பணம் தூயதாக்குதல் தொடர்பான ஆசிய பசுபிக் குழுமத்தின் உயர்மட்ட தூதுக்குழு, 2026 மாச்சில் தொடங்குவதற்கு அட்டவணையிடப்பட்டுள்ள பணம் தூயதாக்கலுக்கெதிரான மற்றும் பயங்கரவாதத்திற்கு நிதியளித்தலை ஒழித்தல் பற்றிய இலங்கையின் கட்டமைப்பு தொடர்பில் வரவிருக்கும் பரஸ்பர மதிப்பீட்டிற்கான இன்றியமையாத ஆலோசனைகளையும் உத்திகளையும் வழங்குவதற்காக 2025 மாச்சு 10 – 12 காலப்பகுதியில் இலங்கைக்கு விஜயம் செய்தது. தூதுக்குழுவானது இம்முக்கிய மதிப்பீட்டிற்கான இலங்கையின் தயார்நிலை பற்றி ஆராய்வதற்காக உள்நாட்டு அதிகாரிகளுடன் கலந்துரையாடல்களில் ஈடுபட்டது. 

மத்திய வங்கியின் அண்மைக்கால எறிவுகளுக்கமைய 2025 மாச்சில் பணவீக்க நிலைமைகள் தளர்வடையத் தொடங்கியுள்ளன. கொழும்பு நுகர்வோர் விலைச் சுட்டெண்ணின் (கொநுவிசு, 2021=100)  ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கமானது தொடர்ச்சியாக ஏழாவது மாதமாகவும் எதிர்க்கணிய புலத்தில் காணப்பட்டது, இருந்தும் 2025 பெப்புருவரியில் பதிவாகிய 4.2 சதவீதம் கொண்ட பணச்சுருக்கத்துடன் ஒப்பிடுகையில், 2025 மாச்சில் 2.6 சதவீதம் கொண்ட மெதுவான பணச்சுருக்கமொன்றைப் பதிவுசெய்தது.