• Inflation in March 2017

    ජනලේඛන හා සංඛ්‍යාලේඛන දෙපාර්තමේන්තුව විසින් ගණනය කරනු ලබන ජාතික පාරිභෝගික මිල දර්ශකයේ (2013=100) විචලනය මගින් මනිනු ලබන උද්ධමනය, ලක්ෂ්‍යමය පදනම මත 2017 පෙබරවාරි මාසයේ දී වාර්තා ක‍ළ සියයට 8.2 හි සිට 2017 මාර්තු මාසයේ දී සියයට 8.6 දක්වා ඉහළ ගියේ ය. 2017 මාර්තු මස ලක්ෂ්‍යමය උද්ධමනය කෙරෙහි ආහාර කාණ්ඩය මෙන් ම ආහාර නො වන කාණ්ඩය ද දායක විය. 2017 මාර්තු මාසයේ දී ලක්ෂ්‍යමය උද්ධමනය ඉහළ යෑමට පසුගිය වසරේ අනුරූප කාල පරිච්ඡේදයේ පැවැති අඩු පදනම් අගය හේතු විය. 

    වාර්ෂික සාමාන්‍ය පදනම මත මනිනු ලබන ජාතික පාරිභෝගික මිල දර්ශකයෙහි වෙනස 2017 පෙබරවාරි මාසයේ දී වාර්තා වූ සියයට 5.1 හි සිට 2017 මාර්තු මාසයේ දී සියයට 5.6 දක්වා ඉහළ ගියේය.

  • SL Purchasing Managers’ Index Survey - March 2017

    නිෂ්පාදන අංශයෙහි ගැනුම් කළමනාකරුවන්ගේ දර්ශකය 2017 මාර්තු මාසයේ දී 66.5ක දර්ශක අගයක් වාර්තා කරමින් 2017 පෙබරවාරි මාසයට සාපේක්ෂ ව දර්ශක අගයයන් 9.4කින් ඉහළ යන ලදී. මෙම ඉහළ යෑම තුළින් මාර්තු මාසයේ දී ද නිෂ්පාදන ක්‍රියාකාරකම්හි අඛණ්ඩ වර්ධනය පිළිබිඹු වන අතර මේ සඳහා අලුත් අවුරුදු උත්සව සමයෙහි ඇති වන ඉල්ලුමෙහි වර්ධනය සහ ඊට අනුරූප නිෂ්පාදන කටයුතුවල ඉහළ යෑම පිළිබිඹු කරමින් නව ඇණවුම් සහ නිෂ්පාදන උප දර්ශක වර්ධනය විය. මේ අතර, පසුගිය මාසය තුළ ඇති වූ භාණ්ඩ තොග ලැබීමේ වූ ප්‍රමාදය යථා තත්ත්වයට පත් වීම සහ භාණ්ඩ තොග රැස් කර ගැනීම හේතුවෙන් ගැනුම් තොග උප දර්ශකය ඉහළ යන ලදී. කෙ සේ වුව ද, ඇණවුමක් සැපයීමට සැපයුම්කරුවන්ට ගත වන කාලය යන උප දර්ශකය පහත වැටුණි. මේ සඳහා චීනයේ නව අවුරුදු උත්සව සමය අවසන් වීමත් සමඟ සැපයුම් සාමාන්‍ය පරිදි ලැබීම විශේෂයෙන් ම හේතු විය. තව ද, සේවා නියුක්ති උප දර්ශකය සුළු වශයෙන් පහත වැටුණි. මෙහි දී සියලු ම උප දර්ශක කඩඉම් මට්ටම ලෙස ගැනෙන දර්ශක අගය වන 50.0 ට වඩා වැඩි අගයක් වාර්තා කරන ලදී.

  • Statement Issued by the Central Bank of Sri Lanka Clarifying Certain Media Reports on the Examination of the Employees’ Provident Fund Transactions in Government Securities

    මෑතක දී පැවැත්වුණු මුදල් මණ්ඩල රැස්වීමේ දී සාකච්ඡා වූ කරුණු පිළිබඳ ව මාධ්‍ය වාර්තා කිහිපයක පළ කර තිබූ සාවද්‍ය කරුණු සම්බන්ධ ව ශ්‍රී ලංකා මහ බැංකුව සිය ස්ථාවරය මෙ සේ පැහැදිලි කර සිටී.

    සේවක අර්ථසාධක අරමුදල මඟින් රාජ්‍ය සුරැකුම්පත්වලට අදාළ ව සිදු කර තිබූ ගනුදෙනු සම්බන්ධ ව සිදු කරන ලද පරීක්ෂණයෙන් අනාවරණය වූ කරුණු අනුව සුදුසු ක්‍රියාමාර්ග ගැනීම තීරණය කිරීම සඳහා මුදල් මණ්ඩලය විසින් එම පරීක්ෂණ වාර්තාව සාකච්ඡාවට ලක් කරන ලදී. යම් වරදක් සිදු කර ඇති බවට සාක්ෂි මඟින් පෙනී යන්නේ නම් ශ්‍රී ලංකා මහ බැංකුවේ අභ්‍යන්තර කාර්යය පටිපාටීන්ට අනුකූල ව අදාළ කවර හෝ නිලධාරීන්ට එරෙහි ව විනය ක්‍රියාමාර්ග ගැනීම ආරම්භ කිරීමට මුදල් මණ්ඩලය විසින් තීරණය කරන ලදී. 

  • External Sector Performance – December 2016

    2016 දෙසැම්බර් මාසයේ දී ශ්‍රී ලංකාවේ දේශීය අංශය මිශ්‍ර ක්‍රියාකාරිත්වයක් වාර්තා කළේ ය. අපනයන ආදායමෙහි වර්ධනයට වඩා ආනයන වියදම සැලකිය යුතු ලෙස ඉහළ යෑම හේතුවෙන් 2016 දෙසැම්බර් මාසයේ දී වෙළෙඳ හිඟය පුළුල් විය. මෙම මාසය තුළ දී සංචාරක ඉපැයීම් සහ විදේශ සේවා නියුක්තිකයන්ගේ ප්‍රේෂණ හිතකර වර්ධනයක් වාර්තා කළේ ය. 2016 දෙසැම්බර් මාසයේ දී කොළඹ කොටස් වෙළෙඳපොළ වෙත යම් ලැබීම් ප්‍රමාණයක් වාර්තා වුව ද, රාජ්‍ය සුරැකුම්පත් වෙළෙඳපොළ වෙතින් ශුද්ධ ගෙවීමක් දැකිය හැකි විය.  

    සම්පූර්ණ ලිපිය

  • Monetary Policy Review - No. 2 of 2017

    ජනලේඛන හා සංඛ්‍යාලේඛන දේපාර්තමේන්තුවේ තාවකාලික ඇස්මේතන්තු අනුව, ශ්‍රී ලංකා ආර්ථිකය 2015 වසරේ පැවැති සියයට 4.8ක මූර්ක වර්ධනයට සාපේක්ෂ ව 2016 වසර තුළ දී සියයට 4.4කින් වර්ධනය විය. මෙම වාර්ෂික වර්ධනය තුළ ඉදිකිරීම් ආශ්‍රිත ක්‍රියාකාරකම් හේතුවෙන් කර්මාන්ත ආශ්‍රිත ක්‍රියාකාරකම් සියයට 6.7කින් සැලකිය යුතු ලෙස වර්ධනය වූ අතර, මූල්‍ය සේවා, රක්ෂණ සහ විදුලි සංදේශ සේවා පුළුල් වීම ප්‍රධාන වශයෙන් හේතු කොට ගෙන සේවා ආශ්‍රිත ක්‍රියාකාරකම් සියයට 4.2කින් වර්ධනය විය. කෙ සේ වෙතත්, 2016 වසරේ දෙවන කාර්තුවේ දී ඇති වූ ජල ගැලීම් සහ අවසාන කාර්තුවේ දී පැවැති නියඟ තත්ත්වය තුළින් ඇති වූ සැපයුම් අංශයේ අවහිරතා හේතුවෙන් 2016 වසරේ දී කෘෂිකර්මාන්තය ආශ්‍රිත ක්‍රියාකාරකම් සියයට 4.2කින් පහළ ගියේ ය.

  • Inflation in February 2017

    ජනලේඛන හා සංඛ්‍යාලේඛන දෙපාර්තමේන්තුව විසින් ගණනය කරනු ලබන ජාතික පාරිභෝගික මිල දර්ශකයේ (2013=100) විචලනය මගින් මනිනු ලබන උද්ධමනය, ලක්ෂ්‍යමය පදනම මත 2017 ජනවාරි මාසයේ දී වාර්තා ක‍ළ සියයට 6.5 හි සිට 2017 පෙබරවාරි මාසයේ දී සියයට 8.2 දක්වා ඉහළ ගියේ ය. 2017 පෙබරවාරි මස ලක්ෂ්‍යමය උද්ධමනය කෙරෙහි ආහාර කාණ්ඩය මෙන් ම ආහාර නො වන කාණ්ඩය ද දායක විය. 2017 පෙබරවාරි මාසයේ දී ලක්ෂ්‍යමය උද්ධමනයෙහි සිදු වූ සැලකිය යුතු ඉහළ යෑමට 2016 පෙබරවාරි මාසයේ දී පැවැති අඩු පදනම් අගය ප්‍රමුඛතම සාධකය වූ අතර මාසික මිල ගණන්වල දක්නට ලැබුණු ඉහළ යෑම ද හේතු විය. 

    වාර්ෂික සාමාන්‍ය පදනම මත මනිනු ලබන ජාතික පාරිභෝගික මිල දර්ශකයෙහි වෙනස 2017 ජනවාරි මාසයේ දී වාර්තා වූ සියයට 4.6 හි සිට 2017 පෙබරවාරි මාසයේ දී සියයට 5.1 දක්වා ඉහළ ගියේය.

  • SL Purchasing Managers’ Index Survey - February 2017

    නිෂ්පාදන අංශයෙහි ගැනුම් කළමනාකරුවන්ගේ දර්ශකය 2017 පෙබරවාරි මාසයේ දී 57.1ක දර්ශක අගයක් වාර්තා කරමින් 2017 ජනවාරි මාසයට සාපේක්ෂ ව දර්ශක අගයයන් 0.9කින් ඉහළ යන ලදී. මෙම ඉහළ යෑම තුළින් පෙබරවාරි මාසයේ දී ද නිෂ්පාදන ක්‍රියාකාරකම්හි අඛණ්ඩ වර්ධනය පිළිබිඹු වන අතර මේ සඳහා එළඹෙන උත්සව සමය සඳහා ඇති නව ඇණවුම්වල ඉහළ යෑම පෙන්නුම් කරමින් නව ඇණවුම් උප දර්ශකය සැලකිය යුතු ලෙස වර්ධනය වීම ප්‍රධාන වශයෙන් හේතු විය. රැස් කර ගත් තොග භාවිතා කිරීම මෙන් ම ඇණවුමක් සැපයීමට සැපයුම්කරුවන්ට ගත වන කාලය යන උප දර්ශකය ඉහළ යෑම මඟින් ද පිළිබිඹු වන පරිදි භාණ්ඩ තොග ලැබීම පමා වීම හේතුවෙන් ද ගැනුම් තොග උප දර්ශකය පෙබරවාරි මාසයේ දී පහත වැටුණි. මේ අතර, සේවා නියුක්ති උප දර්ශකය පසු ගිය මාසයට සාපේක්ෂ ව ඉහළ ගිය අතර නිෂ්පාදන උප දර්ශකය නො වෙනස් ව පැවතුණි. පෙබරවාරි මාසයේ වැඩ කරන දින ගණන සාපේක්ෂ ව අඩු වූ බැවින් ඉහළ ගිය නව ඇණවුම් ප්‍රමාණයට අනුරූප ව නිෂ්පාදනය වැඩි කිරීම කෙරෙහි බලපෑමක් ඇති කළ බව අනාවරණය විය.

  • Change of Metal/Alloy of Rupee 1 Coin and Rupees 5 Coin

    පිත්තල ආලේපිත වානේ (රන්වන් පැහැති) මිශ්‍ර ලෝහවලින් සැදුම් ලත් රුපියල සහ රුපියල් 5 කාසි මල නො බැ‍ඳෙන වානේ (රිදී පැහැති) මිශ්‍ර ලෝහයට වෙනස් කර නව කාසි ද්විත්වයක් සංසරණයට නිකුත් කරනු ලබන බව ශ්‍රී ලංකා මහ බැංකුව විසින් මහජනතාව වෙත මෙයින් දැනුම් දෙනු ලැබේ. රුපියල් 5 කාසියේ දාරයේ පැවැති අක්ෂර මල නො බැ‍ඳෙන වානේවලින් සැදුම් ලත් නව කාසියෙන් ඉවත් කර ඇත. 2005 වර්ෂයේ සිට නිකුත් කරනු ලැබූ රුපියල සහ රුපියල් 5 කාසිවල පැවති පරිමාණ සහ මෝස්තර ඇතුළු අනෙකුත් සියලු ම ලක්ෂණ නව කාසිවල එ ලෙස ම පවතී. 

    ඉහත සඳහන් නව කාසි ශ්‍රී ලංකාව තුළ ගෙවීම් සඳහා වලංගු මුදල් වන අතර එය සංසරණයේ පවතින තුරු ශ්‍රී ලංකා මහ බැංකුවේ වගකීමක් වනු ඇත. 

     

     

     

  • External Sector Performance – November 2016

    2016 නොවැම්බර් මාසයේ දී විදේශීය අංශය මධ්‍යස්ථ ක්‍රියාකාරිත්වයක් වාර්තා කළේ ය. අපනයන ආදායම සුළු වශයෙන් අඩු වීම සහ ආනයන වියදම ඉහළ යෑම හේතුවෙන් 2016 නොවැම්බර් මාසයේ දී වෙළෙඳ හිඟය පුළුල් විය. අන්තර් භාණ්ඩ සහ ආයෝජන භාණ්ඩ මත වූ වියදම ඉහළ යෑම මූලික කොට ගෙන 2016 නොවැම්බර් මාසයේ දී ආනයන වියදම කැපී පෙනෙන ලෙස වැඩි විය. විදේශ සේවා නියුක්තිකයන්ගේ ප්‍රේෂණ සුළු වශයෙන් අඩු වුව ද, සංචාරක ඉපැයීම්වල හිතකර වර්ධනයක් පැවතුණි. කොළඹ කොටස් වෙළෙඳපොළ වෙත වූ ලැබීම් සහ රජය විසින් ලබා ගත් දිගු කාලීන ණය මඟින් ගෙවුම් තුලනයේ මූල්‍ය ගිණුම ශක්තිමත් වුව ද, 2016 වසරේ නොවැම්බර් මාසයේ දී රාජ්‍ය සුරැකුම් වෙළෙඳපොළ වෙතින් ශුද්ධ ගෙවීමක් දැකිය හැකි විය.  

    සම්පූර්ණ ලිපිය

  • IMF Staff Concludes Visit to Sri Lanka to Discuss Progress of Economic Reform Program

    රටක සංචාරය අවසන් කිරීමෙන් පසු දූත මණ්ඩලය විසින් නිකුත් කරනු ලබන පුවත්පත් නිවේදනයන්හි ජාත්‍යන්තර මූල්‍ය අරමුදලේ නිලධාරීන්ගේ මූලික නිරීක්ෂණයන් ඇතුළත් වේ. මෙම ප්‍රකාශනයේ ඇති අදහස් ජාත්‍යන්තර මූල්‍ය අරමුදලේ දූත කණ්ඩායමේ මතය වන අතර එ මඟින් අවශ්‍යයෙන් ම ජාත්‍යන්තර මූල්‍ය අරමුදලේ විධායක මණ්ඩලයේ මතය පිළිබිඹු නො කෙරෙයි. දූත මණ්ඩලයේ මූලික නිරීක්ෂණ පදනම් කර ගෙන කළමනාකාරිත්වයේ අනුමැතියට යටත් ව ජාත්‍යන්තර මූල්‍ය අරමුදලේ නිලධාරීන් වාර්තාවක් පිළියෙළ කරන අතර එය ජාත්‍යන්තර මූල්‍ය අරමුදලේ විධායක මණ්ඩලයේ සාකච්ඡා කිරීමටත්, තීරණ ගැනීම සඳහාත් ඉදිරිපත් කෙරෙයි.

Pages

more

අප පිළිබඳ

තවත් සේවා

ප්‍රයෝජනවත් අඩවි

අප හා සම්බන්ධතා