තහනම් පිරමීඩ යෝජනා ක්‍රම

පුද්ගලයන් බඳවා ගැනීම මත ප්‍රතිලාභ ලැබෙන හෝ සහභාගිවන්නන්ගේ දායක මුදල් ඉහළ දැමීම මත ප්‍රතිලාභ ලබා දෙන යෝජනා ක්‍රමයක් “පිරමීඩ යෝජනා ක්‍රමයක්” වේ. ඉහත ලක්ෂණ ඇති යෝජනා ක්‍රමයකට කුමන අයුරකින් හෝ සම්බන්ධ වීම, අනුබලදීම හෝ පවත්වා ගෙන යාම ශ්‍රී ලංකාව තුළ නීතියෙන් දඬුවම් ලැබීමට හේතු වේ. ඒ අනුව එවැනි යෝජනා ක්‍රම ඉදිරිපත් කිරීම, ප්‍රවර්ධනය කිරීම, ප්‍රචාරණය කිරීම, මූල්‍යකරණය කිරීම හෝ මෙහෙයවීම වැනි ඕනෑම ආකාරයකින් ඒවාට පහසුකම් සපයන පුද්ගලයින් දඩ මුදල් සහ සිරගත කිරීම් ඇතුළු නීතිමය දඬුවම් වලට යටත් වේ. මෙවැනි ව්‍යාපාරයක් පිළිබඳව තොරතුරක් වේ නම් ළඟම ඇති පොලිස් ස්ථානයට හෝ පහත ක්‍රම ඔස්සේ ශ්‍රී ලංකා මහ බැංකුවට දැනුම් දීම සිදු කළ හැක.

	අධ්‍යක්ෂ, මූල්‍ය පාරිභෝගික සබඳතා දෙපාර්තමේන්තුව, ශ්‍රී ලංකා මහ බැංකුව, අංක 30, ජනාධිපති මාවත, කොළඹ 01
	fcrd@cbsl.lk
	0112477744
	0765780000