ශ්‍රී ලංකා මහ බැංකු පනතේ 63(2) වගන්තියට අනුව මහ බැංකුව විසින් සාර්ව විචක්ෂණ ප්‍රතිපත්ති රාමුව (Macroprudential Policy Framework) ප්‍රකාශයට පත් කර ඇත. සාර්ව විචක්ෂණ ප්‍රතිපත්ති සැකසීමේ ක්‍රියාවලිය සහ මූල්‍ය පද්ධතිය තුළ සාර්ව විචක්ෂණ ප්‍රතිපත්තියේ කාර්යභාරය පිළිබඳව අදාළ පාර්ශවකරුවන් දැනුවත් කිරීම මෙම ප්‍රකාශනයෙහි අරමුණ වේ.

සාර්ව විචක්ෂණ ප්‍රතිපත්තිවල අරමුණු සහ කාර්යභාරය; පද්ධතිමය අවදානම සහ එය නිරීක්ෂණය කළ හැකි දර්ශක; සාර්ව විචක්ෂණ මෙවලම් (Macroprudential Tools); මහ බැංකුවේ අනෙකුත් ප්‍රතිපත්ති සමඟ අන්තර්ක්‍රියාකාරිත්වය; ආයතනික සැකැස්ම (Institutional Set-Up); සහ මහ බැංකුව විසින් සාර්ව විචක්ෂණ ස්ථාවරය/පද්ධතිමය අවදානම් ප්‍රවණතාවයන් සන්නිවේදනය කරන ආකාර පිළිබඳ පැහැදිලි කිරීම් මෙම ලේඛනයෙහි අන්තර්ගත වේ .ශ්‍රී ලංකාවේ සාර්ව විචක්ෂණ අධිකාරිය ලෙස මහ බැංකුවේ සාර්ව විචක්ෂණ ප්‍රවේශය පිළිබඳ තොරතුරු සම්බන්ධයෙන් උනන්දුවක් දක්වන පාර්ශවයන්ට මෙම ප්‍රකාශනය ප්‍රයෝජනවත් සහ විශ්වාසනීය මූලාශ්‍රයක් වනු ඇත.

සාර්ව විචක්ෂණ ප්‍රතිපත්ති රාමුවේ විද්‍යුත් පිටපතක් මහා බැංකු වෙබ් අඩවිය ඔස්සේ ලබා ගත හැක.

https://www.cbsl.gov.lk/sites/default/files/cbslweb_documents/publicatio...