ශ්රී ලංකා මහ බැංකුවේ, 'ශ්රී ලංකා සමාජ ආර්ථික දත්ත - 2018' වාර්ෂික ප්රකාශනයේ 41 වෙනි වෙළුම පොදු මහජන පරිශීලනය සඳහා දැන් නිකුත් කර ඇත.
පහසුවෙන් ගෙන යා හැකි අයුරින් සකස් කොට ඇති මෙම ප්රකාශනයේ ශ්රී ලංකාවේ මූලික තොරතුරු, මූලික ආර්ථික දර්ශක, ලෝකයේ අනෙකුත් රටවල් සමඟ සංසන්දනාත්මක ව ශ්රී ලංකාවේ තත්ත්වය, සමාජ ආර්ථික තත්ත්වයන්, මානව සම්පත් තොරතුරු, ජාතික ගිණුම්, කෘෂිකර්මය, කර්මාන්ත, ආර්ථික හා සමාජ යටිතල පහසුකම්, මිල සහ වැටුප්, විදේශ වෙළෙඳාම සහ සංචාරක කර්මාන්තය, විදේශ මූල්ය, රාජ්ය මූල්ය කටයුතු, මූල්ය හා බැංකු යන අංශ 14ට අදාළ නවතම දත්ත ඇතුළත් වේ.
ශ්රී ලංකා මහ බැංකුවේ වාර්ෂික ප්රකාශනයක් වන “ශ්රී ලංකාවේ ආර්ථික හා සමාජ සංඛ්යාන - 2018” පොදු මහජන පරිශීලනය සඳහා දැන් නිකුත් කර ඇත. ජාතික ගිණුම්, කෘෂිකර්මය, කර්මාන්ත, ජාත්යන්තර වෙළෙඳාම සහ මූල්ය කටයුතු, රාජ්ය මූල්ය, බැංකු සහ මූල්ය ආයතන, මුදල් සහ ප්රාග්ධන වෙළෙඳපොළ, මිල හා වැටුප්, ජනගහනය සහ ශ්රම බලකාය, ප්රවාහනය, අධ්යාපනය, සෞඛ්යය, විදුලි සංදේශ සේවා සහ දේශගුණය යනාදී ශ්රී ලංකාවේ ආර්ථික හා සමාජ තත්ත්වය පිළිබිඹු වන දර්ශක මෙන් ම අනෙකුත් රටවල්වල තෝරා ගත් ආර්ථික සහ සමාජ දර්ශක ද මෙම ප්රකාශනයේ ඇතුළත් වේ.