• TKS Finance Limited - Cancellation of License issued under the Finance Business Act, No. 42 of 2011

    2011 අංක 42 දරන මුදල් ව්‍යාපාර පනත යටතේ බලපත්‍රලාභී මුදල් සමාගමක් ලෙස ක්‍රියාත්මක වූ ටී කේ එස් ෆිනෑන්ස් ලිමිටඩ් ආයතනය එම පනතේ ප්‍රතිපාදනයන් සහ ඒ යටතේ නිකුත් කරන ලද විධාන සහ නීති ගණනාවක් අඛණ්ඩවම කඩ කරමින් / පටහැනි ලෙස කටයුතු කරමින් පැවති අතර ප්‍රාග්ධන ඌණතාවය, වත්කම් වල අඩු ගුණාත්මක මට්ටම, අඛණ්ඩ අලාභ ලැබීම හා කල්පිරුණු විටදී හෝ ඉල්ලා සිටි විටදී තැන්පතු මුදල් ආපසු ගෙවිමට අපොහොසත් වීම හේතුකොට ගෙන ආයතනයේ මූල්‍ය තත්ත්වය පරිහානියට පත් වී ඇත.

    ශ්‍රී ලංකා මහ බැංකුවේ මුදල් මණ්ඩලය විසින් මුදල් ව්‍යාපාර පනතේ ප්‍රතිපාදන හා ඒ යටතේ නිකුත් කරන ලද විධාන සහ නීති සමග අනුගත වීම සඳහා ටී කේ එස් ෆිනෑන්ස් ලිමිටඩ් ආයතනය වෙත අවස්ථා ගණනාවක දී කාලය දීර්ඝ කිරීම් සිදු කරන ලද අතර එසේ වුවද ආයතනයේ පවතින අවධානම් සහගත මූල්‍ය තත්ත්වය යථා තත්ත්වයට ගෙන ඒම සඳහා සාධනීය පියවර ගැනීමට ටී කේ එස් ෆිනෑන්ස් ලිමිටඩ් ආයතනය අපොහොසත් වී ඇත.

  • Regulatory actions taken by the Central Bank of Sri Lanka on The Finance Company PLC

    2011 අංක 42 දරණ මුදල් ව්‍යාපාර පනත යටතේ බලපත්‍රලාභී මුදල් සමාගමක් වන ද ෆිනෑන්ස් කම්පැනි පී එල් සී ආයතනය, 2008 වර්ෂයේ දී එම ආයතනය අයත්ව තිබූ සෙලින්කෝ සමාගම් සමුහයේ මූල්‍ය ආයතන ගණනාවක සිදු වූ බිඳ වැටීම හේතු කොට ගෙන දැඩි බලපෑමකට ලක් විය. එතැන් පටන් ද ෆිනෑන්ස් කම්පැනි පීඑල්සී ආයතනයේ මූල්‍ය තත්වය ක්‍රමයෙන් පසුබෑමට ලක් වූ අතර වර්තමානය වන විට ඉතා ඉක්මනින් විසඳිය යුතු උග්‍ර ද්‍රවශීලතා අර්බුදයක් බවට පත්ව ඇත. ආයතනය යථා තත්වයට පත් කිරීමේ අරමුණින් අපේක්ෂිත ආයෝජකයන් හදුනාගැනීම සඳහා අවස්ථා ගණනාවකදී ප්‍රයත්නයන් දැරුවද එම ප්‍රයත්නයන් තවමත් ප්‍රමාණාත්මක වශයෙන් සාර්ථක වී නොමැත.

  • Sri Lanka Purchasing Managers’ Index - August 2019

    2019 අගෝස්තු මාසයේ දී නිෂ්පාදන ක්‍රියාකාරකම් තවදුරටත් වැඩි වේගයකින් වර්ධනය විය. ඒ අනුව, 2019 ජූලි මාසයට සාපේක්ෂව දර්ශකාංක 0.9කින් ඉහළ යමින් 2019 අගෝස්තු මාසයේ දර්ශක අගය 56.6 ක් ලෙස වාර්තා කරන ලදී. විශේෂයෙන්ම, එළඹෙන උත්සව සමයට සමගාමීව ඇතිවන ඉල්ලුම සපුරාලීම සඳහා,ආහාර හා පාන වර්ග සහ රෙදිපිළි හා ඇඟළුම් නිෂ්පාදන අංශයන්හි, නිෂ්පාදන සහ නව ඇණවුම් වල සිදුවූ ඉහළ යෑම, නිෂ්පාදන අංශයේ ගැනුම් කළමනාකරුවන්ගේ දර්ශකයේ මෙම වර්ධනය කෙරෙහි ප්‍රධාන වශයෙන් හේතු විය. මේ අතර, සේවා නියුක්ති උප දර්ශකය අඩු වේගයකින් ඉහළ යෑම සඳහා, විශේෂයෙන්ම ආහාර හා පාන වර්ග අංශයෙහි සේවා නියුක්තිය ඉහළ යෑම බලපාන ලදී. එනමුදු, රෙදිපිළි හා ඇඟළුම් නිෂ්පාදන අංශයෙහි බොහෝමයක් ප්‍රතිචාර දක්වන්නන් විසින් ශ්‍රම වෙළඳපොළෙහි හිඟතාවයක් පවතින බව ඉස්මතු කරන ලදී.

    සම්පූර්ණ ලිපිය

  • Financial Intelligence Unit of Sri Lanka entered into Memoranda of Understanding with Condominium Management Authority and National Gem and Jewellery Authority

    2006 අංක 6 දරන මුදල් ගනුදෙනු වාර්තා කිරීමේ පනතේ විධිවිධාන ප්‍රකාරව 2019 අගෝස්තු 28 වන දින ශ්‍රී ලංකා මූල්‍ය බුද්ධි ඒකකය,සහාධිපත්‍ය  කළමනාකරණ අධිකාරිය සහ ජාතික මැණික් හා ස්වර්ණාභරණ අධිකාරිය සමඟ ශ්‍රී ලංකා මහ බැංකු පරිශ්‍රයේදී අවබෝධතා ගිවිසුම් වලට එළැඹිණි.

    සහාධිපත්‍ය සංවර්ධකයින් සහ ශ්‍රී ලංකාවේ බලපත්‍රලත් මැණික් හා ස්වර්ණාභරණ අලෙවිකරුවන් සම්බන්ධයෙන් ඇති මුදල් විශුද්ධිකරණය වැළැක්වීමේ / ත්‍රස්තවාදයට මුදල් සැපයීම මැඩපැවැත්වීමේ නීතිමය බැඳීම් ඵලදායී ලෙස ක්‍රියාත්මක කිරීම සහතික කිරීම සඳහා තොරතුරු සැපයීම මෙන්ම ශ්‍රී ලංකා මූල්‍ය බුද්ධි ඒකකය සහාධිපත්‍ය කළමනාකරණ අධිකාරිය සහ ජාතික මැණික් හා ස්වර්ණාභරණ අධිකාරිය වෙතින් අපේක්ෂා කරන සහයෝගය නිර්ණය කිරීම මෙහි පරමාර්ථය විය.

  • Land Price Index – First Half of 2019

    ශ්‍රී ලංකා මහ බැංකුව විසින් කොළඹ දිස්ත්‍රික්කය ආවරණය කරමින් අර්ධ වාර්ෂිකව ගණනය කරනු ලබන ඉඩම් මිල දර්ශකය, 2019 වසරේ පළමු භාගය සඳහා 132.2 ක අගයක් වාර්තා කරන ලද අතර, එය 2018 වසරේ පළමු භාගයේ වාර්තා වූ අගයට සාපේක්ෂව සියයට 13.6 ක වර්ධනයකි. ඉඩම් මිල දර්ශකයේ නේවාසික, වාණිජ හා කාර්මික යන අනු දර්ශක තුනෙහිම ඉහළ යාම මෙම වර්ධනය සඳහා හේතු විය.

    වාර්ෂික ලක්ෂ්‍යමය පදනම මත අනු දර්ශකයන්හි වැඩිම ඉහළ යාම කාර්මික ඉඩම් මිල අනු දර්ශකය මගින් වාර්තා වූ අතර එය සියයට 14.9 ක් විය. වාණිජ ඉඩම් මිල අනු දර්ශකයෙහි සහ නේවාසික ඉඩම් මිල අනු දර්ශකයෙහි ඉහළ යාම් පිළිවෙලින් සියයට 13.2 ක් හා සියයට 12.8 ක් විය. මේ අතර, ඉඩම් මිල දර්ශකය 2018 වසරේ දෙවන භාගයට සාපේක්ෂව 2019 වසරේ පළමු භාගයේ දී සියයට 5.1 කින් ඉහළ යන ලදී.

  • The Central Bank of Sri Lanka Reduces its Policy Interest Rates

    ශ්‍රී ලංකා මහ බැංකුවේ මුදල්  මණ්ඩලය, 2019 අගෝස්තු 22 වැනි දින පැවති රැස්වීමේ දී ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 7.00 සහ සියයට 8.00 දක්වා පදනම් අංක 50කින් අඩු කිරීමට තීරණය කළේ ය. පවතින අඩු උද්ධමනය සහ මැදි කාලීන ව අපේක්ෂිත සියයට 4-6 පරාසය තුළ මනාව පාලනය වී ඇති උද්ධමන අපේක්ෂා සහිත වාතාවරණයක් තුළ ආර්ථික ක්‍රියාකාරකම් නඟා සිටුවීම සඳහා තවදුරටත් සහාය සැලසීමේ අරමුණ ඇතිව, දැනට පවතින සහ අපේක්ෂිත දේශීය ආර්ථිකයේ, මූල්‍ය වෙළඳපොළේ මෙන් ම ගෝලීය ආර්ථිකයේ ප්‍රවණතා මනාව සැලකිල්ලට ගනිමින් මුදල් මණ්ඩලය මෙම තීරණය ගනු ලැබී ය.

  • Inflation in July 2019

    ජාතික පාරිභෝගික මිල දර්ශකයෙහි (2013 = 100) ලක්ෂ්‍යමය වෙනස මගින් මනිනු ලබන මතුපිට උද්ධමනයආහාර සහ ආහාර නො වන යන කාණ්ඩ දෙකෙහිම අයිතමයන්හි මිල ගණන්වල සිදු වූ මාසික ඉහළ යෑම් හේතුවෙන්, 2019 ජුනි මාසයේ පැවති සියයට 2.1 හි සිට 2019 ජූලි මාසයේ දී සියයට 2.2 දක්වා සුළු වශයෙන් ඉහළ ගියේ ය. මේ අතර, 2019 ජූලි මාසයේ දී, ආහාර සහ ආහාර නො වන යන කාණ්ඩ දෙකෙහිම ලක්ෂ්‍යමය උද්ධමන අගයන් පිළිවෙලින් සියයට -2.5 සහ සියයට 6.1 ක් ලෙස වාර්තා විය.

  • President confers the “Deshamanya” title on Dr. Indrajit Coomaraswamy, Governor of the Central Bank of Sri Lanka

    ජාතික සම්මාන ප්‍රදානෝත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් 2019 අගෝස්තු 19 වන දා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්විණි. මාතෘ භූමිය වෙනුවෙන් උත්කෘෂ්ට මෙහෙවරක නිරත වූ විශිෂ්ට ශ්‍රී ලාංකිකයන් වෙත සම්මාන පිරිනැමීම  මෙහි දී  සිදු විය.

    එම උත්සවයේ දී ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා ඇතුළු විශිෂ්ට ශ්‍රී ලාංකිකයන් හය දෙනෙක් “දේශමාන්‍ය” සම්මානයෙන් පිදුම් ලැබූහ.

    “දේශමාන්‍ය” යනු ජාතිය උදෙසා කරන ලද අතිවිශිෂ්ට වූත්, ප්‍රශංසනීය වූත් සේවයට උපහාර වශයෙන් ශ්‍රී ලංකා රජය විසින් සිවිල්  පුරවැසියන් වෙත පුද කෙරෙන දෙ වන උසස් ම සම්මානයයි.

  • External Sector Performance - June 2019

    වෙළඳ ගිණුමේ හිඟය සැලකිය යුතු ලෙස පහළ යෑම සහ ජාත්‍යන්තර ස්වෛරීත්ව බැඳුම්කර තුළින් ලද විදේශ විනිමය ලැබීම් සමඟ දළ නිල සංචිත වර්ධනය වීම හේතුවෙන් 2019 ජූනි මාසයේදී ශ්‍රී ලංකාවේ විදේශීය අංශය තවදුරටත් ශක්තිමත් විය.

    2019 ජූනි මස දී වෙළඳ හිඟය, එ.ජ. ඩොලර් මිලියන 316 දක්වා අඩු වූ අතර එය 2010 ඔක්තෝබර් මාසයෙන් පසු වාර්තා වූ අවම අගය වේ.

    වෙළඳ හිඟයේ මෙම සැලකිය යුතු පහළ යෑම සඳහා ආනයන වියදම පෙර වසරේ අනුරූප මාසයට සාපේක්ෂව සියයට 23.1 කින් අඩු වීම සහ අපනයන ඉපැයීම් පෙර වසරේ අනුරූප මාසයට සාපේක්ෂව සියයට 5.8 කින් ඉහළ යෑම හේතු විය.

    සංචාරක ඉපැයීම්, පාස්කු ඉරිදා ප්‍රහාරයේ බලපෑමෙන් පසුව ක්‍රමයෙන් යථා තත්ත්වයට පත්වෙමින් 2019 වසරේ ජූනි මාසයේදී ඉහළ ගියේය. 2019 මැයි මාසයට සාපේක්ෂව සංචාරක ඉපැයීම් 2019 ජූනි මාසයේදී සියයට 66.8 කින් ඉහළ ගියේය. කෙසේ වෙතත්, 2019 ජූනි මාසයේදී සංචාරක ඉපැයීම් පෙර වසරේ අනුරූප මාසයට සාපේක්ෂව සියයට 57.0 කින් අඩු විය.

  • Release of “Economic and Social Statistics of Sri Lanka – 2019” Publication

    ශ්‍රී ලංකා මහ බැංකුවේ, වාර්ෂික ප්‍රකාශනයක් වන “ශ්‍රී ලංකාවේ ආර්ථික හා සමාජ සංඛ්‍යාන - 2019” මහජනතාවගේ පරිශීලනය සඳහා දැන් නිකුත් කර ඇත.

    මෙම ප්‍රකාශනයෙහි ජාතික ගිණුම්, කෘෂිකර්මය, කර්මාන්ත, ජාත්‍යන්තර වෙළෙඳාම සහ මූල්‍ය කටයුතු, රාජ්‍ය මූල්‍ය, බැංකු සහ මූල්‍ය ආයතන, මූදල් සහ ප්‍රාග්ධන වෙළෙඳපොළ, මිල හා වැටුප්, ජනගහනය සහ ශ්‍රම බලකාය, ප්‍රවාහනය, අධ්‍යාපනය, සෞඛ්‍ය, විදුලි සංදේශ සේවා සහ දේශගුණය යනාදී ශ්‍රී ලංකාවේ ආර්ථික හා සමාජ තත්ත්වය පිළිබිඹු වන දර්ශක මෙන්ම අනෙකුත් රටවල්වල තෝරාගත් ආර්ථික සහ සමාජ දර්ශක ද ඇතුළත් වේ.

    දත්ත භාවිතා කරන්නන්ගේ විවිධ අවශ්‍යතාවයන්ට ගැලපෙන පරිදි කාලශ්‍රේණි සහ හරස්කඩ පදනමින් මෙම ප්‍රකාශනයේ දත්ත ඉදිරිපත් කර ඇති අතර, මෙය ව්‍යවසායකයන්ට, ප්‍රතිපත්ති සම්පාදකයන්ට, පර්යේෂකයන්ට, ගුරුවරුන්ට, ශිෂ්‍යයන්ට සහ මහජනතාවට ඉතා ප්‍රයෝජනවත් වනු ඇත.

Pages

more

අප පිළිබඳ

තවත් සේවා

ප්‍රයෝජනවත් අඩවි

අප හා සම්බන්ධතා