• Re-appointment of Mr Sanjeeva Jayawardena, President’s Counsel to the Monetary Board of the CBSL

    පාර්ලිමේන්තු සභාවේ ද අනුමැතිය ඇතිව, අතිගරු ජනාධිපති ගෝඨාභය රාජපක්ෂ මහතා විසින් ජනාධිපති නීතීඥ, සංජීව ජයවර්ධන මහතා 2027 ජූනි 6 වන දා තෙක්, වසර 6ක නව ධුර කාලයක් සඳහා ශ්‍රී ලංකා මහ බැංකුවේ මුදල් මණ්ඩලයට යළි පත් කරන ලදී.

    සංජීව ජයවර්ධන මහතා ශ්‍රී ලංකා මහ බැංකුවේ මුදල් මණ්ඩලයට පත් වූ ප්‍රථම ජනාධිපති නීතිඥවරයා ද වේ.

    ඔහු වර්තමානයේ දී විදේශ ණය අධීක්ෂණ කමිටුවෙහි මුදල් මණ්ඩල මට්ටමේ සභාපතිවරයා ලෙසත්, අවදානම් අධීක්ෂණ කමිටුවෙහි සභාපතිවරයා ලෙසත් කටයුතු කරයි. එමෙන්ම, ඔහු ශ්‍රී ලංකා මහ බැංකුවේ ආචාර ධර්ම කමිටුවෙහි සභාපතීත්වය ද දරයි.

  • Local Companies Permitted to Invest in the International Sovereign Bonds in the Secondary Market

    2007 අංක 7 දරන සමාගම් පනත යටතේ ශ්‍රී ලංකාව තුළ සංස්ථාපිත සමාගම් (2011 අංක 42 දරන මුදල් ව්‍යාපාර පනත අනුව මුදල් ව්‍යාපාර කටයුතුවල නිරතවන සමාගම් හැර) සඳහා, ද්විතීයික වෙළඳපොළෙන්, ශ්‍රී ලංකා රජය විසින් නිකුත්කරන ලද ජාත්‍යන්තර ස්වෛරීත්ව බැඳුම්කර මිලදීගැනීමට අවසර ලබා දෙමින්, ගරු මුදල් අමාත්‍යවරයා විසින්, 2017 අංක 12 දරන විදේශ විනිමය පනතේ විධිවිධාන ප්‍රකාර ව සහ කැබිනට් අමාත්‍ය මණ්ඩලයේ අනුමැතිය සහිත ව, නියෝග නිකුත් කර ඇත.

    ඉහත නියෝගවලට අනුව, පවතින විදේශ විනිමය නියෝග ප්‍රකාර ව ශ්‍රී ලංකාවෙන් පිටත නේවාසික පුද්ගලයෙකුගෙන් ලබාගත් විදේශ ව්‍යවහාර ණය මුදලකින් සියයට පනහක් (50%) යොදාගනිමින් සහ පහත නියම සහ කොන්දේසිවලට යටත්ව, ශ්‍රී ලංකා රජය විසින් නිකුත් කරන ලද ජාත්‍යන්තර ස්වෛරීත්ව බැඳුම්කරවල ආයෝජනය කිරීමේ හැකියාව සමාගම්වලට ලැබේ.

  • Additional interest up to 2% per annum extended for 2 years for Special Deposit Accounts (SDAs)

    විදේශ විනිමය සැලකියයුතු ප්‍රමාණයක් රට තුළට ආකර්ෂණය කර ගැනීමට විශේෂ තැන්පතු ගිණුම් සතුව පවතින හැකියාව සහ රට තුළ පවතින විදේශ මුදල් සංචිත මට්ටම සහ සමස්ත ආර්ථිකය කෙරෙහි ඇතිවිය හැකි ධනාත්මක ප්‍රතිඵල සලකා බලා ගරු මුදල් අමාත්‍යවරයා, ශ්‍රී ලංකා මහ බැංකුවේ මුදල් මණ්ඩලයේ නිර්දේශය සහිතව, තැන්පතු තැබීමේ පළමු දිනයේ සිට මාස 24ක සමුච්ඡිත කාලපරිච්ඡේදයක් දක්වා විශේෂ තැන්පතු ගිණුම් නැවත ආයෝජනය කිරීම සඳහා අවසර ප්‍රදානය කිරීමට තීරණය කර ඇත. එලෙස නැවත ආයෝජනය කරනු ලබන විශේෂ තැන්පතු ගිණුම් රජය විසින් පිරිනමනු ලබන 2%ක් දක්වා වන වාර්ෂික අමතර පොළිය සඳහා සුදුසුකම් ලබනු ඇත.

  • The Central Bank of Sri Lanka Maintains Policy Interest Rates at their Current Levels

    ශ්‍රී ලංකා මහ බැංකුවේ මුදල් මණ්ඩලය 2021 ජූලි මස 07 වැනි දින පැවති රැස්වීමේදී ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 4.50 සහ සියයට 5.50 ලෙස දැනට පවතින මට්ටමේ පවත්වාගෙන යෑමට තීරණය කළේය. දේශීය සහ ගෝලීය වශයෙන් වන සාර්ව ආර්ථික තත්ත්වයන් සහ අපේක්ෂිත වර්ධනයන් මනාව සලකා බැලීමෙන් අනතුරුව මුදල් මණ්ඩලය මෙම තීරණයට එළඹුණි.

  • Issue of Commemorative Coins to Mark the 65th Anniversary of Sri Lanka – China Diplomatic Relations and 100th Anniversary of Communist Party of China

    ශ්‍රී ලංකා රජය සහ මහජන චීන සමූහාණ්ඩුව අතර රාජ්‍ය තාන්ත්‍රික සබඳතාවේ 65 වන සංවත්සරය සහ චීන කොමියුනිස්ට් පක්‍ෂයේ 100 වන සංවත්සරය සැමරීම නිමිත්තෙන් ශ්‍රී ලංකා මහ බැංකුව විසින් රුපියල් 1,000 මුහුණත වටිනාකමින් යුත් රන් සහ රිදී සමරු කාසි නිකුත් කරනු ලබයි. දෙරට අතර දිගු කාලීන මිත්‍රත්වය සහ අන්‍යෝන්‍ය විශ්වාසය සඳහා වූ විශේෂ ගෞරවයක් ලෙස ශ්‍රී ලංකා රජයේ ඉල්ලීම පරිදි මෙම කාසි නිකුත් කෙරේ.

  • Investments by Licensed Banks in International Sovereign Bonds

    බලපත්‍රලාභී බැංකු විසින් ශ්‍රී ලංකා රජයේ ජාත්‍යන්තර ස්වෛරීත්ව බැඳුම්කර හා ශ්‍රී ලංකා සංවර්ධන බැඳුම්කරවල කෙරෙන ආයෝජනයන් සම්බන්ධව, බැංකු ක්ෂේත්‍රයේ ස්ථාවරත්වයට අඛණ්ඩව හානි කෙරෙන අයුරින් හා සමපේක්ෂණයන් දිරි ගැන්වෙන පරිදි ණය ශ්‍රේණිගත කිරීමේ ආයතන විසින් සිදු කෙරෙන ප්‍රකාශයන් ප්‍රතික්ෂේප කරමින්, ශ්‍රී ලංකා මහ බැංකුව මහජනතාවට සහ ආයෝජක ප්‍රජාවට පහත සඳහන් තොරතුරු ලබා දීමට අපේක්ෂා කරයි.

    ආයෝජන අවස්ථාවන් සලසා දීම සහ විදේශ අරමුදල් මෙරටට ගලා ඒම තවදුරටත් දිරිමත් කිරීමේ අරමුණින්, පහත සඳහන් දෑ ඇතුළත්ව අවදානම් කළමනාකරණය කිරීමේ සියලු ක්‍රියාමාර්ග සැලකිල්ලට ගනිමින් විදේශයන්ගෙන් රැස්කරගන්නා ලද අරමුදල් ශ්‍රී ලංකා ජාත්‍යන්තර ස්වෛරීත්ව බැඳුම්කර සහ ශ්‍රී ලංකා සංවර්ධන බැඳුම්කරවල, සම සමව ආයෝජනය කිරීමේ අවසරය ශ්‍රී ලංකා මහ බැංකුව විසින් බලපත්‍රලාභී වාණිජ බැංකු සහ ජාතික ඉතිරිකිරීමේ බැංකුව වෙත ලබාදී ඇත.

  • Extension of the Suspension of Business of Perpetual Treasuries Limited

    ලියාපදිංචි ස්කන්ධ හා සුරැකුම්පත් ආඥාපනත හා දේශීය භාණ්ඩාගාර බිල්පත් ආඥාපනත යටතේ නිකුත් කරන ලද නියෝගයන්ට අනුව, ශ්‍රී ලංකා මහ බැංකුව විසින් කරනු ලබන විමර්ශන කටයුතු තවදුරටත් සිදුකරගෙන යාමේ අරමුණින්, ශ්‍රී ලංකා මහ බැංකුවේ මුදල් මණ්ඩලය විසින්, පර්පෙචුවල් ට්‍රෙෂරීස් සමාගමේ ප්‍රාථමික අලෙවිකරුවෙකු විසින් කරනු ලබන ව්‍යාපාර කටයුතු සහ ක්‍රියාකාරකම් අත්හිටුවීම, 2021 ජූලි මස 05 වැනි දින ප.ව. 4.30 සිට බලපැවැත්වෙන පරිදි මාස හයක (06) කාලසීමාවක් සඳහා තවදුරටත් දීර්ඝ කිරීමට තීරණය කරන ලදී.

  • New Order issued under Foreign Exchange Act to Preserve the Foreign Exchange Position of Sri Lanka

    විනිමය අනුපාතයට ඇති පීඩනය අවම කිරීම මගින් මූල්‍ය පද්ධතියේ ස්ථායීතාව පවත්වාගැනීමට සහාය වීම සහ රට තුළ පවතින විදේශ මුදල් සංචිත මට්ටම ආරක්ෂා කර ගැනීමේ අරමුණින් ගරු මුදල් අමාත්‍යවරයා විසින් ශ්‍රී ලංකා මහ බැංකුවේ මුදල් මණ්ඩලයේ නිර්දේශය සහ කැබිනට් අමාත්‍ය මණ්ඩලයේ අනුමැතිය සහිතව 2017 අංක 12 දරන විදේශ විනිමය පනතේ 22 වන වගන්තිය යටතේ නියමයක් නිකුත් කරන ලද අතර එය 2021 ජූලි 02 දිනැති අංක 2234/49 දරන අති විශේෂ ගැසට් නිවේදනවල පළ කර ඇත.

    ඒ අනුව, ශ්‍රී ලංකාවෙන් බැහැරට අරමුදල් ප්‍රේෂණය කිරීම සම්බන්ධයෙන් 2021 ජූලි 02 වනදා සිට ආරම්භ වන මාස හයක (06) කාල සීමාව සඳහා පහත දැක්වෙන අත්හිටුවීම්/සීමාකිරීම් ක්‍රියාත්මක වේ.

    සම්පුර්ණ ලිපිය

  • CCPI based Inflation increased to 5.2 per cent in June 2021

    කොළඹ පාරිභෝගික මිල දර්ශකයෙහි (කො.පා.මි.ද., 2013=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2021 මැයි මාසයේ පැවති සියයට 4.5හි සිට 2021 ජුනි මාසයේ දී සියයට 5.2 දක්වා ඉහළ ගියේය. ආහාර සහ ආහාර නොවන කාණ්ඩ දෙකෙහිම අයිතමවල මිල ගණන්හි සිදු වූ මාසික ඉහළ යෑම් මේ සඳහා හේතු විය. මේ අතර, ආහාර කාණ්ඩයෙහි වාර්ෂික ලක්ෂ්‍යමය උද්ධමනය 2021 මැයි මාසයේ පැවති සියයට 9.9හි සිට 2021 ජුනි මාසයේ දී සියයට 11.3 දක්වා ඉහළ ගිය අතර, ආහාර නොවන කාණ්ඩයෙහි වාර්ෂික ලක්ෂ්‍යමය උද්ධමනය 2021 මැයි මාසයේ පැවති සියයට 2.2හි සිට 2021 ජුනි මාසයේ දී සියයට 2.5 දක්වා ඉහළ ගියේය.

    වාර්ෂික සාමාන්‍ය පදනම මත මනිනු ලබන කො.පා.මි. දර්ශකයෙහි වෙනස 2021 මැයි මාසයේ පැවති සියයට 3.9හි සිට 2021 ජුනි මාසයේ දී සියයට 4.1 දක්වා ඉහළ ගියේය.

  • Statement by Deshamanya Professor W D Lakshman, Governor of the Central Bank of Sri Lanka on Foreign Currency Liquidity in the Domestic Market

    පසුගිය දින කිහිපය තුළ, බැංකු මගින් ආනයන සඳහා පහසුකම් සැලසීමට නොහැකි වන අන්දමින් දේශීය වෙළඳපොළේ විදේශ මුදල් ද්‍රවශීලතාවයේ හිඟයක් පවතිතැයි යන උපකල්පනය යටතේ විවිධ පුද්ගලයින් සහ මාධ්‍ය විසින් අදහස් දක්වා තිබුණි. සමහර මාධ්‍ය විසින් ප්‍රකාශයට හෝ ප්‍රසිද්ධියට පත් කරන ලද වාර්තා තුළ අන්තර්ගත බරපතල සෘණාත්මක අදහස් රටට ඉතා හානිකර විය හැකි ය. මේ සම්බන්ධයෙන් පවතින සත්‍ය තත්ත්වය පැහැදිලි කිරීම මෙම ප්‍රකාශයේ අරමුණ වෙයි.

Pages

more

අප පිළිබඳ

තවත් සේවා

ප්‍රයෝජනවත් අඩවි

අප හා සම්බන්ධතා