මෑත දී ඇති වූ ගංවතුර, අයහපත් කාලගුණික තත්ත්ව සහ ඊට සම්බන්ධ සිද්ධීන් නිසා හානියට පත් ණය ගනුදෙනුකරුවන්ගේ ව්‍යාපාර කටයුතු යළි නඟා සිටුවීම හා ජීවන කටයුතු සාමාන්‍ය තත්ත්වයට පත් කරලීම උදෙසා ඒ ඒ අවස්ථානුකූල ව සහන ලබා දීමට සියළු ම බලපත්‍රලාභී බැංකු සඳහා ශ්‍රී ලංකා මහ බැංකුව අවසර ලබා දී ඇත.
ඒ අනුව බැංකුවලට පහත අයුරින් කටයුතු කළ හැක.
- 2017 මැයි මස 25 වැනි දින තෙක් පැවැති සක්‍රීය ණය පහසුකම් සඳහා මාස 3කට නො වැඩි සහන ක‍ාලයක් එකී ගනුදෙනුකරුවන් වෙත ලබා දීම
- එම කාලයට අදාළ දඩ පොලී කපා හැරීම
මහ බැංකුවට දැනට ලැබී ඇති තොරතුරුවලට අනුව එම ගංවතුර තත්ත්වයෙන් හානියට පත් වූ ගනුදෙනුකරුවන් විශාල සංඛ්‍යාවක් මේ සම්බන්ධ ව දැනුම්වත් වී නොමැති බැවින් මෙම සහන ලබා ගෙන නැත. එම නිසා අදාළ ගනුදෙනුකරුවන් තමාගේ ළඟ ම ඇති බැංකු ශාඛාවෙන් මේ සම්බන්ධ ව වැඩිදුර තොරතුරු ලබා ගන්නා මෙන් දන්වා සිටී.
Published Date:
Friday, August 11, 2017