2023 පෙබරවාරි මාසයේදී, නිෂ්පාදන හා සේවා ගැනුම් කළමනාකරුවන්ගේ දර්ශක පසුබෑමක් පෙන්නුම් කරන ලදී.
නිෂ්පාදන ක්රියාකාරකම්හි අඛණ්ඩ පසුබෑමක් පෙන්නුම් කරමින්, නිෂ්පාදන අංශයේ ගැනුම් කළමණාකරුවන්ගේ දර්ශකය 2023 පෙබරවාරි මාසයේ දී 42.3ක අගයක් වාර්තා කරන ලදී.
සේවා අංශයේ පසුබෑමක් පෙන්නුම් කරමින් සේවා අංශයෙහි ගැනුම් කළමනාකරුවන්ගේ දර්ශකය 2022 පෙබරවාරි මාසයේ දී 48.7ක දර්ශක අගයක් දක්වා පහත වැටුණි.
ශ්රී ලංකා මහ බැංකු පනත් කෙටුම්පත මේ වන විට පාර්ලිමේන්තුවට ඉදිරිපත් කර ඇති අතර, අනුමත වීමෙන් අනතුරුව මෙය ශ්රී ලංකා මහ බැංකුවට අදාළ වන පරිපාලන නීතිය වේ. මේ වන විට මෙම පනත් කෙටුම්පත මහජන අදහස් සඳහා විවෘතව පවතී.
මෙම යෝජිත පනත් කෙටුම්පත පිළිබඳ සිංහල මාධ්යයෙන් ප්රසිද්ධ දේශනයක්, මහ බැංකු අධිපති ආචාර්ය පී නන්දලාල් වීරසිංහ මහත්මාගේ ප්රධානත්වයෙන් පැවැත්වීමට කටයුතු යොදා ඇත. එම දේශනයෙන් අනතුරුව දේශනයට සහභාගීවන්නන් හට මේ සම්බන්ධයෙන් පවතින ගැටළු නිරාකරණය කිරීම සඳහා සම්පත් දායක මඩුල්ලක සහභාගීත්වයෙන් සාකච්ඡා වටයක් පැවැත්වීමටද නියමිතය.
ශ්රී ලංකා මහ බැංකුවේ බැංකු විදු පියෙස මගින් සංවිධානය කරනු ලබන මෙම දේශනය 2023 මාර්තු මස 16 වන දින පස්වරු 2.30 සිට 4.30 දක්වා අංක 58, ශ්රී ජයවර්ධනපුර මාවත, රාජගිරිය යන ලිපිනයෙහි පිහිටි බැංකු විදු පියෙස ශ්රවණාගාරයේදී පැවැත්වේ.
ශ්රී ලංකාවේ 75 වන නිදහස් සැමරුම නිමිත්තෙන් නිකුත් කරන ලද සංසරණය සඳහා නොවන සමරු කාසි සීමිත ප්රමාණයක් 2023.03.09 දින සිට කාසියක් රු.6,000 කට පහත සඳහන් මහ බැංකු අලෙවි ස්ථාන හරහා අලෙවි කිරීමට කටයුතු යොදා ඇත. කාසි අලෙවිය පැමිණීමේ ප්රමුඛතාව මත පදනම් කරගනිමින් පුද්ගල හැඳුනුම්පතේ තොරතුරු මත එක් අයෙකුට එක් කාසියක් බැගින් අලෙවි කෙරෙනු ඇත.
ශ්රී ලංකා මහ බැංකුව විසින් එමඟින් අධීක්ෂණය කරනු ලබන මූල්ය ආයතන මඟින් කොවිඩ්-19 වසංගතය සහ ඉන් පසු ඇති වූ සාර්ව ආර්ථික තත්වයන් හේතුවෙන් බලපෑමට පත් ණය ගනුදෙනුකරුවන්ට ණය සහන ඇතුළුව විවිධ සහන ලබා දීමට යෝජනා ක්රම කිහිපයක් ක්රියාත්මක කර ඇත. බලපෑමට පත් ණය ගනුදෙනුකරුවන් සඳහා ණය ආපසු ගෙවීමේ කාලය දීර්ඝ කිරීම, සහනදායී පොලී අනුපාතික, කාරක ප්රාග්ධන ණය, ණය සහන සහ ණය පහසුකම් ප්රතිව්යූහගත කිරීම/ප්රතිලේඛනගත කිරීම මෙම යෝජනා ක්රම වලට ඇතුළත් විය.
සංචාරක, ඇඟලුම්, වැවිලි, තොරතුරු තාක්ෂණය, කාර්ය සම්පාදන සේවා සැපයුම්කරුවන්, ප්රවාහන, පාසල් වෑන් රථ, ලොරි රථ, කුඩා භාණ්ඩ ප්රවාහන රථ හා බස් රථ වැනි බලපෑමට පත් කුඩා හා මධ්ය පරිමාණ ව්යාපාර බොහොමයකට සහ පෞද්ගලික අංශයේ සේවා නියුක්තිකයන්ට මෙම සහන බෙහෙවින් උපකාරී වී ඇත. කොවිඩ්-19 බලපෑමට ලක් වූ ණය ගනුදෙනුකරුවන් හට ලබා දී ඇති ණය සහන කාල සීමාවේ අවසාන අදියර බැංකු අංශය සදහා 2022.06.30 දිනෙන්ද බැංකු නොවන මුල්ය ආයතන අංශය සදහා 2022.03.31 දිනෙන්ද අවසන් විය.
It is with deep sorrow that we announce the demise of former Governor of the Central Bank of Sri Lanka (CBSL), Mr. H.B. Dissanayake.
He passed away at the age of 85 on the 05th of March 2023.
Mr. Dissanayake functioned as the 09th Governor of the CBSL from 1 July 1992 to 15 November 1995. Prior to assuming duties as Governor, he served as Director General of Customs and after retiring from the CBSL, he served as Alternate Executive Director at the International Monetary Fund (IMF) from 1996 -1998.
Mr. H.B. Dissanayake’s remains lie at his home (No. 2/84, Mihiri Uyana, Old Kottawa Road, Mirihana, Nugegoda) until 01.00 p.m. on 07th of March (today) and the cremation will be at the Public Cemetery, Mirihana.
ශ්රී ලංකා මහ බැංකුවේ මුදල් මණ්ඩලය 2023 මාර්තු මස 03 වැනි දින පැවති රැස්වීමේදී ශ්රී ලංකා මහ බැංකුවේ නිත්ය තැන්පතු පහසුකම් අනුපාතිකය සහ නිත්ය ණය පහසුකම් අනුපාතිකය, 2023 මාර්තු මස 03 වැනි දින ව්යාපාර කටයුතු අවසානයේ සිට බලපැවැත්වෙන පරිදි, පිළිවෙළින්, සියයට 15.50 සහ සියයට 16.50 දක්වා පදනම් අංක 100කින් ඉහළ නැංවීමට තීරණය කළේය.
කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්යමය වෙනස මගින් මනිනු ලබන මතුපිට උද්ධමනය, 2023 ජනවාරි මාසයේ වාර්තා වූ සියයට 51.7හි සිට 2023 පෙබරවාරි මාසයේ දී සියයට 50.6 දක්වා පහළ ගියේය. මතුපිට උද්ධමනයේ මෙම පහළ යෑම, ශ්රී ලංකා මහ බැංකුව විසින් 2023 ජනවාරි මාසයේ දී අපේක්ෂා කරන ලද උද්ධමනය පහළ යෑමේ ප්රවණතාවට බොහෝ දුරට අනුකූල වේ.
වෙළඳ භාණ්ඩ ගිණුමේ හිඟය, පෙර වසරට සාපේක්ෂව 2023 වසරේ ජනවාරි මාසයේ දී පහළ ගියේය.
පසුගිය වසරට සාපේක්ෂව 2023 වසරේ ජනවාරි මාසයේ දී ආනයන වියදම පහළ මට්ටමක පැවති අතර, අපනයන ආදායම පහළ ගියේය
2023 වසරේ ජනවාරි මාසයේ දී විදේශ සේවා නියුක්තිකයන්ගේ ප්රේෂණ සහ සංචාරක ඉපැයීම් අඛණ්ඩව ඉහළ ගියේය
2023 වසරේ ජනවාරි මාසය අවසන් වන විට දළ නිල සංචිත ශක්තිමත් වූ අතර, 2023 වසරේ ජනවාරි මාසයේ දී විනිමය අනුපාතිකය ස්ථාවරව පැවතුණි.
2023 වසරේ ජනවාරි මාසයේ දී කොළඹ කොටස් වෙළෙඳපොළ වෙත විදේශ ආයෝජනයන්හි සුළු ශුද්ධ ලැබීමක් වාර්තා කළ අතර, රාජ්ය සුරැකුම්පත් වෙළෙඳපොළ වෙතින් විදේශ ආයෝජනයන්හි සුළු ශුද්ධ ගෙවීමක් වාර්තා කළේය.
කොළඹ දිස්ත්රික්කයෙහි ඉඩම් තක්සේරු දර්ශකය සියයට 14.8ක වාර්ෂික වර්ධනයක් සමඟ 2022 වසරේ දෙවන භාගයේ දී දර්ශකාංක 205.2 දක්වා ඉහළ ගියේය. ඉඩම් තක්සේරු දර්ශකයෙහි මෙම ඉහළ යාම සඳහා නේවාසික, වාණිජ හා කාර්මික යන අනු දර්ශක තුනෙහිම ඉහළ යාම හේතු විය.
වාණිජ ඉඩම් තක්සේරු අනු දර්ශකය සියයට 15.7ක ඉහළම වාර්ෂික වැඩිවීමක් වාර්තා කළ අතර, අනුපිළිවෙලින් නේවාසික අනු දර්ශකය (15.2) සහ කාර්මික අනු දර්ශකය (13.6) ද වාර්ෂික වැඩිවීම් වාර්තා කරන ලදී. කෙසේ වුවද, ඉඩම් තක්සේරු දර්ශකයෙහි වාර්ෂික වැඩිවීමේ යම් පහත වැටීමේ ප්රවණතාවයක් 2022 දෙවන භාගයේ දී දක්නට ලැබුණු අතර කාර්මික ඉඩම් තක්සේරු අනු දර්ශකයෙහි වාර්ෂික වැඩිවීම පහත වැටීම ඊට ප්රධාන වශයෙන් හේතු විය. මේ අතර, 2022 දෙවන භාගයේ දී නේවාසික සහ වාණිජ ඉඩම් තක්සේරු අනු දර්ශකවල වාර්ෂික වර්ධනය සුළු වශයෙන් ඉහළ යන ලදී.
ගැනුම් කළමනාකරුවන්ගේ දර්ශකවලට අනුව 2023 ජනවාරි මාසයේදී, සේවා ක්රියාකාරකම්වල සුළු වර්ධනයක් දක්නට ලැබුණු අතර, නිෂ්පාදන ක්රියාකාරකම්වල පසුබෑමක් තවදුරටත් දක්නට ලැබුණි.
නිෂ්පාදන අංශයේ ගැනුම් කළමණාකරුවන්ගේ දර්ශකය 2023 ජනවාරි මාසයේ දී පෙර මාසයට සාපේක්ෂව නිෂ්පාදන ක්රියාකාරකම්හි අඛණ්ඩ පසුබෑමක් පෙන්නුම් කරයි. ඒ අනුව, නිෂ්පාදන අංශයේ ගැනුම් කළමණාකරුවන්ගේ දර්ශකය 2023 ජනවාරි මාසයේ දී දර්ශකාංක 4.0කින් පහළ යමින් 40.8ක අගයක් වාර්තා කළ අතර, මේ කෙරෙහි ඇණවුමක් සැපයීමට සැපයුම්කරුවන්ට ගතවන කාලය හැර අනෙකුත් සියලුම උප-දර්ශකයන්ගේ පහත වැටීම හේතු විය.
