ලංකාසෙක්‍යු සේවාවන්
භාණ්ඩාගාර බිල්පත් සහ බැඳුම්කර ආයෝජනවල සුරක්ෂිතතාව තහවුරු කිරීම සඳහා පහසුකම් සැලසීමට ලංකාසෙක්‍යු විසින් පහත සඳහන් සේවාවන් නොමිලේ පිරිනමයි.
ලංකාසෙක්‍යු විද්‍යුත් ප්‍රකාශන
කඩදාසි රහිත ඩිජිටල් ලිපි හුවමාරුව මේ වන විට සාමාන්‍යකරණය වී ඇත. ඊට සමගාමීව ලංකාසෙක්‍යු පද්ධතිය විසින් ද කාලීන මුද්‍රිත ප්‍රකාශන වෙනුවට විද්‍යුත් තැපෑල මගින් සන්නිවේදනය කෙරෙන විද්‍යුත් ප්‍රකාශන සඳහා පහසුකම් සපයයි.
ඒ අනුව, සියලු ම ලංකාසෙක්‍යු ප්‍රකාශ 2024.04.01 දින සිට විද්‍යුත් ප්‍රකාශ ලෙස නිකුත් කෙරෙනු ඇති අතර, භෞතික ප්‍රකාශ ලබා දීම අත්හිටුවනු ලැබේ.
වැඩිදුර විස්තර සඳහා මෙය ක්ලික් කරන්න.
තත්‍කාලීන කෙටි පණිවුඩ සහ විද්‍යුත් තැපැල් දැනුම් දීම්
රාජ්‍ය සුරැකුම්පත් ගිණුම්වල සිදුකෙරෙන සුරැකුම්පත් ගනුදෙනු (හර/බැර) පිළිබඳ ක්ෂණික/තත්‍කාලීන දැනුම් දීම්, ලංකාසෙක්‍යු පද්ධතියේ ලියාපදිංචි කරන ලද ජංගම දුරකථන අංකය / විද්‍යුත් තැපැල් ලිපිනය හරහා කෙටි පණිවිඩ / විද්‍යුත් තැපෑල ලෙස සැපයීමේ පහසුකම පවතී.
රාජ්‍ය සුරැකුම්පත් මත කරන ලද ආයෝජන පිළිබඳව විමසිලිමත්ව සිටීමට
වලංගු ජංගම දුරකථන අංකයක් / විද්‍යුත් තැපැල් ලිපිනයක් අදාළ භාරකාර ආයතනයට (බලපත්‍රලාභී බැංකුවට හෝ ප්‍රාථමික අලෙවිකරුට) ලබා දීම මගින්
තත්‍කාලීන දැනුම් දීම් සඳහා ලියාපදිංචි වීමට සියලුම ආයෝජකයින් දිරිමත් කරනු ලැබේ
LankaSecureNet පහසුකම
මධ්‍යම තැන්පතු පද්ධතියේ (CDS) සුරැකුම්පත් ගිණුම් වෙත පිවිසීමට අන්තර්ජාලය හරහා මාර්ගගත පහසුකම් සපයා ඇත. ආයෝජකයින්ට ඕනෑම වේලාවක (24*7) ඕනෑම තැනක සිට ඔවුන්ගේ සුරැකුම්පත් ගිණුම්වල ගනුදෙනු විස්තර, ගෙවීම් විස්තර සහ ශේෂයන් බැලීම මෙම සේවාව මගින් සිදු කල හැකිය.
මෙම පහසුකම සඳහා ලියාපදිංචි වීමට, නිසි පරිදි පුරවන ලද අයදුම්පත් අදාළ භාරකාර ආයතනය වෙත භාර දිය යුතුය.
LankaSecureNet පහසුකම පිළිබඳ අයදුම්පත් සහ වැඩි විස්තර සඳහා පිවිසෙන්න; LANKASECURE NET
භාණ්ඩාගාර බිල්පත් සහ බැඳුම්කරවල ශේෂය තහවුරු කිරීම
විධිමත් ඉල්ලීමක් මත, වාර්ෂික හෝ කාලීන විගණන, වීසා අයදුම්පත්, සහ නියාමන අවශ්‍යතා වැනි නිශ්චිත අරමුණු වෙනුවෙන් සුරැකුම්පත් ගිණුම්වල ශේෂ ප්‍රකාශන ලබා ගැනීමට ලංකාසෙක්‍යු විසින් පහසුකම් සපයයි.
ඉහත අරමුණු සඳහා ප්‍රකාශන ලබා ගැනීමට බලාපොරොත්තු වන ආයෝජකයින්ට ඉල්ලීම් lankasecureservices@cbsl.lk වෙත යොමු කළ හැක.
ඉල්ලීම් ආකෘති සඳහා පහත සබැඳි වෙත පිවිසෙන්න (අදාළ පරිදි).