ආනයන වියදම අඩු වීම සහ අපනයන ආදායමේ සුළු අඩු වීම සමඟ 2019 ඔක්තෝබර් මාසයේ දී වෙළෙඳ හිඟය පෙර වසරේ අනුරූප කාල පරිච්ඡේදයට සාපේක්ෂ ව අඩු විය. සමුච්චිත ආනයන වියදමේ සැලකිය යුතු අඩු වීම සමඟ අපනයන ආදායමේ සමුච්චිත වැඩිවීමේ ප්රතිඵලයක් ලෙස 2018 වසරේ අනුරූප කාලපරිච්ඡේදය හා සැසඳීමේ දී 2019 වසරේ පළමු මාස දහය තුළ දී වෙළෙඳ හිඟය අඩු විය. මේ අතර, සංචාරක පැමිණීම්වල පහත වැටීම 2019 ඔක්තෝබර් මාසයේ දී තවදුරටත් සීමා විය. විදේශ සේවා නියුක්තිකයන්ගේ ප්රේෂණ සමුච්චිත වශයෙන් අඩු වීමක් වාර්තා කළ ද 2019 ඔක්තෝබර් මාසයේ දී පෙර වසරේ අනුරූප කාලයට සාපේක්ෂ ව වර්ධනය විය. 2019 ඔක්තෝබර් මාසයේ දී මූල්ය ගිණුම තුළ කොළඹ කොටස් වෙළෙඳපොළේ විදේශීය ආයෝජන ශුද්ධ ගෙවීමක් වාර්තා කළ අතර, රාජ්ය සුරැකුම්පත් වෙළෙඳපොළ වෙත සුළු ශුද්ධ ලැබීමක් වාර්තා විය. ඔක්තෝබර් මාසය තුළ දී විනිමය අනුපාතිකය මිශ්ර හැසිරීමක් වාර්තා කළ අතර වසරේ මේ දක්වා කාලය තුළ එක්සත් ජනපද ඩොලරයට සාපේක්ෂ ව අතිප්රමාණය වී පැවතුණි.
