මුදල් විශුද්ධිකරණය, අල්ලස් හෝ දූෂණ සහ ඒ ආශ්‍රිත අපරාධ පිළිබඳ විමර්ශන සහ නඩු පැවරීම් සම්බන්ධ තොරතුරු හුවමාරු කර ගැනීම සඳහා ශ්‍රී ලංකා මූල්‍ය බුද්ධි ඒකකය ශ්‍රී ලංකා මහ බැංකු පරිශ්‍රයේ දී අල්ලස් හෝ දූෂණ චෝදනා විමර්ශන කොමිෂන් සභාව සමඟ අවබෝධතා ගිවිසුමකට එළැඹිණි.
-
Financial Intelligence Unit of Sri Lanka entered into a Memorandum of Understanding with the Commission to Investigate Allegations of Bribery or Corruption
-
45th SAARCFINANCE Governors’ Meeting and Symposium
කලාපීය සහයෝගීතාව සඳහා වූ දකුණු ආසියානු සංගමයේ මූල්‍ය ජාලයේ අධිපතිවරුන්ගේ 45 වැනි රැස්වීම සහ සමුළුව ශ්‍රී ලංකා මහ බැංකුවේ සත්කාරකත්වයෙන් 2024 ජූනි මස 13 සහ 14 දෙදින තුළ කොළඹ දී පවත්වන ලදී. මෙම අවස්ථාවට එම කලාපයේ මහ බැංකු අධිපතිවරු, මුදල් ලේකම්වරු සහ මහ බැංකු හා මුදල් අමාත්‍යාංශවල නියෝජිතයෝ සහභාගී වූහ.
"බහුවිධ ගෝලීය ආර්ථික අභියෝග හමුවේ මහ බැංකුකරණය" යන තේමාව යටතේ කලාපීය සහයෝගීතාව සඳහා වූ දකුණු ආසියානු සංගමයේ මූල්‍ය ජාලයේ අධිපතිවරුන්ගේ සමුළුව පළමු දිනයේ දී පැවැත්විණි. ශ්‍රී ලංකා ජනාධිපති සහ මුදල්, ආර්ථික ස්ථායිකරණ සහ ජාතික ප්‍රතිපත්ති අමාත්‍ය, ගරු රනිල් වික්‍රමසිංහ මැතිතුමා සමාරම්භක උත්සවයට සහභාගී වූ අතර සමුළුවේ ප්‍රධාන දේශනය පවත්වන ලදී. පවත්නා ආර්ථික අභියෝගවලට මුහුණදීම සහ ආර්ථික වර්ධනය සඳහා කලාපීය සහයෝගීතාව ශක්තිමත් කිරීමේ වැදගත්කම ගරු ජනාධිපතිතුමා සිය දේශනයේ දී අවධාරණය කළේය. මුදල් හා රාජ්‍ය මූල්‍ය ස්ථායිතාවයේ අවශ්‍යතාවය එතුමා යළිත් අවධාරණය කළ අතර රට තුළ කල්පවත්නා ස්ථායිතාවයක් සහතික කිරීම සඳහා නීතිමය රාමුව ශක්තිමත් කිරීමට ගන්නා උත්සාහයන් ද අවධාරණය කළේය. මෙම සමාරම්භක අවස්ථාවට කලාපීය සහයෝගීතාව සඳහා වූ දකුණු ආසියානු සංගමයේ මහලේකම්, තානාපති මොහොමඩ් ගෝලම් සර්වර් මහතා ද සහභාගී විය.
-
IMF Executive Board Concludes 2024 Article IV Consultation with Sri Lanka and Completes the Second Review Under the Extended Fund Facility
ජාත්‍යන්තර මූල්‍ය අරමුදලේ විධායක මණ්ඩලය විසින් ශ්‍රී ලංකාව සමඟ මාස 48ක විස්තීර්ණ ණය අරමුදල් පහසුකම යටතේ දෙවන සමාලෝචනය සම්පූර්ණ කරන ලද අතර, එමගින් ආර්ථික ප්‍රතිපත්ති සහ ප්‍රතිසංස්කරණ සඳහා සහාය වීම සඳහා වි.ගැ.හි. මිලියන 254ක (එ.ජ. ඩොලර් මිලියන 336ක් පමණ) මූල්‍යන පහසුකමක් සදහා ශ්‍රී ලංකාවට ක්ෂණික ප්‍රවේශයක් ලබා දෙන ලදී.
-
Central Bank of Sri Lanka to Function as the Regulatory and Supervisory Authority of Money or Value Transfer Service Providers
දැනට ශ්‍රී ලංකාවේ මූල්‍ය පද්ධතියේ ස්ථායිතාව සහතික කිරීම සඳහා, බැංකු සහ බැංකු නොවන මූල්‍ය ආයතන වැනි මුදල් පැවරීම් සේවා සපයන ආයතන ශ්‍රී ලංකා මහ බැංකුව හෝ අදාළ වෙනත් අධිකාරී ආයතන විසින් නියාමනය කරනු ලැබේ. කෙසේ වෙතත්, ඒ හා සමාන සේවා සපයන සමහර ආයතන මුදල් පැවරීම් පද්ධතියට බාධා එල්ල විය හැකි අයුරින්ද මුදල් විශුද්ධිකරණය වැලැක්වීම සහ ත්‍රස්තවාදයට මුදල් සැපයීම මැඩපැවැත්වීම (Anti-Money Laundering/Countering of Financing of Terrorism) පිළිබඳ වූ නියාමන රාමුවට යටත් නොවෙමින්ද විධිමත් පද්ධතියෙන් පරිබාහිරව ක්‍රියාත්මක වේ.
-
CCPI based headline inflation decelerated in May 2024
කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2024 අප්‍රේල් මාසයේ වාර්තා වූ සියයට 1.5හි සිට 2024 මැයි මාසයේ දී සියයට 0.9ක් දක්වා පහළ ගියේය. මතුපිට උද්ධමනයේ මෙම පහළ යෑම, ශ්‍රී ලංකා මහ බැංකුව විසින් සිදු කරන ලද පුරෝකථනයන්ට බොහෝ දුරට අනුකූල වේ.
-
Sri Lanka Purchasing Managers’ Index (Construction) - April 2024
පසුගිය වසරවල අලුත් අවුරුදු සමයේ පැවති රටාවට අනුගතව බොහෝ අංශවල ක්‍රියාකාරකම් මන්දගාමීවීම තුළ, ඉදිකිරීම් අංශයෙහි ශ්‍රී ලංකා ගැනුම් කළමනාකරුවන්ගේ දර්ශකය ද අප්‍රේල් මාසයේ දී දර්ශකාංක 31.9ක් දක්වා පහත වැටීමක් වාර්තා කරන ලදී. මෙමගින් ඉදිකිරීම් ක්‍රියාකාරකම් පසුගිය මාසයට සාපේක්ෂව පහත වැටීමක් පෙන්නුම් කරයි. සමීක්ෂණයට ප්‍රතිචාර දැක්වූවන් සඳහන් කළ පරිදි, දීර්ඝ අලුත් අවුරුදු නිවාඩුව හේතුවෙන් බොහෝ ඉදිකිරීම් වැඩබිම් මෙම මාසය තුළ තාවකාලිකව වසා දැමීම මෙම පසුබැසීමට හේතු වී ඇත.
-
External Sector Performance - April 2024
ආනයන ඉහළ යෑමට වඩා වැඩි අගයකින් අපනයන ඉහළ යෑම හේතුවෙන් (වාර්ෂික ලක්ෂ්‍යමය මත) 2024 වසරේ අප්‍රේල් මාසයේ දී වෙළඳ හිඟය අඩු විය. කෙසේ වෙතත්, 2024 වසරේ ජනවාරි-අප්‍රේල් කාලපරිච්ඡේදය සඳහා සමස්ත වෙළඳ හිඟය පුළුල් විය.
සෘතුමය රටාවට අනුකූලව 2024 වසරේ අප්‍රේල් මාසයේ දී සංචාරක පැමිණීම් මන්දගාමී වුවද, සංචාරක අංශයේ වර්ධනය අඛණ්ඩව පවතියි.
සේවා අංශ වෙත වූ අනෙකුත් ලැබීම් 2024 වසරේ පළමු මාස හතර තුළ ශක්තිමත්ව පැවතුණි.
විදේශ සේවා නියුක්තිකයන්ගේ ප්‍රේෂණ විදේශීය ජංගම ගිණුමට සහ විදේශ විනිමය වෙළඳපොළෙහි ද්‍රවශීලතාවයට සැලකිය යුතු ලෙස අඛණ්ඩව දායක විය.
2024 වසරේ අප්‍රේල් මාසයේදී ද රාජ්‍ය සුරැකුම්පත් වෙළඳපොළෙන් විදේශ ආයෝජන ගෙවීම් අඛණ්ඩව සිදු විය.
-
The Central Bank of Sri Lanka Maintains Policy Interest Rates at their Current Levels
ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය 2024 මැයි මස 27 වැනි දින පැවති රැස්වීමේ දී මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 8.50 සහ සියයට 9.50 ලෙස දැනට පවතින මට්ටමේ පවත්වාගෙන යෑමට තීරණය කළේය. ආර්ථිකයට එහි විභව නිමැවුම් මට්ටම කරා ළඟා වීමට සහාය වෙමින්, මැදි කාලීනව උද්ධමනය ඉලක්කගත සියයට 5ක මට්ටමේ පවත්වාගෙන යෑම සඳහා වත්මන් සහ අපේක්ෂිත සාර්ව ආර්ථික ප්‍රවණතා මෙන්ම දේශීය හා ගෝලීයව ඇතිවිය හැකි අවදානම් පිළිබඳව ද මනාව සලකා බැලීමෙන් අනතුරුව මුදල් ප්‍රතිපත්ති මණ්ඩලය මෙම තීරණයට එළැඹිණි. මැදි කාලීන උද්ධමන ඉදිරි දැක්ම වර්තමානයේ පවතින ප්‍රතිපත්ති පොලී අනුපාතික මට්ටම හා අනුකූලව පැවතීමත් උද්ධමන අපේක්ෂා මනාව පාලනය වී පවතින තත්ත්වයක් තුළ, ප්‍රතිපත්ති පොලී අනුපාතික සහ අනෙකුත් පදනම් පොලී අනුපාතිකවලට අනුකූලව, දේශීය මුදල් තත්ත්ව ලිහිල් වීම සහ දේශීය ආර්ථික ක්‍රියාකාරකම් යථා තත්ත්වයට පත් වීම සඳහා අත්‍යවශ්‍ය වන වෙළඳපොළ ණය පොලී අනුපාතික තවදුරටත් අඩු කිරීමේ අවශ්‍යතාව පිළිබඳ මුදල් ප්‍රතිපත්ති මණ්ඩලය විසින් අවධානය යොමු කරන ලදී.
-
Central Bank Launches Financial Literacy Roadmap of Sri Lanka 2024-2028
ශ්‍රී ලාංකීය පුරවැසියන්ගේ මූල්‍ය හැකියාවන් ඉහළ නැංවීම උදෙසා වැදගත් පියවරක් සනිටුහන් කරමින්, 2024 මැයි 21, වූ අද දින ශ්‍රී ලංකා මහ බැංකුව විසින් ශ්‍රී ලංකාවේ මූල්‍ය සාක්ෂරතා මාර්ගෝපදේශය එළි දක්වන ලදී.
-
Sri Lanka Purchasing Managers’ Index (Manufacturing and Services) - April 2024
2024 අප්‍රේල් මාසයේ ගැනුම් කළමනාකරුවන්ගේ දර්ශක මගින් නිෂ්පාදන ක්‍රියාකාරකම්වල පසුබෑමක් ද සේවා ක්‍රියාකාරකම්වල වර්ධනයක් ද පෙන්නුම් කරයි
නිෂ්පාදන අංශයේ ශ්‍රී ලංකා ගැනුම් කළමණාකරුවන්ගේ දර්ශකය 2024 අප්‍රේල් මාසයේ දී දර්ශකාංක 42.0ක් වාර්තා කරමින්, පසුගිය වසරවල අප්‍රේල් මාසය තුළ පැවති රටාවට අනුගතව, නිෂ්පාදන ක්‍රියාකාරකම්වල පසුබෑමක් පිළිබිඹු කරයි. ඒ අනුව, මාසය තුළදී නව ඇණවුම්, නිෂ්පාදන, සේවා නියුක්තිය සහ තොග මිලදී ගැනුම් උප දර්ශක පහළ වැටීමෙහි ප්‍රතිඵලයක් ලෙස සමස්ත දර්ශයක පහත වැටුණි.
සේවා අංශයෙහි ශ්‍රී ලංකා ගැනුම් කළමනාකරුවන්ගේ දර්ශකය, එනම් ව්‍යාපාර ක්‍රියාකාරකම් දර්ශකය, 2024 අප්‍රේල් මාසයේ දී දර්ශකාංක 56.7ක් වාර්තා කරමින් සේවා ක්‍රියාකාරකම්වල මන්දගාමී වර්ධනයක් පෙන්නුම් කළේය.