පවතින සාර්ව ආර්ථික වාතාවරණය පිළිබඳ ව සලකා බලා දැනට පවතින මුදල් ප්රතිපත්ති ස්ථාවරය යෝග්ය බව 2017 දෙසැම්බර් මස 27 වැනි දින පැවති රැස්වීමේ දී මුදල් මණ්ඩලයේ අදහස වූ අතර ඒ අනුව ශ්රී ලංකා මහ බැංකුවේ ප්රතිපත්ති පොලී අනුපාතික දැනට පවතින මට්ටමේ නො වෙනස් ව පවත්වා ගැනීමට තීරණය විය. කෙ සේ වෙතත්,
ශ්රී ලංකා මහ බැංකුව ආර්ථිකයේ ප්රවණතා අඛණ්ඩ ව සමීප ව අධීක්ෂණය කර අවශ්ය පරිදි සුදුසු ප්රතිපත්ති ක්රියාමාර්ග ගනු ඇත.
මුදල් මණ්ඩලයේ මෙම තීරණය සඳහා තුඩු දුන් ප්රධාන ආංශික වර්ධන ප්රවණතා පහත සඳහන් වේ.
ශ්රී ලංකා වරාය අධිකාරිය සහ සීමාසහිත චයිනා මර්චන්ට් පොර්ට් හෝල්ඩින්ග්ස් සමාගම අතර හම්බන්තොට වරාය මෙහෙයුම් කටයුතු සම්බන්ධයෙන් ඇති කර ගන්නා ලද ගිවිසුම් ප්රකාර ව ශ්රී ලංකා රජය වෙත ලැබිය යුතු වූ එක්සත් ජනපද ඩොලර් මිලියන 292.1 ක මුදල ශ්රී ලංකා මහ බැංකුව විසින් ශ්රී ලංකා ආණ්ඩුව වෙනුවෙන් පවත්වාගෙන යනු ලබන එක්සත් ජනපද ඩොලර් ගිණුම වෙත බැර වී ඇත.
ජනලේඛන හා සංඛ්යාලේඛන දෙපාර්තමේන්තුව මගින් ගණනය කරනු ලබන ජාතික පාරිභෝගික මිල දර්ශකයේ විචලනය මගින් මනිනු ලබන උද්ධමනය ලක්ෂ්යමය පදනම මත 2017 ඔක්තෝබර් මාසයේ පැවැති සියයට 8.8ට සාපේක්ෂ ව 2017 නොවැම්බර් මාසයේ දී සියයට 8.4ක් දක්වා පහළ ගියේ ය.
වාර්ෂික සාමාන්ය පදනම මත මනිනු ලබන ජාතික පාරිභෝගික මිල දර්ශකයේ වෙනස 2017 ඔක්තෝබර් මාසයේ දී වාර්තා වූ සියයට 7.1 හි සිට 2017 නොවැම්බර් මාසයේ දී සියයට 7.5 දක්වා ඉහළ ගියේ ය.
නිෂ්පාදන අංශයේ ගැනුම් කළමනාකරුවන්ගේ දර්ශකය 2017 නොවැම්බර් මාසයේ දී 58.8ක දර්ශක අගයක් වාර්තා කරන ලද අතර එය 2017 ඔක්තෝබර් මාසයට සාපේක්ෂ ව දර්ශක අගයයන් 4.0ක ඉහළ යෑමකි. ඒ අනුව, 2017 ඔක්තෝ්බර් මාසයට සාපේක්ෂ ව නොවැම්බර් මාසයේ දී නිෂ්පාදන කටයුතු ඉහළ වේගයකින් වර්ධනය වීමක් පිළිබිඹු වේ. මේ සඳහා විශේෂයෙන් ම උක්සව සමයට සමගාමී ව ආහාර, බීම සහ දුම්කොළ නිෂ්පාදන කටයුතු සඳහා ඉල්ලුම ඉහළ යෑම හේතුවෙන් වර්ධනය වූ නව ඇණවුම් සහ නිෂ්පාදන උප දර්ශක හේතු විය. තව ද, 2017 ඔක්තෝබර් මාසයට සාපේක්ෂ ව සේවා නියුක්ති සහ ගැනුම් තොග යන උප දර්ශක ද වැඩි වේගයකින් වර්ධනය විය. මේ අතර ඇණවුමක් සැපයීමට සැපයුම්කරුවන්ට ගත වන කාලය සඳහා අදාළ වන උප දර්ශකය පසුගිය මාසයට සාපේක්ෂ ව අඩු වේගයකින් වර්ධනය විය. ඒ හැරුණු විට, සියලු ම උප දර්ශක කඩඉම් මට්ටම ලෙස ගැනෙන දර්ශක අගය වන 50.0ට වඩා වැඩි අගයක් වාර්තා කළ අතර ඒ අනුව නොවැම්බර් මාසයේ දී නිෂ්පාදන අංශයේ ගැනුම් කළමනාකරුවන්ගේ දර්ශකය සමස්තයක් ලෙස වර්ධනයක් පිළිබිඹු වේ.
2006 අංක 6 දරණ මුදල් ගනුදෙනු වාර්තා කිරීමේ පනතේ විධිවිධාන ප්රකාර ව ශ්රී ලංකා මූල්ය බුද්ධි ඒකකය 2017 දෙසැම්බර් 13 වැනි දින ශ්රී ලංකා මහ බැංකු පරිශ්රයේ දී ශ්රී ලංකා පොලීසිය සමඟ අවබෝධතා ගිවිසුමකට එළැඹිණි. මුදල් විශුද්ධිකරණය සහ ත්රස්තවාදයට මුදල් සැපයීම සම්බන්ධයෙන් සිදු කරනු ලබන විමර්ශන සහ නඩු පැවරීම් සඳහා අවශ්ය තොරතුරු හුවමාරු කර ගැනීම මෙහි මූලික පරමාර්ථය වේ.
පොලිස්පති පූජිත ජයසුන්දර සහ මූල්ය බුද්ධි ඒකකයේ අධ්යක්ෂ ආචාර්ය එච්. අමරතුංග විසින් මුදල් විශුද්ධිකරණය සහ ත්රස්තවාදයට මුදල් සැපයීම වැළැක්වීමේ ජාතික සම්බන්ධීකරණ කමිටුවේ සභාපති, ශ්රී ලංකා මහ බැංකු අධිපති ආචාර්ය ඉන්ද්රජිත් කුමාරස්වාමි ඉදිරියේ මෙම අවබෝධතා ගිවිසුම අත්සන් තබන ලදි.
පිරිසිදු මුදල් නෝට්ටු ප්රතිපත්තිය හා ශ්රී ලංකාවේ ව්යවහාර මුදල් නෝට්ටු සිතා මතා විකෘති කිරීම, හානි කිරීම හා වෙනස් කිරීම පිළිබඳ රෙගුලාසි ක්රියාත්මක කිරීම වෙත ශ්රී ලංකා මහ බැංකුව මහජනතාවගේ අවධානය යොමු කරවයි. ව්යවහාර මුදල් නෝට්ටුවල ගුණාත්මක තත්ත්වය පවත්වා ගෙන යාම අරමුණු කර ගෙන ශ්රී ලංකා මහ බැංකුව විසින් පිරිසිදු මුදල් නෝට්ටු ප්රතිපත්තිය හඳුන්වා දුන් අතර එය අව්යාජ හා ව්යාජ නෝට්ටු අතර වෙනස හඳුනා ගැනීමට උපකාරී වේ. තව ද, රටේ ප්රතිරූපය ඉහළ නැංවීම සහ ව්යවහාර මුදල් නොට්ටු හැසිරවීමේ කාර්යක්ෂමතාව ප්රවර්ධනය කිරීම ද මෙයින් බලාපොරොත්තු වේ.
The Central Bank of Sri Lanka hosted the 24th SAARCFINANCE Coordinators’ Meeting at the Central Bank premises, Colombo, on 1st September 2016. The 24th SAARCFINANCE Coordinators’ Meeting was attended by SAARCFINANCE Coordinators and Focal Points from the Central Banks and Ministries of Finance in the SAARC region.
The broad objective of SAARCFINANCE is to promote cooperation among Central Banks and Ministries of Finance in SAARC Member States to forge closer cooperation on macroeconomic policies of Member States and to share experiences and expertise within the region.
වෙළෙඳ හිඟය පුළුල් වීමත් විදේශ සේවා නියුක්තිකයන්ගේ ප්රේෂණ හා සංචාරක ඉපැයීම්වල වර්ධනය සාපේක්ෂ ව අඩු වීමත් සමඟ 2016 ජූනි මාසයේ දී ශ්රී ලංකාවේ විදේශීය අංශයේ ක්රියාකාරිත්වය මධ්යස්ථ මට්ටමක පැවතුණි. වසරේ පළමු මාස හතර තුළ දී ක්රමික අඩු වීමක් පෙන්නුම් කළ වෙළෙඳ හිඟය මැයි සහ ජූනි මාස තුළ දී අපනයන මෙන් ම ආනයනයන්හි ද සිදු වූ දුර්වල ක්රියාකාරිත්වය හේතුවෙන් ඉහළ ගියේ ය. වසරේ පෙර මාස සමඟ සැසඳීමේ දී ජූනි මාසය තුළ දී සංචාරක ඉපැයීම් අඩු වර්ධනයක් වාර්තා කළ අතර විදේශ සේවා නියුක්තිකයින්ගේ ප්රේෂණවල වර්ධනය ද මධ්යස්ථ විය. කෙ සේ නමුත්, ජාත්යන්තර මූල්ය අරමුදලේ විස්තීර්ණ ණය පහසුකම යටතේ පළමු වාරිකය ලැබීම සහ ඒකාබද්ධ ණය පහසුකම මගින් වූ ලැබීම් හේතුවෙන් මූල්ය ගිණුම වෙත වූ ලැබීම් ඉහළ ගියේ ය.
ශ්රී ලංකා මහ බැංකුවේ දසවැනි ජාත්යන්තර පර්යේෂණ සමුළුව 2017 වසරේ දෙසැම්බර් මස 8 වැනි දින ශ්රී ලංකා මහ බැංකුවේ ජෝන් එක්ස්ටර් ජාත්යන්තර සම්මන්ත්රණ ශාලාවේ දී පැවැත්වී ය. මෙම සමුළුව ප්රතිපත්ති සම්පාදන සහ අධ්යාපන ආයතනවල පර්යේෂකයන් සඳහා තම අත්දැකීම් සහ අදහස් ඉදිරිපත් කිරීම සඳහා සංසදයක් සකස් කර දෙන අතර ම මෑත කාලීන සාර්ව ආර්ථික ප්රතිපත්තිමය ගැටලු පිළිබඳ නව්ය පර්යේෂණ සිදු කිරීම දිරිගැන්වීම අරමුණු කර ගනිමින් ’දීප්තිමත් අනාගතයක් සඳහා වූ සාර්ව ආර්ථික ප්රතිපත්ති ප්රතිසංස්කරණ’ යන තේමාව යටතේ පවත්වනු ලැබීය.
ශ්රී ලංකාව ලබා ගත් තුන් අවුරුදු විස්තීර්ණ ණය පහසුකමට අදාළ තෙවන සමාලෝචනය ජාත්යන්තර මූල්ය අරමුදලේ විධායක කමිටුව විසින් සම්පූර්ණ කරන ලද අතර ඒ අනුව විශේෂ ගැනුම් හිමිකම් මිලියන 177.774ක (දළ වශයෙන් එක්සත් ජනපද ඩොලර්මි ලියන 251.4 ක) වටිනාකමින් යුතු සිව්වැනි වාරිකය ශ්රී ලංකාව වෙත මුදා හැර ඇත.
