கொள்வனவு முகாமையாளர் சுட்டெண்கள் 2023 ஓகத்தில் பணிகள் நடவடிக்கைகளில் விரிவடைதலையும் தயாரித்தல் நடவடிக்கைகளின் சுருக்கம் மெதுவடைதலையும் எடுத்துக்காட்டின.  

தயாரிப்புக் கொள்வனவு முகாமையாளர் சுட்டெண், 2023 ஓகத்தில் 49.3 சுட்டெண் பெறுமதியினைப் பதிவுசெய்து, நடுநிலையான அடிப்படை அளவை அண்மித்துச் சென்று முன்னைய மாதங்களுடன் ஒப்பிடுகையில் தயாரித்தல் நடவடிக்கைகளில் மீட்சிக்கான சமிக்ஞைகளை எடுத்துக்காட்டியது. துணைச் சுட்டெண்களைக் கருத்திற்கொள்கையில், புதிய கட்டளைகள் மற்றும் நிரம்பலர் விநியோக நேரம் என்பன மாதகாலப்பகுதியில் அதிகரித்த அதேவேளை உற்பத்தி மற்றும் தொழில் நிலை ஆகியன சுருக்கமடைந்தே காணப்பட்டன.

2023 யூலை 04ஆம் திகதியிடப்பட்ட திறைசேரி முறி பரிமாற்ற விஞ்ஞாபனமானது (“பரிமாற்ற விஞ்ஞாபனம்), அதனைத்தொடர்ந்து, 2023 செத்தெம்பர் 12 அன்று திறைசேரி முறிகளைப் பரிமாற்றுவதற்கான அழைப்பின் பெறுபேறுகள் பற்றிய அறிவித்தல்களுடன் நிதி, பொருளாதார உறுதிப்பாடு மற்றும் தேசிய கொள்கைகள் அமைச்சினால் வெளியிடப்பட்டது. (இதில் பயன்படுத்தப்பட்ட ஆனால் வேறுவகையில் வரைவிலக்கணம் செய்யப்படாத சொற்பதங்கள் பரிமாற்று விஞ்ஞாபனத்திலுள்ள அத்தகைய சொற்களுக்கு வழங்கப்பட்ட பொருளைக் கொண்டுள்ளன).

அதற்கமைய, குடியரசினால் ஏற்றுக்கொள்ளப்பட்டிருந்த செல்லுபடியான முன்வைப்புகளுக்கான வெளிநின்ற தகைமையுடைய முறிகள், பன்னிரண்டு (12) புதிய கிரமமாகக் குறைவடையும் (ளுவநி-னுழறn) நிலையான கூப்பன்ழூ திறைசேரி முறிகளாக விலைஈட்டு விகிதத்திற்கு பரிமாற்றுவதைத் தொடர்புபடுத்தி மாற்றம்செய்யப்பட்டன.