மேலும்
Subscribe to Central Bank of Sri Lanka RSS

செய்திகள்

இலங்கையின் நிதியியல் துறையின் தாக்குப்பிடிக்கும்தன்மையை வலுப்படுத்துவதற்கு இலங்கை அரசாங்கமும் உலக வங்கியும் ஐ.அ.டொலர் 150 மில்லியன் தொகையினை நிதியிடுவதற்கு உடன்படிக்கையொன்றில் கைச்சாத்திட்டுள்ளன

நிதியியல் துறை பாதுகாப்புவலை வலுப்படுத்தல் செயற்றிட்டத்தினூடாக (Financial Sector Safety Net Strengthening Project) நிதியியல் துறையின் தாக்குப்பிடிக்கும் தன்மையினை வலுப்படுத்துவதற்கு இலங்கை அரசாங்கமும் உலக வங்கியும் இலங்கைக்கு ஐ.அ.டொலர் 150 மில்லியனை நிதியிடுவதற்கு உடன்படிக்கையொன்றில் கைச்சாத்திட்டுள்ளன. அதேவேளை, உலக வங்கிக்கும் இலங்கை மத்திய வங்கிக்கும் இடையிலான செயற்றிட்ட உடன்படிக்கையானது செயற்றிட்ட நடைமுறைப்படுத்தல் ஏற்பாடுகளின் தொடர்பிலும் மேற்கொள்ளப்பட்டது.

இலங்கை மத்திய வங்கியினால் முகாமைத்துவம்செய்யப்படுகின்ற இலங்கை வைப்புக் காப்புறுதித் திட்டத்தில் கவனஞ்செலுத்தி இலங்கையின் நிதியியல் துறையின் பாதுகாப்புவலையினை வலுப்படுத்துவதே இச்செயற்றிட்டத்தின் அபிவிருத்திக் குறிக்கோளாகும். செயற்றிறன்வாய்ந்த வைப்புக் காப்புறுதித் திட்டங்களுக்கான பன்னாட்டு சிறந்த நடவடிக்கைகளுக்கமைவாக இலங்கை வைப்புக் காப்புறுதித் திட்டத்தின் நிதியியல் மற்றும் நிறுவனசார் இயலாற்றலை வலுப்படுத்துவதும் இச்செயற்றிட்டத்தின் இலக்காகக் காணப்படுகின்றது.

ஆளும் சபை ஆறு புதிய உதவி ஆளுநர்களை நியமித்துள்ளது

ஆளும் சபை, 2024 சனவரி 19 அன்று இடம்பெற்ற அதன் கூட்டத்தில் முனைவர். சி. அமரசேகர, திருமதி, டபிள்யூ.ஏ. டில்ருக்ஷினி, முனைவர். பி.கே.ஜி. ஹரிஸ்சந்திர, திருமதி. டி.எஸ்.டபிள்யூ. சமரதுங்க, திருமதி. ஈ.எச். மொஹொட்டி, திருமதி. ஆர்.டீ.ரி. குணசேகர ஆகியோரை 2024 சனவரி 22 தொடக்கம் நடைமுறைக்குவரும் வகையில் உதவி ஆளுநர்கள் பதவிக்கு பதவி உயர்த்தியுள்ளது. 

வெளிநாட்டுத்துறைச் செயலாற்றம் - 2023 திசெம்பர்

ஏற்றுமதி வருவாய்களுடன் ஒப்பிடுகையில் இறக்குமதிச் செலவினத்தில் ஏற்பட்ட ஒப்பீட்டளவிலான பாரிய சுருக்கத்தினால் ஆதரவளிக்கப்பட்டு 2023இற்கான வணிகப்பொருள் வர்த்தகப் பற்றாக்குறையானது 2010இலிருந்தான மிகவும் தாழ்ந்தளவிலான மட்டத்தினைப் பதிவுசெய்தது.

வர்த்தகப் பற்றாக்குறையானது 2022 திசெம்பருடன் ஒப்பிடுகையில் 2023 திசெம்பரில் விரிவடைந்தது. இருப்பினும், இறக்குமதிக் கட்டுப்பாடுகளின் அண்மைக்காலத் தளர்த்தல்களுக்கு மத்தியில் இறக்குமதிகள் தொடர்ந்தும் மிதமடைந்துக் காணப்பட்டன. 

தொழிலாளர் பணவனுப்பல்கள் 2023இல் ஏறத்தாழ ஐ.அ.டொலர் 6 பில்லியன் தொகை ஆரோக்கியமான மட்டமொன்றைப் பதிவுசெய்ததுடன் 2021 ஏப்பிறலிலிருந்தான உயர்ந்தளவிலான மாதாந்தப் பெறுமதியை 2023 திசெம்பரில் பதிவுசெய்தது. 

2023ஆம் ஆண்டிற்கான சுற்றுலாத் துறையிலிருந்தான வருவாய்கள் சுற்றுலாப் பயணிகளின் வருகைகளில் ஏற்பட்ட குறிப்பிடத்தக்கவொரு மீட்சியின் விளைவாக ஐ.அ.டொலர் 2 பில்லியன் தொகையினை விஞ்சிக் காணப்படுமென மதிப்பிடப்பட்டுள்ளன.

கொழும்பு நுகர்வோர் விலைச் சுட்டெண்ணை அடிப்படையாகக் கொண்ட முதன்மைப் பணவீக்கம்; 2024 சனவரியில் தொடர்ந்தும் அதிகரித்தது

கொழும்பு நுகர்வோர் விலைச் சுட்டெண்ணின் (கொநுவிசு, 2021=100)  ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கம், 2023 திசெம்பரின் 4.0 சதவீதத்திலிருந்து 2024 சனவரியில் 6.4 சதவீதத்திற்கு அதிகரித்தது. முதன்மைப் பணவீக்கத்தில் ஏற்பட்ட இவ்வதிகரிப்பானது அநேகமாக இலங்கை மத்திய வங்கியினால் எதிர்பார்க்கப்பட்ட எறிவுகளிற்கு இசைவாக காணப்படுகின்றது

கட்டடவாக்கத் தொழிற்துறைக்கான இலங்கை கொள்வனவு முகாமையாளர்களின் சுட்டெண் - திசெம்பர்; 2023

2023 திசெம்பரில் 48.6 கொண்ட மொத்த நடவடிக்கைச் சுட்டெண் மூலம் பிரதிபலிக்கப்பட்டவாறு கட்டடவாக்க கொள்வனவு முகாமையாளர்களின் சுட்டெண், கடந்த மாதத்துடன் ஒப்பிடுகையில் கட்டடவாக்க நடவடிக்கைகளில் மெதுவான சுருக்கமொன்றை எடுத்துக்காட்டியது. கருத்திட்டப் பணிகள் கிடைக்கப்பெறுகின்றமை மட்டுப்படுத்தப்பட்டிருந்தமை நடவடிக்கை அளவுகளை தொடர்ந்தும் தடைப்படுத்தியது என பதிலிறுப்பாளர்கள் குறிப்பிட்டனர். 

முன்னைய மாதத்துடன் ஒப்பிடுகையில்  புதிய கட்டளைகள் பரந்தளவில் ஒரே மாதிரியான வேகத்தில் வீழ்ச்சியடைந்தன. தற்போது வெளிநாட்டு நிதியளிக்கப்பட்ட கருத்திட்டங்கள் மீதே தாம் மிதமிஞ்சியளவில் தங்கியிருப்பதாக பல பதிலிறுப்பாளர்கள் குறிப்பிட்டனர். அதேவேளை, கருத்திட்ட நிறைவடைதலுக்கிசைவாக பணியாளர்களின் ஓய்வின் பிரதான காரணமாக தொழில்நிலை சுருக்கமடைந்தது. மேலும், முன்னெடுக்கப்படும் பணியும் வரவிருக்கும் கருத்திட்டங்களும் தொடர்ந்து வீழ்ச்சியடைந்தமையினால் கொள்வனவுகளின் அளவு மாத காலப்பகுதியில் சுருக்கமடைந்தது. அதேவேளை, நிரம்பலர்களின் விநியோக நேரம் திசெம்பரில் நீட்சியடைந்து காணப்பட்டது.

இலங்கை மத்திய வங்கி கொள்கை வட்டி வீதங்களை அவற்றின் தற்போதைய மட்டங்களில் பேணுகின்றது

இலங்கை மத்திய வங்கியின் நாணயக்கொள்கைச் சபையானது 2024 சனவரி 22ஆம் நாளன்று நடைபெற்ற அதன் கூட்டத்தில் மத்திய வங்கியின் துணைநில் வைப்பு வசதி வீதத்தினையும் துணைநில் கடன்வழங்கல் வசதி வீதத்தினையும் முறையே 9.00 சதவீதம் மற்றும் 10.00 சதவீதம் கொண்ட அவற்றின் தற்போதைய மட்டங்களில் பேணுவதற்குத் தீர்மானித்துள்ளது. உள்நாட்டு மற்றும் பன்னாட்டுப் பேரண்டப்பொருளாதார அபிவிருத்திகளின் அனைத்தையுமுள்ளடக்கிய பகுப்பாய்வொன்றினைத் தொடர்ந்து, நடுத்தர காலத்தில் பணவீக்கத்தினை இலக்கிடப்பட்ட 5 சதவீத மட்டத்தில் பேணுகின்ற வேளையில் பொருளாதாரம் அதன் உள்ளார்ந்த ஆற்றல்வாய்ந்த மட்டத்தினை அடைவதனை இயலச்செய்யும் பொருட்டு சபை இத்தீர்மானத்தினை மேற்கொண்டது. வரிவிதிப்பு மற்றும் நிரம்பல் பக்க காரணிகள் என்பவற்றின் அண்மைய அபிவிருத்தித் தாக்கங்கள் பணவீக்கத்தின் மீது மேல்நோக்கிய அழுத்தங்களைக் குறுங்காலத்தில் தோற்றுவிக்கக்கூடுமென்பதனை சபை கருத்திற்கொண்டது. இருப்பினும், இவ்வபிவிருத்திகளின் தாக்கம் நடுத்தர காலப் பணவீக்கத் தோற்றப்பாட்டினைப் பெருமளவு மாற்றியமைக்காதென சபை கருதியது. மேலும், கடந்த கால நாணயக் கொள்கைத் தளர்த்தல் வழிமுறைகளினால் உருவாக்கப்பட்ட இடைவெளி மற்றும் சந்தைக் கடன்வழங்கல் வட்டி வீதங்களில் மேலும் கீழ்நோக்கிய சீராக்கத்திற்காக அரச பிணையங்களுடன் இணைக்கப்பட்ட இடர்நேர்வு மிகையின் வீழ்ச்சி என்பவற்றினை சபை கருத்திற்கொண்டது. சந்தைக் கடன்வழங்கல் வட்டி வீதங்களை மேலும் குறைப்பதிலிருந்து எதிர்பார்க்கப்படுகின்ற நன்மைகள் வியாபாரங்களுக்கும் தனிநபர்களுக்கும் நிதியியல் நிறுவனங்களின் மூலம் போதியளவிலும் விரைவாகவும் ஊடுகடத்தப்பட வேண்டுமென்பதனை சபை வலியுறுத்தியது.

Pages

செய்தி வெளியீடுகள்

03.11.2026 பகிரங்கச் சந்தை நடவடிக்கைகள் - 2026 நவெம்பர் 03
02.11.2026 பகிரங்கச் சந்தை நடவடிக்கைகள் - 2026 நவெம்பர் 02
30.10.2026 2026 ஒத்தோபா் பணவீக்கம் - கொ.நு.வி.சு
30.10.2026 வெளிநாட்டுத்துறைச் செயலாற்றம் - 2026 செத்தெம்பர்
30.10.2026 இலங்கை கொள்வனவு முகாமையாளர் சுட்டெண்கள் (கட்டடவாக்கம்) - 2026 ​செத்தெம்பர்
30.10.2026 பகிரங்கச் சந்தை நடவடிக்கைகள் - 2026 ஒத்தோபர் 30

மேலும்

அரச பிணையங்கள்

இலங்கை மத்திய வங்கியின் பொதுப் படுகடன் திணைக்களத்தினை மூடுதல்

திறைசேரி முறிகளின் முதலாம்தர ஏலக் கலண்டர்

இரண்டாம்தரச் சந்தை வர்த்தக சுருக்கம்

லங்கா செக்குயர் சேவைகள்

மேலும்

சந்தை அறிவிப்புகள்

28.10.2026 இலங்கை மத்திய வங்கியின் தலைமை அலுவலகத்திலும் ஏனைய கட்டடங்களிலும் மின்சார முறைமைகளை இயக்குதலும் பராமரித்தலும்
27.10.2026 Procurement of an Enterprise Data Solution for the Central Bank of Sri Lanka
25.10.2026 Invitation for Expressions of Interest for the Appointment of a Panel of Administrators
24.10.2026 வங்கிப் பரீட்சகர் - வங்கி மேற்பார்வைத் திணைக்களம்
21.10.2026 Public Research Seminar - Artificial Intelligence, Real Impact: Labour Market Impact of AI in South Asia
18.10.2026 கணினிகள் மற்றும் மடிக்கணினிகள் பெறுகை - 2026

மேலும்

எங்களைப்பற்றி

ஏனைய சேவைகள்

பயனுள்ள இணையதளங்கள்

எங்களை தொடர