ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය 2024 ජනවාරි මස 22 වැනි දින පැවති රැස්වීමේදී මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 9.00 සහ සියයට 10.00 ලෙස දැනට පවතින මට්ටමේ පවත්වාගෙන යෑමට තීරණය කළේය. ආර්ථිකයට එහි විභව නිමැවුම් මට්ටම කරා ළඟා වීමට සහාය වෙමින්, මැදි කාලීනව උද්ධමනය ඉලක්කගත සියයට 5ක මට්ටමේ පවත්වාගෙන යෑම සඳහා දේශීය හා ගෝලීය සාර්ව ආර්ථික ප්‍රවණතා පිළිබඳ මනාව සලකා බැලීමෙන් අනතුරුව මුදල් ප්‍රතිපත්ති මණ්ඩලය මෙම තීරණයට එළැඹිණි. නුදුරු කාලීනව උද්ධමනය ඉහළ යෑම සඳහා පීඩන ඇති කළ හැකි බදුකරණයේ සහ සැපයුම් අංශයේ සාධකවල මෑත කාලීන ප්‍රවණතාවන්හි බලපෑම පිළිබඳව මුදල් ප්‍රතිපත්ති මණ්ඩලය අවධානය යොමු කළේය. කෙසේ වෙතත්, එම මෑත කාලීන ප්‍රවණතාවල බලපෑම මගින් මැදි කාලීන උද්ධමන ඉදිරි දැක්මෙහි සැලකිය යුතු වෙනස්කමක් සිදු නොවනු ඇතැයි මුදල් ප්‍රතිපත්ති මණ්ඩලයේ අදහස විය. තවද, පෙර ක්‍රියාත්මක කරනු ලැබූ මුදල් ප්‍රතිපත්ති ලිහිල් කිරීමේ ක්‍රියාමාර්ග මෙන්ම රජයේ සුරැකුම්පත් හා සම්බන්ධ අවදානම් අධිමිල පහළ යෑම හේතුවෙන් වෙළඳපොළ ණය පොලී අනුපාතික තවදුරටත් අඩු වීම සඳහා ඇති අවකාශය පිළිබඳ මුදල් ප්‍රතිපත්ති මණ්ඩලය අවධානය යොමු කළේය. වෙළඳපොළ ණය පොලී අනුපාතික තවදුරටත් අඩු කිරීම මගින් අපේක්ෂිත ප්‍රතිලාභ මූල්‍ය ආයතන විසින් ව්‍යාපාර හා පුද්ගලයන් වෙත ප්‍රමාණවත් ලෙස හා කඩිනමින් ලබා දිය යුතු බව මුදල් ප්‍රතිපත්ති මණ්ඩලය අවධාරණය කළේය.
-
The Central Bank of Sri Lanka Maintains Policy Interest Rates at their Current Levels
-
IMF Staff Concludes Visit to Sri Lanka
මෑත කාලීන සාර්ව ආර්ථික ප්‍රවණතා සහ ජාත්‍යන්තර මූල්‍ය අරමුදලේ (ජා. මූ. අරමුදලේ) විස්තීර්ණ ණය පහසුකම යටතේ වන ආර්ථික හා මූල්‍ය ප්‍රතිපත්ති ක්‍රියාත්මක කිරීමේ ප්‍රගතිය සාකච්ඡා කිරීම සඳහා පීටර් බෲවර් මහතාගේ නායකත්වයෙන් යුත් ජා. මූ. අරමුදලේ දූත කණ්ඩායමක් 2024 වසරේ ජනවාරි 11 සිට 19 දක්වා ශ්‍රී ලංකාවේ සංචාරයක යෙදුනි. දූත මෙහෙය අවසානයේදී ජා. මූ. අරමුදල විසින් 2024 ජනවාරි 19වන දින පහත දැක්වෙන මාධ්‍ය නිවේදනය නිකුත් කරන ලද අතර, එයට පහත සබැඳියෙන් ප්‍රවේශ විය හැකිය.
-
Sri Lanka Purchasing Managers’ Index (Manufacturing and Services) - December 2023
නිෂ්පාදන සහ සේවා අංශවල ගැනුම් කළමනාකරුවන්ගේ දර්ශක 2023 දෙසැම්බර් මාසයේ දී ඉහළ ගියේ ය
නිෂ්පාදන ක්‍රියාකාරකම්හි වර්ධනයක් පිළිබිඹු කරමින්, නිෂ්පාදන අංශයෙහි ගැනුම් කළමණාකරුවන්ගේ දර්ශකය 2023 දෙසැම්බර් මාසයේ දී දර්ශකාංක 52.7 ක් ලෙස වාර්තා කරන ලදී. මෙම වර්ධනය සඳහා සේවා නියුක්තිය උප-දර්ශකය හැර අනෙකුත් සියලුම උප-දර්ශකයන්ගේ දක්නට ලැබුණු ඉහළ යෑම හේතු විය.
වා ක්‍රියාකාරකම්හි වර්ධනයක් පෙන්නුම් කරමින්, සේවා අංශයෙහි ගැනුම් කළමනාකරුවන්ගේ දර්ශකය 2023 දෙසැම්බර් මාසයේ දී දර්ශකාංක 58.9ක් වාර්තා කළේය. මේ සඳහා නව ව්‍යාපාර, ව්‍යාපාර ක්‍රියාකාරකම් සහ අපේක්ෂිත ව්‍යාපාර ක්‍රියාකාරකම්හි සිදු වූ ඉහළ යෑම් හේතු විය.
-
CCPI based headline inflation increased in December 2023
කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2023 නොවැම්බර් මාසයේ වාර්තා වූ සියයට 3.4හි සිට 2023 දෙසැම්බර් මාසයේ දී සියයට 4.0 දක්වා ඉහළ ගියේය. මතුපිට උද්ධමනයේ මෙම ඉහළ යෑම, 2023 නොවැම්බර් මාසයේ දී ශ්‍රී ලංකා මහ බැංකුව විසින් අපේක්ෂා සිදු කරන ලද පුරෝකථනයන්ට බොහෝ දුරට අනුකූල වේ.
මාස පහක් පුරා අඛණ්ඩව වාර්ෂික ලක්ෂ්‍යමය පදනම මත ආහාර අවධමනයක් වාර්තා වීමෙන් අනතුරුව, 2023 දෙසැම්බර් මාසයේ දී ආහාර උද්ධමනයක් වාර්තා වූ අතර, එය 2023 නොවැම්බර් මාසයේ දී පැවති සියයට 3.6 අවධමනයට සාපේක්ෂව සියයට 0.3 උද්ධමනයක් විය. මේ අතර, වාර්ෂික ලක්ෂ්‍යමය පදනම මත ආහාර නොවන උද්ධමනය 2023 නොවැම්බර් මාසයේ පැවති සියයට 6.8හි සිට 2023 දෙසැම්බර් මාසයේ දී සියයට 5.8 දක්වා පහළ ගියේය. ආහාර කාණ්ඩයේ අයිතමවල වාර්තා වූ සියයට 1.16ක මිල ඉහළ යෑමේ සහ ආහාර නොවන කාණ්ඩයේ අයිතමවල වාර්තා වූ සියයට 0.27ක මිල පහළ යෑමේ ඒකාබද්ධ බලපෑම හේතුවෙන් 2023 දෙසැම්බර් මාසයේ දී කො.පා.මි. දර්ශකයේ මාසික වෙනස සියයට 0.89ක් ලෙස වාර්තා විය. තවද, ආර්ථිකයේ යටිදැරි උද්ධමනය පිළිබිඹු කරන වාර්ෂික ලක්ෂ්‍යමය පදනම මත මූලික උද්ධමනය, 2023 නොවැම්බර් මාසයේ පැවති සියයට 0.8හි සිට 2023 දෙසැම්බර් මාසයේ දී සියයට 0.6 දක්වා පහළ ගියේය.
-
SL Purchasing Managers’ Index (PMI) for Construction Industry – November 2023
ඉදිකිරීම් ක්‍රියාකාරකම්වල පහත වැටීමක් පිළිබිඹු කරමින් ඉදිකිරීම් කටයුතු සඳහා වන ශ්‍රී ලංකා ගැනුම් කළමනාකරුවන්ගේ දර්ශකයේ සමස්ත ක්‍රියාකාරකම් දර්ශකය නොවැම්බර් මාසයේදී 44.3ක අගයක් වාර්තා කරන ලදී. නව ව්‍යාපෘති අඩු මට්ටමක පැවතීම සහ දැනට ක්‍රියාත්මක ව්‍යාපෘතිවලට අදාළ කටයුතු අවසන් අදියරේ පැවතීම සමස්ත ක්‍රියාකාරකම් අඩු වීමට හේතු වූ බව සමීක්ෂණයට ප්‍රතිචාර දැක්වූවන් සඳහන් කරන ලදී.
පෙර මාසයට සාපේකෂව නොවැම්බර් මාසයේදී නව ඇණවුම් පහත වැටීමක් වාර්තා කරන ලදී. කෙසේ වුවද, ඉදිරි වසරේ මුල් භාගය වන විට, විශේෂයෙන් රාජ්‍ය අංශයේ මැදිහත්වීමෙන් ක්‍රියාත්මක වීමට නියමිත නව ඉදිකිරීම් ව්‍යාපෘති කඩිනමින් ප්‍රදානය කෙරෙනු ඇතැයි සමීක්ෂණයට ප්‍රතිචාර දැක්වූ බොහොමයක් දෙනා අපේක්ෂා කරති. වත්මන් වාතාවරණය තුළ අවම සේවක සංඛ්‍යාවක් පවත්වාගෙන යාමට සමාගම් කටයුතු කරන බැවින් සේවා නියුක්තිය අඛණ්ඩව පහත වැටුණි. තවද, ඉදිකිරීම් කටයුතුවල පහත වැටීමත් සමඟ, තොග මිලදී ගැනීම් ප්‍රමාණය ද අඩු විය. මේ අතර, ඇණවුමක් සැපයීමට සැපයුම්කරුවන්ට ගතවන කාලය මෙම මාසය තුළදී ද ඉහළ අගයක පැවතුණි.
-
External Sector Performance – November 2023
2023 වසරේ නොවැම්බර් මාසයේ දී වෙළඳ හිඟය, අපනයන ආදායමෙහි ඉහළ යෑම සහ ආනයන වියදමෙහි පහළ යෑමෙහි ඒකාබද්ධ බලපෑම හේතුවෙන් වසරකට පෙර පැවති අගයට සහ 2023 වසරේ ඔක්තෝබර් මාසයට සාපේක්ෂව පහළ ගියේය. 2022 වසරේ සැප්තැම්බර් මාසයෙන් පසු පළමු වරට වාර්ෂික ලක්ෂ්‍යමය පදනම මත අපනයන ආදායමෙහි වර්ධනයක් වාර්තා විය.
විදේශ සේවා නියුක්තිකයන්ගේ මාසික ප්‍රේෂණ අඛණ්ඩව එ.ජ. ඩොලර් මිලියන 500 අගය ඉක්මවමින් 2022 වසරේ අනුරූප කාලපරිච්ඡේදයට සාපේක්ෂව 2023 වසරේ නොවැම්බර් මාසයේ දී සැලකිය යුතු වර්ධනයක් වාර්තා කළේය.
සංචාරක ඉපැයීම් ඉහළ යාම සඳහා දායක වෙමින් උත්සව සමය තුළ දී සංචාරක පැමිණීම් ඉහළ ගියේය.
2023 වසරේ ජූලි මාසයේ සිට රාජ්‍ය සුරැකුම්පත් වෙළඳපොළෙහි විදේශ ආයෝජන අඛණ්ඩව ශුද්ධ ගෙවීමක් වාර්තා කළ ද, 2023 වසර තුළ සමුච්චිත පදනම මත ශුද්ධ ලැබීම් වාර්තා කර ඇත.
2023 වසරේ නොවැම්බර් මාසය අවසාන වන විට දළ නිල සංචිත ප්‍රමාණය එ.ජ. ඩොලර් බිලියන 3.6ක් විය.
-
The Central Bank of Sri Lanka Releases the Financial Stability Review for the Year 2023
2023 වසරේ සැප්තැම්බර් මස අවසානය දක්වා වූ දත්ත ආවරණය කරමින් සම්පාදනය කර ඇති 2023 වසරේ මූල්‍ය ස්ථායීතා විවරණය තුළ මූල්‍ය පද්ධතියෙහි වර්ධනයන්, හඳුනාගනු ලැබූ අවදානම් හා දුර්වලතා සහ එවැනි අවදානම් අවම කිරීම සඳහා මහ බැංකුව සහ අනෙකුත් නියාමන ආයතන විසින් සලකා බලනු ලබන කාල සීමාව තුළ ගනු ලැබූ ප්‍රතිපත්ති ක්‍රියාමාර්ග ඇතුළත් වේ. මෙම ප්‍රකාශනයේ විද්‍යුත් පිටපතක් මහ බැංකු වෙබ් අඩවිය ඔස්සේ ලබා ගත හැක.
2023 වසරේ මූල්‍ය ස්ථායීතා විවරණයේ සාරාංශයක් සහ මූල්‍ය ස්ථායීතාව පිළිබඳ ඉදිරි දැක්ම පහතින් දැක්වේ:
-
Provincial Gross Domestic Product (PGDP) - 2022
ශ්‍රී ලංකාවේ ආර්ථික ක්‍රියාකාරීත්වය සඳහා බස්නාහිර, වයඹ සහ මධ්‍යම පළාත් 2022 වසරේ දී ද ප්‍රමුඛ දායකත්වය ලබා දී ඇත.
ශ්‍රී ලංකාවේ ආර්ථික කටයුතු සඳහා ලබා දෙන දායකත්වය වඩාත් සවිමත් කරගනිමින්, බස්නාහිර පළාත විසින් නාමික ද.දේ.නි. සඳහා දක්වන දායකත්වය 2022 වසරේ දී සියයට 43.4ක් දක්වා ඉහළ නංවා ගැනීමට සමත් විය. බස්නාහිර පළාතේ මෙම ඉහළ දායකත්වය බොහෝ ආර්ථික කටයුතු තුළින් දක්නට ලැබුණු අතර, සේවා සහ කර්මාන්ත අංශ තුළ විශේෂයෙන් කැපී පෙනුණි. තවද, සමස්ත ද.දේ.නි. සඳහා දෙවන සහ තෙවන ඉහළම දායකත්වයන් අනුපිළිවෙළින් වයඹ (සියයට 11.2) සහ මධ්‍යම (සියයට 10.0) පළාත් විසින් ලබාදෙන ලදී.
-
Sri Lanka Purchasing Managers’ Index (Manufacturing and Services) - November 2023
නිෂ්පාදන සහ සේවා අංශවල ගැනුම් කළමනාකරුවන්ගේ දර්ශක 2023 නොවැම්බර් මාසයේ දී ඉහළ ගියේය
2023 නොවැම්බර් මාසයේ දී නිෂ්පාදන අංශයෙහි ගැනුම් කළමණාකරුවන්ගේ දර්ශකය පෙර මාසයට සාපේක්ෂව දර්ශකාංක 57.0 ක් දක්වා ඉහළ යන ලද අතර, මෙමගින් සෑම වසරකම පාහේ උත්සව සමය තුළ ආර්ථික කටයුතු ඉහළ යෑම මගින් ඇතිවෙන බලපෑම පිළිඹිබු කෙරේ. 2023 මාර්තු මාසයෙන් පසු ප්‍රථම වරට නිෂ්පාදන අංශයෙහි ගැනුම් කළමණාකරුවන්ගේ දර්ශකය මෙම මාසයේ දී කඩඉම් මට්ටම ඉක්මවා ගිය අතර, ඒ සඳහා සියලුම උප-දර්ශකවල දායකත්වය හේතු විය.
සේවා ක්‍රියාකාරකම්හි වේගවත් වර්ධනයක් පෙන්නුම් කරමින්, සේවා අංශයෙහි ගැනුම් කළමනාකරුවන්ගේ දර්ශකය 2023 නොවැම්බර් මාසයේ දී දර්ශකාංක 59.4ක් වාර්තා කළේය. මේ සඳහා නව ව්‍යාපාර, ව්‍යාපාර ක්‍රියාකාරකම්, සේවා නියුක්තිය සහ අපේක්ෂිත ව්‍යාපාර ක්‍රියාකාරකම්හි සිදු වූ ඉහළ යෑම් හේතු විය.
-
IMF Executive Board Completes the First Review Under the Extended Fund Facility Arrangement with Sri Lanka
ජා.මූ. අරමුදලේ විධායක මණ්ඩලය විසින් ශ්‍රී ලංකාව සමඟ මාස 48ක විස්තීර්ණ ණය අරමුදල් පහසුකම යටතේ පළමු සමාලෝචනය සම්පූර්ණ කරන ලද අතර, එමගින් ආර්ථික ප්‍රතිපත්ති සහ ප්‍රතිසංස්කරණ සඳහා සහාය වීම සඳහා වි.ගැ.හි. මිලියන 254ක (එ.ජ. ඩොලර් මිලියන 337ක් පමණ) මූල්‍යන පහසුකමක් සදහා ශ්‍රී ලංකාවට ප්‍රවේශය හිමිවිය.
මෙම වැඩසටහන යටතේ ශ්‍රී ලංකාවේ කාර්ය සාධනය සතුටුදායක විය. එක් කාර්ය සාධන නිර්ණායකයක් හැර අනෙකුත් සියලුම නිර්ණායක මෙන්ම, එක් දර්ශක ඉලක්කයක් හැර අනෙකුත් සියලුම දර්ශක ඉලක්ක ද ජූනි මස අවසානයේ දී සපුරා ගන්නා ලදී. 2023 ඔක්තෝබර් මස අග වන විට ව්‍යුහාත්මක මිණුම් දඬු සපුරා ගෙන හෝ ප්‍රමාදයක් සහිතව ක්‍රියාත්මක කර ඇත. ජා.මූ. අරමුදලේ පාලන නිර්ණය පිලිබඳ ක්‍රියාවලිය සිදුකළ පළමු ආසියානු රට බවට ශ්‍රී ලංකාව පත්වෙමින්, බලධාරීන් විසින් පාලන නිර්ණ වාර්තාව ප්‍රකාශයට පත් කරන ලදී.