නිෂ්පාදන අංශයේ ගැනුම් කළමනාකරුවන්ගේ දර්ශකය 2016 නොවැම්බර් මාසයේ දී 58.4ක දර්ශක අගයක් වාර්තා කළේ ය. මෙය 2016 ඔක්තෝබර් මාසයට සාපේක්ෂ ව දර්ශක අගයන් 1.9කින් ඉහළ යෑමකි. මේ සඳහා, සේවා නියුක්තිය සහ නිෂ්පාදන උප දර්ශකයන්ගේ ඉහළ වර්ධනය බෙහෙවින් දායක විය. තව ද, නව ඇණවුම් උප දර්ශකය ද පසුගිය මාසයට සාපේක්ෂ ව ඉහළ ගියේ ය. මේ අතර, එළඹෙන උත්සව සමය සඳහා රැස් කර ගත් තොග භාවිත කිරීමේ ප්‍රතිඵලයක් ලෙස ගැනුම් තොග උප දර්ශකය නොවැම්බර් මාසයේ දී පහත වැටුණු අතර ඇණවුමක් සැපයීමට සැපයුම්කරුවන්ට ගත වන කාලය යන උප දර්ශකය ඉහළ ගියේ ය. කෙ සේ වුව ද, සියලු ම උප දර්ශක කඩඉම් මට්ටම ලෙස ගැනෙන දර්ශක අගය වන 50.0ට වඩා වැඩි අගයක් වාර්තා කළේ ය. තව ද, ඉදිරි මාස තුන සඳහා ව්‍යාපාර ක්‍රියාකාරකම් පිළිබඳ අපේක්ෂා ද යහපත් වර්ධනයක් පෙන්නුම් කරයි.
-
SL Purchasing Managers’ Index Survey - November 2016
-
Inflation in November 2016
ජනලේඛන හා සංඛ්‍යාලේඛන දෙපාර්තමේන්තුව විසින් ගණනය කරනු ලබන ජාතික පාරිභෝගික මිල දර්ශකයේ (2013=100) විචලනය මගින් මනිනු ලබන උද්ධමනය, ලක්ෂ්‍යමය පදනම මත 2016 ඔක්තෝබර් මාසයේ දී වාර්තා කළ සියයට 5.0 සිට 2016 නොවැම්බර් මාසයේ දී සියයට 4.1 දක්වා පහළ ගියේ ය. 2016 නොවැම්බර් මස ලන්ෂ්‍යමය උද්ධමනය කෙරෙහි ආහාර කාණ්ඩය මෙන් ම ආහාර නො වන කාණ්ඩය ද දායක විය.
වාර්ෂික සාමාන්‍ය පදනම මත මනිනු ලබන ජාතික පාරිභෝගික මිල දර්ශකයේ වෙනස 2016 නොවැම්බර් මාසයේ දී ද පසුගිය මාසයේ වාර්තා වූ සියයට 4.0 නො වෙනස් ව පැවැතුණි.
-
External Sector Performance - August 2017
2017 වසරේ අගෝස්තු මාසයේ දී ශ්‍රී ලංකාවේ විදේශීය අංශය මිශ්‍ර ක්‍රියාකාරිත්වයක් පෙන්නුම් කළේ ය. අපනයන ආදායම වර්ධනය වුව ද, ආනයන වියදම වැඩි වේගයකින් ඉහළ යෑම හේතුවෙන් 2017 අගෝස්තු මාසයේ දී වෙළඳ හිඟය පුළුල් විය. 2017 අගෝස්තු මාසයේ දී සංචාරක ඉපැයීම් ඉහළ ගිය ද, පුළුල් වූ වෙළඳ හිඟය සමඟ විදේශ සේවා නියුක්තිකයන්ගේ ප්‍රේෂණ ද අඩු වීම හේතුවෙන් විදේශීය ජංගම ගිණුමේ ක්‍රියාකාරිත්වය දුර්වල විය. කෙ සේ වෙතත්, විදේශ විනිමය කාලීන මූල්‍ය පහසුකමට (Foreign Currency Term Financing Facility) අදාළ දෙවන වාරිකය රජය වෙත ලැබීම මෙන් ම කොළඹ කොටස් හුවමාරුව සහ රජයේ සුරැකුම්පත් වෙළෙඳපොළ වෙත වූ අඛණ්ඩ විදේශ විනිමය ලැබීම් හේතුවෙන් ගෙවුම් තුලනයේ මූල්‍ය ගිණුම සවිමත් විය.
-
IMF Reaches Staff-Level Agreement on the Third Review of Sri Lanka’s Extended Fund Facility
මෙම ප්‍රකාශනයේ ඇති අදහස් ජාත්‍යන්තර මූල්‍ය අරමුදලේ නිලධාරීන්ගේ මතය වන අතර එ මගින් ජාත්‍යන්තර මූල්‍ය අරමුදලේ විධායක මණ්ඩලයේ මතය පිළිබිඹු කිරීම අත්‍යවශ්‍ය නො වේ. මේ දක්වා නිරීක්ෂණය කොට ඇති කරුණු පදනම් කර ගෙන කළමනාකාරිත්වයේ අනුමැතියට යටත් ව, ජාත්‍යන්තර මූල්‍ය අරමුදලේ නිලධාරීන් විසින් වාර්තාවක් පිළියෙළ කරනු ලබයි. එම වාර්තාව ජාත්‍යන්තර මූල්‍ය අරමුදලේ විධායක මණ්ඩලයේ සාකච්ඡා කිරීමටත් තීරණ ගැනීම සඳහාත් ඉදිරිපත් කෙරෙයි.
-
Monetary Policy Review - December 2016
ජනලේඛන හා සංඛ්‍යාලේඛන දෙපාර්තමේන්තුවේ තාවකාලික ඇස්තමේන්තු අනුව 2015 වසරේ තුන්වන කාර්තුවේ වාර්තා කරන ලද සියයට 5.6ක වර්ධනයට සාපේක්ෂ ව 2016 වසරේ තුන්වන කාර්තුව තුළ දී ශ්‍රී ලංකා ආර්ථිකය සියයට 4.1කින් වර්ධනය වී ඇත. 2016 වසරේ තුන්වන කාර්තුව තුළ දී සේවා ආශ්‍රිත ක්‍රියාකාරකම් සියයට 4.7කින් වර්ධනය වී ඇති අතර කර්මාන්ත ආශ්‍රිත ක්‍රියාකාරකම් සියයට 6.8කින් සැලකිය යුතු ලෙස වර්ධනය වී ඇත. කෙ සේ වෙතත්, මෙම කාලසීමාව තුළ පැවැති අයහපත් කාලගුණික තත්ත්වයේ බලපෑම හේතුවෙන් අඛණ්ඩ ව දෙවන වතාවටත් පහළ යෑමක් පෙන්නුම් කරමින් කෘෂිකර්මාන්ත ආශ්‍රිත ක්‍රියාකාරකම් වසරේ තුන්වන කාර්තුව තුළ දී සියයට 1.9කින් සංකෝචනය විය. අයහපත් කාලගුණික තත්ත්වයේ බලපෑම සහ ගෝලීය ආර්ථික අවිනිශ්චිතතා පැවැතිය ද, ප්‍රධාන ආර්ථික දර්ශකවල යහපත් වර්ධනය මෙන් ම, 2015 වසරේ අවසාන කාර්තුව තුළ පැවැති අඩු ආර්ථික වර්ධනයේ පදනම් බලපෑම හේතුවෙන් 2016 වසරේ අවසාන කාර්තුව තුළ දී ආර්ථික වර්ධනය වඩා ඉහළ අගයක් ගැනීමේ හැකියාවක් පවතී.
-
Dr. Indrajit Coomaraswamy is named Central Bank Governor of the Year, South Asia by Global Capital Markets publication
ජනප‍්‍ර‍්‍රිය ප‍්‍ර‍්‍රකාශන ආයතනයක් GlobalCapital විසින් දකුණු ආසියානු කලාපයේ වසරේ මහ බැංකු අධිපතිවරයා ලෙස අධිපති ආචාර්ය ඉන්ද්‍රජිත් කුමාරස්වාමි නම් කර ඇති බව ශ‍්‍ර‍්‍රී ලංකා මහ බැංකුව සතුටින් නිවේදනය කරයි. ලෝක බැංකුවේ සහ ජාත්‍යන්තර මූල්‍ය අරමුදලේ වාර්ෂික සැසිවාර හා සමගාමී ව 2017 ඔක්තෝබර් 14 වන දා වොෂින්ටනයේ දී පැවැත්වූ GlobalCapital Markets සම්මාන ප‍්‍ර‍්‍රදානෝත්සවයේ දී මෙම සම්මානය ප‍්‍ර‍්‍රදානය කර තිබේ. GlobalCapital යනු ජාත්‍යන්තර ප‍්‍ර‍්‍රාග්ධන වෙළෙඳපොළ හා සම්බන්ධ වී සිටින පුද්ගලයන් සහ ආයතන සඳහා ප‍්‍රවෘත්ති, උපදෙස් සහ දත්ත ලබා දෙන සේවාවකි.
(බලන්න http;//www.globalcapital.com/about-global-capital ) -
SL Purchasing Managers’ Index Survey - September 2017
නිෂ්පාදන අංශයේ ගැනුම් කළමනාකරුවන්ගේ දර්ශකය 2017 සැප්තැම්බර් මාසයේ දී 59.0ක දර්ශක අගයක් වාර්තා කරන ලද අතර, එය 2017 අගෝස්තු මාසයට සාපේක්ෂ ව දර්ශක අගයයන් 4.6ක වර්ධනයකි. ඒ අනුව, 2017 අගෝස්තු මාසයට සාපේක්ෂ ව සැප්තැම්බර් මාසයේ දී නිෂ්පාදන කටයුතු ඉහළ වේගයකින් වර්ධනය වීමක් පිළිඹිබු වේ. මෙම ඉහළ යෑම සඳහා පසුගිය මාසයේ පහත වැටුණු සේවා නියුක්තිකයන්ගේ උප දර්ශකය, නව ශ්‍රමිකයන් බඳවා ගත් බැවින් යථා තත්ත්වයට පත්වීම විශේෂයෙන් ම හේතු විය. තව ද, 2017 සැප්තැම්බර් මාසයේ දී නිෂ්පාදන සහ නව ඇණවුම් යන උප දර්ශක ඉහළ වේගයකින් වර්ධනය විය. පසුගිය මාසයේ දී දක්නට ලැබුණු තොග අතිරික්තය හේතුවෙන් මෙම මාසයේ දී ගැනුම් තොග උප දර්ශකය අඩු වේගයකින් වර්ධනය විය. ඇණවුමක් සැපයීමට සැපයුම්කරුවන්ට ගතවන කාලය යන උප දර්ශකය පසුගිය මාසයට සාපේක්ෂ ව අඩු වේගයකින් වර්ධනය විය. සියලු ම උප දර්ශක කඩඉම් මට්ටම ලෙස ගැනෙන දර්ශක අගය වන 50.0ට වඩා වැඩි අගයක් වාර්තා කරන ලදී.
-
IMF Staff Concludes Visit to Sri Lanka to Discuss Progress of Economic Reform Program
රටක සංචාරය අවසන් කිරීමෙන් පසු ජාත්‍යන්තර මූල්‍ය අරමුදලේ දූත මණ්ඩලය විසින් නිකුත් කරනු ලබන පුවත්පත් නිවේදනයන්හි එම නිලධාරීන්ගේ මූලික නිරීක්ෂණ ඇතුළත් වේ. මෙම ප්‍රකාශනයේ ඇති අදහස් ජාත්‍යන්තර මූල්‍ය අරමුදලේ දූත කණ්ඩායමේ මතය වන අතර එමගින් ජාත්‍යන්තර මූල්‍ය අරමුදලේ විධායක මණ්ඩලයේ මතය අත්‍යවශ්‍යයෙන් පිළිබිඹු නො කරයි. දූත මණ්ඩලයේ මූලික නිරීක්ෂණ පදනම් කර ගෙන කළමනාකාරිත්වයේ අනුමැතියට යටත් ව ජාත්‍යන්තර මූල්‍ය අරමුදලේ නිලධාරීන් විසින් වාර්තාවක් පිළියෙළ කරන අතර, එය ජාත්‍යන්තර මූල්‍ය අරමුදලේ විධායක මණ්ඩලයේ සාකච්ඡා කිරීමටත්, තීරණ ගැනීම සඳහාත් ඉදිරිපත් කෙරෙනු ඇත.
-
External Sector Performance - July 2017
අපනයන ඉහළ යෑම හා මූල්‍ය ගිණුම වෙත වූ ලැබීම් හේතුවෙන් ශ්‍රී ලංකාවේ විදේශීය අංශය අඛණ්ඩ ව වර්ධනය විය. කෙ සේ වුව ද, 2017 ජූලි මාසයේ දී අපනයන ආදායම වැඩි වුව ද, ආනයන වියදම වඩා වැඩි ප්‍රමාණයකින් ඉහළ යෑම හේතුවෙන් වෙළෙඳ හිඟය 2016 වසරේ අනුරූප මාසයට සාපේක්ෂ ව පුළුල් විය. 2017 ජූලි මාසයේ දී සංචාරක ඉපැයීම් සුළු වශයෙන් අඩු වූ අතර පසු ගිය මාස හතර පුරා පැවැති අඩු වීමේ ප්‍රවණතාව වෙනස් කරමින් විදේශ සේවා නියුක්තිකයන්ගේ ප්‍රේෂණ ලැබීම් ඉහළ ගියේ ය. රාජ්‍ය සුරැකුම්පත් වෙළෙඳපොළ වෙත වූ ශුද්ධ ලැබීම්, රජය වෙත ලැබුණු දිගු කාලීන ණය, ජාත්‍යන්තර මූල්‍ය අරමුදලේ විස්තීර්ණ ණය පහසුකමේ තුන් වන වාරිකය ලැබීම මෙන් ම කොළඹ කොටස් වෙළෙඳපොළ වෙත වූ අඛණ්ඩ ආයෝජන සමඟ මූල්‍ය ගිණුම වෙත වූ ලැබීම් තවදුරටත් ශක්තිමත් විය.
-
Clarification by the Central Bank of Sri Lanka on Misleading News Reports on a Comment made by the Governor
2017 වසර තුළ උද්ධමනය ඉහළ යෑම සඳහා හේතුව වශයෙන් එකතු කළ අගය මත බදු වෙනස්කම් සිදු කිරීමේ බලපෑම පිළිබඳ ව ඇතැම් මාධ්‍යවල පළ වූ වාර්තා සම්බන්ධයෙන් ශ්‍රී ලංකා මහ බැංකුවේ අවධානය යොමු වී ඇත.