உண்மைச் சொத்துத் துறையின் அபிவிருத்திகளை கண்காணிக்கும் பொருட்டு இலங்கை மத்திய வங்கியானது பல குறிகாட்டிகளை தொகுத்து பகுப்பாய்வு செய்கின்றது. 1998 முதல் கொழும்பு மாவட்டத்தினை உள்ளடக்கி தொகுக்கப்படுகின்ற அரையாண்டு காணி விலைச் சுட்டெண் இத்தன்மையிலான குறிகாட்டிகளிலொன்றாகும். காணி விலைச் சுட்டெண் தொகுக்கும் செயன்முறையில், இலங்கை மத்திய வங்கியானது கொழும்பு மாவட்டத்தில் உள்ள ஐந்து பிரதேச செயலகப் பிரிவுகளின் 1 சுமார் 50 நிலையங்களை உள்ளடக்கி இலங்கை விலை மதிப்புத் திணைக்களத்தினால் சேகரிக்கப்படும் காணி விலைத் தரவுகளைப் பயன்படுத்துகின்றது. காணிப் பல்வகைப் பயன்பாட்டுத்தன்மை நோக்கிலும் ஒரேசீர்மை அமைப்பினைப் பேணுவதற்கும் வதிவிட, வர்த்தக ரீதியான மற்றும் கைத்தொழில் காணிகளுக்காக மூன்று சுட்டெண்கள் வெவ்வேறாகக் கணிக்கப்பட்டுள்ளன. இம்மூன்று துணைச் சுட்டெண்களினதும் சராசரியினைக் கருத்திற்கொள்வதன் மூலம் ஒட்டுமொத்த காணி விலைச் சுட்டெண் கணிக்கப்படுகின்றது.

முழுவடிவம்

2014, 2015 மற்றும் 2016 ஆண்டுகளுக்கான மத்திய வங்கியின் ஆண்டறிக்கைகளில் குறிப்பிடப்பட்டுள்ள தொழில் நிலை எண்ணிக்கைகளை மேற்கோள் காட்டி வெளிவருகின்ற  ஊடக அறிக்கைகள் மீது இலங்கை மத்திய வங்கி அவதானம் செலுத்தியுள்ளது.  

தீவு முழுவதனையும் உள்ளடக்கி தொகைமதிப்பு மற்றும் புள்ளிவிபரத் திணைக்களத்தினால் நடாத்தப்பட்ட 2012இன் குடித்தொகை மற்றும் வீடமைப்புத் தொகைமதிப்பினைத் தொடர்ந்து, பதிவாளர் நாயகம் திணைகக்ளமானது நடு ஆண்டு குடித்தொகை மதிப்பீடுகளுக்கான மாற்றங்களை அறிமுகப்படுத்தியதுடன் திருத்தப்பட்ட தொகுதியொன்றினை வெளியிட்டது. அதற்கமைய, 2016 யூலையில் தொழிற்படை அளவீடுகள் தொகைமதிப்பு மற்றும் புள்ளிவிபரத் திணைகக் ளத்தினால் மீள் நிறையேற்றம் செய்யப்பட்டு 2011இன் பின்னரான ஆண்டுகளுடன் தொடர்புடைய தரவுகளுக்காக புதிய தொகுதியொன்று வெளியிடப்பட்டது. இது, ஏனைய அனைத்து நாடுகளிலும் பொதுவான நடைமுறையொன்றாகக் காணப்படுவதுடன் திருத்தப்பட்ட நடு ஆண்டு மதிப்பீடுகளுடனான தொழிற்படை அளவீடு மதிப்பீடுகளின் இசைவுத் தன்மையினைப் பேணுகின்றது.