ජාතික පාරිභෝගික මිල දර්ශකයෙහි (ජා.පා.මි.ද., 2013=100) වාර්ෂික ලක්ෂ්යමය වෙනස මගින් මනිනු ලබන මතුපිට උද්ධමනය, 2021 අප්රේල් මාසයේ පැවති සියයට 5.5හි සිට 2021 මැයි මාසයේ දී සියයට 6.1 දක්වා ඉහළ ගියේය. ආහාර සහ ආහාර නොවන කාණ්ඩ දෙකෙහිම අයිතමවල මිල ගණන්හි සිදු වූ මාසික ඉහළ යෑම් මේ සඳහා හේතු විය. මේ අතර, ආහාර කාණ්ඩයෙහි වාර්ෂික ලක්ෂ්යමය උද්ධමනය 2021 අප්රේල් මාසයේ දී පැවති සියයට 9.7හි සිට 2021 මැයි මාසයේ දී සියයට 10.3 දක්වා ඉහළ ගිය අතර, ආහාර නොවන කාණ්ඩයෙහි වාර්ෂික ලක්ෂ්යමය උද්ධමනය 2021 අප්රේල් මාසයේ පැවති සියයට 2.2හි සිට 2021 මැයි මාසයේ දී සියයට 2.5 දක්වා ඉහළ ගියේය.
වාර්ෂික සාමාන්ය පදනම මත මනිනු ලබන ජා.පා.මි. දර්ශකයෙහි වෙනස, 2021 අප්රේල් මාසයේ දී පැවති සියයට 5.3හි සිට 2021 මැයි මාසයේ දී සියයට 5.4 දක්වා සුළු වශයෙන් ඉහළ ගියේය.
