன் ஒப்பிடுகையில் 17.3 சுட்டெண் புள்ளிகளைக் கொண்ட அதிகரிப்புடன் 2020 நவெம்பரில் 57.6 இற்கு உயர்வடைந்தது. புதிய கட்டளைகளில் குறிப்பாக புடவைகள் மற்றும் அணியும் ஆடைகள் அத்துடன் உணவு மற்றும் குடிபானத் துறைகளின் தயாரிப்பில் குறிப்பிடத்தக்க அதிகரிப்பு கணிசமான மேம்படுதலுக்கு பிரதானமாக பங்களித்துள்ளது. உற்பத்தித் துணைச் சுட்டெண்ணில், பிரதானமாக புடவைகள் மற்றும் அணியும் ஆடைகள் அத்துடன் உலோகமல்லாத கனிம உற்பத்திகள் துறைகளின் தயாரித்தலின் விளைவான  அதிகரிப்பானது அனைத்துத் துறைகள் முழுவதும் நிரம்பலர்களின் விநியோக நேரத்தின் வீழ்ச்சியடைதலுடன் ஒன்றிணைந்து தயாரிப்பு கொ.மு.சுட்டெண்னின் ஒட்டுமொத்த அதிகரிப்பிற்குப் பங்களித்தது.