නිෂ්පාදන අංශයේ ගැනුම් කළමනාකරුවන්ගේ දර්ශකය, 2018 ජූලි මස වාර්තා කළ 57.2ක අගයට සාපේක්ෂ ව 2018 අගෝස්තු මාසයේ දී 58.2ක දර්ශක අගයක් දක්වා වැඩි විය. මෙම වර්ධනය සඳහා විශේෂයෙන් ම රෙදිපිළි හා නිමි ඇඳුම් අංශයේ නව ඇණවුම් වැඩිවීම නිසා ඉහළ ගිය නිෂ්පාදනය හේතු විය. තව ද, සේවා නියුක්තිය වැඩි වේගයකින් ඉහළ ගියේ ය. මේ සඳහා ආහාර සහ පාන අංශයේ ඉදිරි අපේක්ෂාවක් යහපත් වීම හේතුවෙන් අලුතින් සේවකයින් බඳවා ගැනීම ප්‍රධාන වශයෙන් බලපෑවේ ය. කෙ සේ වුව ද, ගැනුම් තොග, යම් අඩුවීමක් පෙන්නුම් කළේ ය. මේ සඳහා ලෝහමය නො වන වෙනත් ඛනිජ නිෂ්පාදන අංශයේ ගැනුම් තොග අඩු වීම ප්‍රධාන වශයෙන් හේතු විය. එ නමුත්, රෙදිපිළි හා නිමි ඇඳුම් අංශයේ ගැනුම් තොග වර්ධනය විය. මේ අතර, සාමාන්‍යයෙන් ඇණවුමක් සැපයීමට සැපයුම්කරුවන්ට ගත වන කාලය ඉහළ යාම තුළින් මෑත කාලීන ව ආර්ථිකය වර්ධනය වන බව පිළිබිඹු වේ.
-
Sri Lanka Purchasing Managers’ Index - August 2018
-
Statement of the Monetary Board on Treasury Bond Auctions
2016 මාර්තු අග භාගයේ දී සිදු කෙරුණු භාණ්ඩාගාර බැඳුම්කර වෙන්දේසි හා අදාළ ව මෑතක දී පළ වූ ලිපි මෙන් ම ඒ පිළිබඳ ව වූ සාකච්ඡා තුළින් මතු කරන ලද එම ක්‍රියාවලියේ විනිවිදභාවය සම්බන්ධයෙන් නගන ලද චෝදනා හා බැදේ. 2015 පෙබරවාරි සිට හඳුන්වා දෙන ලද සම්පූර්ණයෙන් ම වෙළෙඳපොළ මත පදනම් ව සිදු කරන ලද නිකුතු වෙන්දේසි ක්‍රියාවලිය ම මෙම චෝදනාවන්ට බඳුන් වූ වෙන්දේසි තුළ දී ද අනුගමනය කරන ලද බව මහජනතාවට දැනුම් දෙනු කැමැත්තෙමු.
රජයේ විශාල සම්පත් අවශ්‍යතා පිළිබඳ ව මුදල් මණ්ඩලය සැලකිල්ලට ගෙන ඇත. අමතර වශයෙන් 2016 වසර මුල දී මූල්‍ය ප්‍රතිපත්ති අවශ්‍යතා මත සිදු කරන ලද ව්‍යවස්ථාපිත සංචිත අනුපාතයන්හි ඉහළ දැමීම මෙන් ම අනතුරු ව සිදු කරන ලද ප්‍රතිපත්ති පොලී අනුපාතයන්හි ඉහළ දැමීම ද හේතු කොට ගෙන භාණ්ඩාගාර බිල්පත් හා භාණ්ඩාගාර බැඳුම්කරයන්හි ඵලදා අනුපාතයන් ඉහළ යන ලදි.
පවතින හා ඉදිරියේ පැන නැගිය හැකි රජයේ මූල්‍ය අවශ්‍යතා සැලකිල්ලට ගෙන මුදල් මණ්ඩලය විසින් පහත සඳහන් නිර්දේශයන් සිදු කර ඇත.
-
IMF Approves USD 1.5 Billion Extended Fund Facility for Sri Lanka
On 03 June 2016, the Executive Board of the International Monetary Fund (IMF) approved a three year Extended Fund Facility (EFF) of SDR 1.1 billion (approximately USD 1.5 billion) for Sri Lanka to support the balance of payments (BOP) position and in support of the government’s economic reform agenda. This amount is equivalent to 185 per cent of the country’s current quota with the IMF. The first tranche under the EFF amounting to SDR 119.9 million (approximately USD 168.1 million) will be made available to Sri Lanka immediately. The remaining amount will be disbursed in six tranches over a period of three years, with the final tranche is expected to be disbursed in April 2019. The interest rate applicable on the EFF, the basic rate of charge is equivalent to the SDR interest rate, which currently stands at 0.05 per cent per annum, plus 100 basis points.
-
Release of 'Economic and Social Statistics of Sri Lanka - 2018' Publication
ශ්‍රී ලංකා මහ බැංකුවේ වාර්ෂික ප්‍රකාශනයක් වන “ශ්‍රී ලංකාවේ ආර්ථික හා සමාජ සංඛ්‍යාන - 2018” පොදු මහජන පරිශීලනය සඳහා දැන් නිකුත් කර ඇත. ජාතික ගිණුම්, කෘෂිකර්මය, කර්මාන්ත, ජාත්‍යන්තර වෙළෙඳාම සහ මූල්‍ය කටයුතු, රාජ්‍ය මූල්‍ය, බැංකු සහ මූල්‍ය ආයතන, මුදල් සහ ප්‍රාග්ධන වෙළෙඳපොළ, මිල හා වැටුප්, ජනගහනය සහ ශ්‍රම බලකාය, ප්‍රවාහනය, අධ්‍යාපනය, සෞඛ්‍යය, විදුලි සංදේශ සේවා සහ දේශගුණය යනාදී ශ්‍රී ලංකාවේ ආර්ථික හා සමාජ තත්ත්වය පිළිබිඹු වන දර්ශක මෙන් ම අනෙකුත් රටවල්වල තෝරා ගත් ආර්ථික සහ සමාජ දර්ශක ද මෙම ප්‍රකාශනයේ ඇතුළත් වේ. -
Clarification Regarding False Information Published in the Media About Expenses Incurred by the Governor of the Central Bank of Sri Lanka
ශ්‍රී ලංකා මහ බැංකු අධිපතිවරයා විසින් සිය පුද්ගලික කටයුතු සඳහා මහජන මුදල් වැය කර ඇති බවට විපක්ෂයේ දේශපාලනඥයෙක් චෝදනා නගා තිබුණු අතර ඒ පිළිබඳ ජනමාධ්‍ය ඔස්සේ ද ප්‍රසිද්ධියක් ලබා දී තිබුණි.
මහ බැංකු අධිපතිවරයා හෝ මහ බැංකු කාර්ය මණ්ඩලය විසින් හෝ පුද්ගලික වියදම් සඳහා එකදු සතයක් ලබා ගෙන නොමැත. කිසිදු අයථා හෝ නීති විරෝධී ආකාරයකින් මහජන මුදල් වියදම් කිරීමක් ද සිදු කර නොමැත.
මහ බැංකු අධිපතිවරයා සහ කාර්ය මණ්ඩලය සහභාගී වන ජාත්‍යන්තර හා දේශීය නිල රාජකාරී කටයුතුවල දී අදාළ වියදම් මහ බැංකුව විසින් දරනු ලැබේ. මෙය අනෙකුත් අමාත්‍යාංශ හා දෙපාර්තමේන්තු සම්බන්ධයෙන් ද පවත්නා පොදු තත්ත්වයකි.
-
External Sector Performance - February 2016
වෙළෙඳ හිඟය අඩු වීම සහ සංචාරක ඉපැයීම් හා විදේශ සේවා නියුක්තිකයින්ගේ ප්‍රේෂණ ලෙස වූ විදේශ විනිමය ලැබීම්වල වර්ධනයක් වාර්තා වීම හේතුවෙන් 2016 පෙබරවාරි මාසයේ දී ශ්‍රී ලංකාවේ විදේශීය අංශය මධ්‍යස්ථ ක්‍රියාකාරිත්වයක් පෙන්වී ය. අපනයන ආදායමේ සිදු වූ අඩු වීම හමුවේ වුව ද ඉන්ධන ආනයන, ආහාර හා පාන සහ ප්‍රවාහන උපකරණ ආනයන වියදමේ සිදු වූ විශාල අඩු වීම හේතුවෙන් වෙළෙඳ හිඟය අඩු විය. කෙ සේ නමුත්, මෙම කාල පරිච්ඡේදය තුළ දී රාජ්‍ය සුරැකුම්පත් වෙළෙඳපොළ සහ කොළඹ කොටස් වෙළෙඳපොළ ශුද්ධ ගෙවීමක් වාර්තා කළේ ය.
-
Inflation in May 2016
ජනලේඛන සහ සංඛ්යාලේඛන දෙපාර්තමේන්තුව විසින් ගණනය කරනු ලබන ජාතික පාරිභෝගික මිල දර්ශකයේ (2013 = 100) විචලනය මගින් මනිනු ලබන උද්ධමනය ලක්ෂ්‍යමය පදනම මත 2016 අප්‍රේල් මාසයේ දී වාර්තා කළ සියයට 4.3 හි සිට 2016 මැයි මාසයේ දී සියයට 5.3 දක්වා ඉහළ ගියේ ය. ලක්ෂ්‍යමය උද්ධමනය ඉහළ යෑම කෙරෙහි නිවාස, ජලය, විදුලිය, ගෑස් හා වෙනත් ඉන්ධන උප කාණ්ඩය හැරුණු විට අනෙකුත් ආහාර නො වන කාණ්ඩ මෙන් ම ආහාර කාණ්ඩය ද දායක විය.
වාර්ෂික සාමාන්‍ය පදනම මත මනිනු ලබන ජාතික පාරිභෝගික මිල දර්ශකයේ වෙනස 2016 අප්‍රේල් මස වාර්තා වූ සියයට 2.6 හි සිට 2016මැයි මස දී සියයට 2.7 දක්වා ඉහළ ගියේ ය.
-
Monetary Policy Review - June 2016
ජනලේඛන හා සංඛ්යාලේඛන දෙපාර්තමේන්තුවේ තාවකාලික ඇස්තමේන්තුවලට අනුව ශ්‍රී ලංකා ආර්ථිකය 2015 වසරේ අවසන් කාර්තුවේ වාර්තා කරන ලද සියයට 2.5ක මූර්ත වර්ධනයට සාපේක්ෂ ව 2016 වසරේ පළමු කාර්තුව තුළ දී සියයට 5.5කින් වර්ධනය වී ඇත. 2016 වසරේ පළමු කාර්තුව තුළ දී පිළිවෙළින් සියයට 8.3කින් සහ සියයට 4.9කින් වර්ධනය වූ කාර්මික අංශය හා සේවා අංශය ආශ්‍රිත ක්‍රියාකාරකම් ආර්ථික වර්ධනයට ප්‍රධාන වශයෙන් හේතු විය. මේ අතර කෘෂිකර්මාන්ත ආශ්‍රිත ක්‍රියාකාරකම් මෙම කාල සීමාව තුළ දී සියයට 1.9ක මන්දගාමී වර්ධනයක් වාර්තා කළේ ය. පළමු කාර්තුව තුළ වාර්තා කරන ලද වර්ධන අනුපාතිකය වර්ෂය සඳහා වන ආර්ථික වර්ධන අපේක්ෂා සමඟ අනුකූල වේ.
-
Commencement of Compensation Payment to CIFL Depositors
මුදල් ව්‍යාපාර පනතේ 37(3) වගන්තියට අනුකූල ව 2018.03.05 දින සිට වලංගු වන පරිදි සෙන්ට්‍රල් ඉන්වෙස්ට්මන්ට්ස් ඇන්ඩ් ෆිනෑන්ස් පී.එල්.සී. ආයතනයට නිකුත් කරනු ලැබූ බලපත්‍රය මුදල් මණ්ඩලය විසින් අවලංගු කරන ලදි.
2010 අංක 1 දරන ශ්‍රී ලංකා තැන්පතු රක්ෂණ යෝජනා ක්‍රමය පිළිබඳ රෙගුලාසි (සංශෝධනය කරන ලද) ප්‍රකාර ව 2018.08.27 වන දින සිට ක්‍රියාත්මක වන පරිදි සෙන්ට්‍රල් ඉන්වෙස්ට්මන්ට්ස් ඇන්ඩ් ෆිනෑන්ස් පී.එල්.සී. ආයතනයේ රක්ෂණය කරන ලද තැන්පත්කරුවන් සඳහා හානිපූරණ ගෙවීම් ආරම්භ කරන ලද බව ශ්‍රී ලංකා මහ බැංකුව සතුටින් දැනුම් දෙනු ලබයි.
-
Financial Intelligence Unit of Sri Lanka entered into a Memorandum of Understanding with Insurance Regulatory Commission of Sri Lanka
2006 අංක 6 දරන මුදල් ගනුදෙනු වාර්තා කිරීමේ පනතේ විධිවිධාන ප්‍රකාරව ශ්‍රී ලංකා මූල්‍ය බුද්ධි ඒකකය, 2018 අගෝස්තු 01 වන දින ශ්‍රී ලංකා මහ බැංකු පරිශ්‍රයේදී, ශ්‍රී ලංකා රක්ෂණ නියාමන කොමිෂන් සභාව සමඟ අවබෝධතා ගිවිසුමකට එළැඹිණි. රක්ෂණ අංශයට අදාළ මුදල් විශුද්ධිකරණය වැළැක්වීමේ හා ත්‍රස්තවාදයට මුදල් සැපයීම මැඩපැවැත්වීමේ, අවදානම මත පදනම් කරගත් අධීක්ෂණ තුළින් අනාවරණය වූ තොරතුරු හුවමාරු කර ගැනීමේ රාමුවක් සැකසීම මෙහි පරමාර්ථය විය.