2019 මාර්තු මස උද්ධමනය

ජාතික පාරිභෝගික මිල දර්ශකයෙහි (2013=100) ලක්ෂ්‍යමය වෙනස මගින් මනිනු ලබන මතුපිට උද්ධමනය, ප්‍රධාන වශයෙන් ම පසුගිය වසරේ අනුරූප මාසයේ දී පැවති අඩු පදනම් අගය හේතුවෙන් 2019 පෙබරවාරි මාසයේ පැවති සියයට 2.4 හි සිට 2019 මාර්තු මාසයේ දී සියයට 2.9 දක්වා ඉහළ ගියේ ය. මේ අතර, ආහාර සහ ආහාර නො වන කාණ්ඩයන්හි ලක්ෂ්‍යමය උද්ධමනය 2019 මාර්තු මාසයේ දී පිළිවෙලින් සියයට -2.3 සහ සියයට 7.1 ලෙස වාර්තා විය.

වාර්ෂික සාමාන්‍ය පදනම මත මනිනු ලබන ජාතික පාරිභෙෘ්ගික මිල දර්ශකයේ වෙනස, 2019 මාර්තු මාසයේ දී සියයට 1.7 හි නො වෙනස් ව පැවතුණි.

මාසික වෙනස් වීම සලකා බැලීමේ දී, සහල්, පොල් සහ එළවළු මිල ගණන් පහළ යෑම ප්‍රධාන කොට ගෙන ආහාර කාණ්ඩයේ අයිතමවල මිල ගණන්වල සිදු වූ පහළ යෑම, 2019 මාර්තු මාසයේ දී ජාතික පාරිභෝගික මිල දර්ශකය සියයට 0.2කින් පහළ යෑමට හේතු විය. කෙ සේ වුව ද, ආහාර නො වන කාණ්ඩයේ මද්‍යසාර පාන වර්ග සහ දුම්කොළ; ප්‍රවාහන (පෙට්‍රල් සහ ඩීසල්); රෙදිපිළි හා පාවහන්; සහ විවිධ භාණ්ඩ හා සේවා උපකාණ්ඩයන්හි අයිතමවල මිල ගණන් මාසය තුළ දී ඉහළ ගියේ ය.

සම්පුර්ණ ලිපිය

Published Date: 

Tuesday, April 23, 2019