நடைமுறையிலுள்ள நாணயக் கொள்கை நிலைக்கு அமைவாக மத்திய வங்கியினால் மேற்கொள்ளப்படுகின்ற நாணயத் தொழிற்பாடுகள் பற்றி ஆர்வலர்களுக்கிடையில் விழிப்புணர்வையும் அறிவையும் அதிகரிக்கும் நோக்குடன் இலங்கை மத்திய வங்கி அதன் தொடக்க சந்தைத் தொழிற்பாடுகள் அறிக்கையினை வெளியிட்டுள்ளது. நாணயக் கொள்கை நடைமுறைப்படுத்தல் செயன்முறையினை ஆக்கபூர்வமாக தொடர்பூட்டுவதனூடாக நெகிழ்வுமிக்க பணவீக்க இலக்குக் கட்டமைப்பின் கீழ் மத்திய வங்கியின் வெளிப்படைத் தன்மையினையும் பொறுப்புக்கூறலையும் மேம்படுத்துவதற்கான வினையூக்கியொன்றாக சந்தைத் தொழிற்பாடுகள் அறிக்கை அமையும்.
-
The Central Bank of Sri Lanka publishes its inaugural Market Operations Report
-
External Sector Performance June 2024
2024இன் முதலாவது அரையாண்டில் வெளிநாட்டுத் துறைச் செயலாற்றமானது சிறியளவு உயர்வான வர்த்தகப் பற்றாக்குறையொன்றிற்கு மத்தியில் தொழிலாளர் பணவனுப்பல்களிற்கான உயர்ந்தளவிலான உட்பாய்ச்சல்களுடன் நேர்க்கணியமாக தொடர்ந்தும் காணப்பட்டது.
வணிகப்பொருள் வர்த்தகப் பற்றாக்குறையானது (ஆண்டிற்காண்டு) 2024 மேயுடன் ஒப்பிடுகையில் சுருக்கமடைந்தபோதிலும் 2024 யூனில் விரிவடைந்தது காணப்பட்டது.
-
CCPI based headline inflation accelerated, yet remained below the target, in July 2024
கொழும்பு நுகர்வோர் விலைச் சுட்டெண்ணின் (கொநுவிசு, 2021=100) ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கம், 2024 யூலையில் 2.4 சதவீதமாகக் காணப்பட்டது. பணவீக்கமானது இவ்வுயர்வடைதலின் பின்னரும்கூட 5 சதவீதம் கொண்ட இலக்கிடப்பட்ட மட்டத்திற்கு கீழேயே தொடர்ந்தும் காணப்படுகின்றது.
-
SL Purchasing Managers’ Index (PMI) for Construction Industry – June 2024
கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), 2024 யூனில் 59.5 சுட்டெண் பெறுமதியினை அடைந்து, மூன்றாவது தொடர்ச்சியான அளவீட்டுச் சுற்றுக்களில் அதன் அதிகூடிய சுட்டெண் பெறுமதியினைப் பதிவுசெய்தது. தொழிற்துறையானது பல்தரப்பு முகவராண்மைகள் மூலம் நிதியளிக்கப்பட்ட குறிப்பாக, வீதிப் புனரமைப்பு மற்றும் நீர் விநியோகத்துடன் தொடர்புபட்ட கருத்திட்டங்கள் மூலம் பிரதானமாக தூண்டப்பட்டிருந்ததென அநேகமான பதிலிறுப்பாளர்கள் எடுத்துக்காட்டினர்.
-
The Central Bank of Sri Lanka Further Reduces Policy Interest Rates
இலங்கை மத்திய வங்கியின் நாணயக் கொள்கைச் சபையானது 2024 யூலை 23ஆம் நாளன்று நடைபெற்ற அதன் கூட்டத்தில் மத்திய வங்கியின் துணைநில் வைப்பு வசதி வீதத்தினையும் துணைநில் கடன்வழங்கல் வசதி வீதத்தினையும் முறையே 8.25 சதவீதத்திற்கும் 9.25 சதவீதத்திற்கும் 25 அடிப்படைப் புள்ளிகளினால் குறைப்பதற்குத் தீர்மானித்தது.
-
Purchasing Managers’ Indices indicate expansions in both Manufacturing and Services activities in June 2024
தயாரிப்பிற்கான இலங்கைக் கொள்வனவு முகாமையாளர் சுட்டெண் (கொ.மு.சு – தயாரிப்பு), 2024 யூனில் 56.6 சுட்டெண் பெறுமதியினைப் பதிவுசெய்து, தயாரிப்பு நடவடிக்கைகளில் விரிவாக்கமொன்றை எடுத்துக்காட்டியது. தொழில்நிலை தவிர அனைத்து துணைச் சுட்டெண்களும் மாத காலப்பகுதியில் நடுநிலையான அடிப்படை அளவிற்கு மேல் காணப்பட்டன.
-
CCPI based headline inflation accelerated in June 2024
கொழும்பு நுகர்வோர் விலைச் சுட்டெண்ணின் (கொநுவிசு, 2021ஸ்ரீ100) ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கம், 2024 மேயின் 0.9 சதவீதத்திலிருந்து 2024 யூனில் 1.7 சதவீதத்திற்கு உயர்வடைந்தது. முதன்மைப் பணவீக்கத்தில் ஏற்பட்ட இவ்வுயர்வடைதலானது பரந்தளவில் இலங்கை மத்திய வங்கியின் எறிவுகளுக்கு இசைவாக காணப்படுகின்றது. இவ்வதிகரிப்புடனும் கூட பணவீக்கமானது 5 சதவீதம் கொண்ட பணவீக்க இலக்கிற்கு நன்கு கீழ் காண்ப்படுகின்றது.
-
External Sector Performance - May 2024
2024 மேயில் வெளிநாட்டுத்துறையானது சுருக்கமடைந்த வர்த்தகப் பற்றாக்குறையொன்று, பணிகள் கணக்கில் உயர்வடைந்த உட்பாய்ச்சல்கள் மற்றும் உயர்வடைந்த தொழிலாளர் பணவனுப்பல்கள் என்பவற்றினால் ஆதரவளிக்கப்பட்டது.
வணிகப்பொருள் வர்த்தகப் பற்றாக்குறையானது ஆண்டிற்காண்டு அடிப்படையில் 2024 மேயில் சுருக்கமடைந்தபோதிலும் 2024 சனவரி தொடக்கம் மே வரையான காலப்பகுதியில் விரிவடைந்து காணப்பட்டது.
-
SL Purchasing Managers’ Index (PMI) for Construction Industry – May 2024
கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), 2024 மேயில் 54.5 சுட்டெண் பெறுமதியைப் பதிவுசெய்து, கட்டடவாக்க நடவடிக்கைகளில் மேம்படுதலை எடுத்துக்காட்டியது. முன்னைய மாதத்தின் நீண்ட விடுமுறை நாட்களுக்குப் பின்னர் பல கட்டடவாக்க செயற்றிட்டங்கள் மேயில் வழமைக்கு திரும்பின. எவ்வாறாயினும், நிலவிய பாதகமான வானிலை நிலைமைகள் எதிர்பார்க்கப்பட்ட மேம்படுதலை தடைபடுத்தின என பல பதிலிறுப்பாளர்கள் குறிப்பிட்டனர்.
-
Implementation of the Banking (Amendment) Act, No 24 of 2024
2024ஆம் ஆண்டின் 24ஆம் இலக்க வங்கித்தொழில் (திருத்தச்) சட்டம் 2024.06.15ஆம் நாளிலிருந்து நடைமுறைக்குவந்திருக்கின்றது என்பதனை இலங்கை மத்திய வங்கி அறிவிக்கவிரும்புகின்றது. இத்திருத்தங்கள், வங்கித்தொழில் துறையின் தாக்குப்பிடிக்கும் தன்மையினை மேம்படுத்துவதற்காக உரிமம்பெற்ற வர்த்தக வங்கிகள் மற்றும் உரிமம்பெற்ற சிறப்பியல்புவாய்ந்த வங்கிகள் (உரிமம்பெற்ற வங்கிகள்) என்பனவற்றிற்கு ஏற்புடைத்தான சட்டம் மற்றும் ஒழுங்குமுறைப்படுத்தல் கட்டமைப்பினை மேலும் வலுப்படுத்தும் நோக்குடன் வடிவமைக்கப்பட்டிருக்கிறது.
வங்கித்தொழில் வியாபாரத்தினை கொண்டு நடத்துகின்ற ஆட்களுக்கு உரிமம் வழங்குவதற்கான ஒழுங்குமுறைகளின் அறிமுகத்தையும் செயற்பாடுகளையும் வங்கித்தொழில் வியாபாரத்துடன் தொடர்பான ஒழுங்குவிதிகள் மற்றும் கட்டுப்பாட்டு விடயங்களையும் வழங்குகின்ற வங்கித்தொழில் சட்டமானது 2006இல் இறுதியாகத் திருத்தப்பட்டது. ஆகவே, இத்திருத்தங்கள், தற்போதைய ஒழுங்குமுறைப்படுத்தல் கட்டமைப்பின் அபிவிருத்திகள், பொருளாதாரம் மற்றும் சந்தை அபிவிருத்திகள், உள்நாட்டு வங்கித்தொழில் துறையின் பின்னணியில், சிறந்த நடைமுறைகள் மற்றும் முன்மதியுடைய தேவைப்பாடுகள் மீதான பன்னாட்டு நியமங்கள் என்பனவற்றைப் பரிசீலனையில் கொண்டு வடிவமைக்கப்பட்டன. மேலதிகமாக, வங்கித்தொழில் சட்டத்திற்கு திருத்தங்களை வரையும் போது, ஏற்புடைத்தானவிடத்து, தொடர்பான ஆர்வலர்களிடமிருந்து, அதாவது, வங்கித்தொழில் துறை, வங்கிகளில் கணக்காய்வுகளை நடத்தும் கணக்காய்வாளர் குழு, ஏனைய ஒழுங்குமுறைப்படுத்துனர்கள் மற்றும் அதிகாரபீடங்களின் அவதானிப்புக்களும் கருத்துக்களும் பரிசீலனையில் கொள்ளப்பட்டன.