பன்னாட்டு நாணய நிதிய அலுவலர்களும் இலங்கை அதிகாரிகளும் 4 ஆண்டு விரிவாக்கப்பட்ட நிதிய வசதி ஏற்பாட்டின் கீழ் ஏழாவது மீளாய்வு பற்றிய அலுவலர்மட்ட உடன்படிக்கையை எட்டியுள்ளதுடன் 2026 உறுப்புரை IV ஆலோசனைக் கலந்துரையாடல்களை நிறைவுசெய்துள்ளனர்.
-
IMF Reaches Staff-Level Agreement on the Seventh Review under the Extended Fund Facility with Sri Lanka
-
Sri Lanka’s Inflation Target is set at 5% for the next three years
நிதி, திட்டமிடல் மற்றும் பொருளாதார அபிவிருத்தி அமைச்சரும் இலங்கையின் சனாதிபதியுமான மாண்புமிகு அநுர குமார திஸாநாயக்க அவர்களும் இலங்கை மத்திய வங்கியின் ஆளுநர் முனைவர் பி. நந்தலால் வீரசிங்க அவர்களும் 2023ஆம் ஆண்டின் 16ஆம் இலக்க இலங்கை மத்திய வங்கிச் சட்டத்தின் 26ஆம் பிரிவின் நியதிகளிற்கமைவாக புதிய நாணயக் கொள்கைக் கட்டமைப்புசார் உடன்படிக்கையொன்றில் 2026 ஒத்தோபர் 01ஆம் திகதி கையொப்பமிட்டனர். உடன்படிக்கையானது 2026 ஒத்தோபர் 01ஆம் திகதியிடப்பட்ட 2508/28 இலக்க அரசாங்க அதிவிசேட வர்த்தமானியில் வெளியிடப்பட்டது.
-
CCPI-based headline inflation remained unchanged in September 2026
கொழும்பு நுகர்வோர் விலைச் சுட்டெண்ணினை (கொநுவிசு, 2021=100) அடிப்படையாகக் கொண்ட முதன்மைப் பணவீக்கமானது (ஆண்டிற்கு ஆண்டு) 2026 ஓகத்துடன் ஒப்பிடுகையில் 2026 செத்தெம்பரில் 8 சதவீதத்தில் மாற்றமின்றிக் காணப்பட்டது.
-
External Sector Performance - August 2026
வெளிநாட்டு நடைமுறைக் கணக்கானது தொடர்ச்சியான நான்கு மாத பற்றாக்குறைகளைப் பின்தொடர்ந்து 2026 ஓகத்தில் ஐ.அ.டொலர் 133 மில்லியன் கொண்ட மிகையொன்றினைப் பதிவுசெய்தது. அண்மைய மாதங்களுடன் ஒப்பிடுகையில் இம்மிகையானது தாழ்ந்தளவிலான வர்த்தகப் பற்றாக்குறையினால் ஆதரவளிக்கப்பட்டு, தாழ்ந்தளவிலான இறக்குமதிச் செலவினத்தைப் பிரதிபலித்தது. நடைமுறைக் கணக்கானது 2026இன் சனவரி-ஓகத்து காலப்பகுதியில் ஐ.அ.டொலர் 291 மில்லியன் கொண்ட ஒன்றுசேர்ந்த பற்றாக்குறையொன்றைப் பதிவுசெய்து, மத்திய கிழக்கு மோதலின் தீவிரத்தன்மையிலிருந்து தோற்றம்பெறுகின்ற வெளிநாட்டுத் துறையின் மீதான அழுத்தங்களைப் பிரதிபலித்தது.
-
Sri Lanka PMI - Construction expanded in August 2026
கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), மொத்த நடவடிக்கைச் சுட்டெண் மூலம் பிரதிபலிக்கப்பட்டவாறு, 2026 ஓகத்தில் 59.4 இனைப் பதிவுசெய்து, முன்னைய மாதத்தினைவிட மெதுவான வீதத்திலேனும் கட்டடவாக்க நடவடிக்கைகளில் தொடர்ச்சியான விரிவடைதலை எடுத்துக்காட்டியது. வீதிக் கட்டடவாக்க முன்னேற்றத்தினை தொடர்ந்தும் தடைப்படுத்தியிருந்த நிலவுகின்ற தார் பற்றாக்குறை கட்டடவாக்கத் தொழிற்துறையின் ஒட்டுமொத்த வளர்ச்சி உத்வேகத்தை மட்டுப்படுத்தியது என பல அளவீட்டுப் பதிலிறுப்பாளர்கள் சுட்டிக்காட்டியிருந்தனர்.
-
The Central Bank of Sri Lanka maintains the policy rate at the current level
நாணயக் கொள்கைச் சபையானது நேற்று இடம்பெற்ற அதன் கூட்டத்தில், ஓரிரவு கொள்கை வீதத்தினை 8.75 சதவீதம் கொண்ட தற்போதைய மட்டத்தில் பேணுவதற்குத் தீர்மானித்துள்ளது. உள்நாட்டு மற்றும் உலகளாவிய பக்கங்கள் ஆகிய இரண்டிலும் பரிணமிக்கின்ற நிலைமைகள் மற்றும் தோற்றப்பாடு என்பவற்றினைக் கவனமாகக் கருத்திற்கொண்டதன் பின்னர் சபை இத்தீர்மானத்தை மேற்கொண்டது. ஏற்கனவே பாரியளவில் தாக்கமொன்றினை ஏற்படுத்தியிருந்த ஏனைய வழிமுறைகளுடன் ஒன்றுசேர்ந்து, 2026 மேயில் முன்கூட்டிய நாணயக் கொள்கை இறுக்கமாக்குதலின் தாக்கங்களுக்குச் சபை குறிப்பான கவனத்தைச் செலுத்தியது. மத்திய கிழக்கில் பரிணமிக்கின்ற புவிசார் அரசியல் பதற்றங்களிலிருந்து தோன்றுகின்ற நிச்சயமின்மையையும் பொருளாதாரம் மீதான எல்-நினோ நிலைமைகளுடன் தொடர்புடைய சாத்தியமான இடர்நேர்வுகளையும் சபை இனங்கண்டுள்ளது.
-
The Central Bank of Sri Lanka releases the “Sri Lanka Socio-Economic Data – 2026” Publication
“Sri Lanka Socio-Economic Data – 2026”, the annually published data folder of the CBSL, is now available for public information. The current data folder is the 49th volume of the series.
-
IMF Staff Team Concludes Visit to Sri Lanka
திரு. இவான் பப்பாஜீயோர்ஜியு தலைமையிலான பன்னாட்டு நாணய நிதியத்தின் பணிக்குழு அண்மைய பேரண்டப்பொருளாதார முன்னேற்றங்கள் மற்றும் விரிவாக்கப்பட்ட நிதிய வசதி ஏற்பாட்டின் கீழ் பொருளாதார மற்றும் நிதிக் கொள்கைகளை நடைமுறைப்படுத்துவதில் ஏற்பட்டுள்ள முன்னேற்றம் மற்றும் 2026 உறுப்புரை IV இன் பின்னணியில் வழங்கப்பட்ட கொள்கை பரிந்துரைகள் குறித்து கலந்துரையாடுவதற்கும் செத்தெம்பர் 10 முதல் 23 வரையான காலப்பகுதியில் கொழும்புக்கு விஜயம் செய்தது. விஜயத்தின் இறுதியில், பன்னாட்டு நாணய நிதியமானது பின்வரும் ஊடக வெளியீட்டினை 2026 செத்தெம்பர் 23 அன்று வெளியிட்டதுடன், இதனைக் கீழேயுள்ள இணைப்பிலிருந்து பெற்றுக்கொள்ள முடியும்.
-
Freezing Orders under the provisions of the Finance Business Act, No. 42 of 2011
2011ஆம் ஆண்டின் 42ஆம் இலக்க நிதித்தொழில் சட்டத்தின் (நிதித்தொழில் சட்டம்) 44ஆம் பிரிவின் நியதிகளுக்கமைய, இலங்கை மத்திய வங்கியின் வங்கியல்லா நிதியியல் நிறுவனங்களின் மேற்பார்வைத் திணைக்களத்தின் பணிப்பாளர், பின்வரும் கம்பனிகளினால் மற்றும் அவற்றின் பணிப்பாளர்களினால் வைத்திருக்கப்படும் அனைத்து ஆதனங்களையும் ஏனைய சொத்துக்களையும் கையுதிர்ப்பதை, கைமாற்றுவதை அல்லது வேறுவகையில் கையாள்வதைத் தடுத்து அத்தகைய கம்பனிகளுக்கும் பணிப்பாளர்களுக்கும் முடக்கிவைக்கின்ற கட்டளைகளை விதித்துள்ளார். அதனைத்தொடர்ந்து, கீழே அட்டவணை 1இல் பட்டியலிடப்பட்ட கம்பனிகள் தொடர்பில் கொழும்பு மேல் நீதிமன்றம் அத்தகைய முடக்கிவைக்கின்ற கட்டளைகளை உறுதிப்படுத்தியும் நீடித்தும் உள்ளது.
-
Central Bank of Sri Lanka Hosts its Inaugural Reserve Management Conference in Colombo
இலங்கை மத்திய வங்கியானது அதன் முதலாவது ஒதுக்கு முகாமைத்துவ மாநாட்டினை 2026 செப்டம்பர் 10–11 ஆம் திகதிகளில் கொழும்பு, கிங்ஸ்பரி ஹோட்டலில் வெற்றிகரமாக நடாத்தியது. இச்சிறப்புவாய்ந்த ஒன்றுகூடலானது அலுவல்சார் ஒதுக்கு முகாமைத்துவத்தில் ஏற்பட்டு வரும் சவால்கள் மற்றும் வாய்ப்புகள் குறித்து கலந்துரையாடுவதற்கு முன்னணி மத்திய வங்கிகளின் அதிகாரிகள், அரச சொத்து முகாமையாளர்கள், கொள்கை வகுப்பாளர்கள், பொருளியலாளர்கள் மற்றும் முதலீட்டுத் துறை சார்ந்த வல்லுநர்கள் போன்றோரை ஒன்றிணைத்து. இம்மாநாட்டில் ஆசிய உட்கட்டமைப்பு முதலீட்டு வங்கி (AIIB), ஆசிய அபிவிருத்தி வங்கி, பிரான்ஸ் வங்கி, சர்வதேச தீர்வுகளுக்கான பன்னாட்டு வங்கி, இந்தோனேசியா வங்கி, மலேசியா நெகாரா வங்கி, கொரிய வங்கி, , தாய்லாந்து வங்கி, அமெரிக்க நாடுகளுக்கிடையேயான அபிவிருத்தி வங்கி, இந்திய ரிசர்வ் வங்கி, சுவிஸ் தேசிய வங்கி, உலக வங்கி மற்றும் உலக தங்கச் சபை உள்ளிட்ட நிறுவனங்களைப் பிரதிநிதித்துவப்படுத்தி எறத்தாழ 50 பேச்சாளர்களும் பங்கேற்பாளர்களும் பங்கேற்றனர்.