ஏற்கனவே தாபிக்கப்பட்ட கொவிட்-19 நோய்த்தொற்றுக்குப் பிந்திய புத்துயிரளித்தல் பிரிவுகளின் தொழிற்பாடுகளை மேலும் வலுப்படுத்தி, அத்தகைய பிரிவுகளை வியாபார புத்துயிரளித்தல் பிரிவுகள் ஆக வடிவமைப்பதற்கு இலங்கை மத்திய வங்கி 2024 மாச்சு 28 அன்று உரிமம்பெற்ற வங்கிகளுக்கு விரிவான வழிகாட்டலை வழங்கியுள்ளது. முன்மொழியப்பட்ட வியாபார புத்துயிரளித்தல் பிரிவுகளின் மேம்படுத்தப்பட்ட நோக்கெல்லையானது அசாதாரண பேரண்டப்பொருளாதார நிலைமைகளால் பாதிக்கப்பட்ட வளம்பெறத்தக்க வியாபாரங்களுக்கென நிலைபேறான புத்துயிரளித்தலை வசதிப்படுத்தி உரிமம்பெற்ற வங்கிகளின் அதிகரித்த சேதமிழந்த சொத்துக்களை முறையாகக் கையாளுவதை உறுதிசெய்யும். இவ்வழிகாட்டல்களை வகுக்கின்றபோது மத்திய வங்கியானது வங்கித் தொழில்துறை மற்றும் வர்த்தக சம்மேளனம் அடங்கலாக தொடர்புடைய ஆர்வலர்களின் கருத்துக்களையும் கோரியது.

கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண், 57.1 சுட்டெண் பெறுமதியினைப் பதிவுசெய்திருந்த மொத்த நடவடிக்கைச் சுட்டெண் மூலம் பிரதிபலிக்கப்பட்டவாறு 2024 பெப்புருவரியில் கட்டடவாக்க நடவடிக்கைகளில் விரிவடைதலை எடுத்துக்காட்டுகின்றது. தற்போதைய ஆக்கபூர்வமான சூழலும் தற்காலிகமாக இடைநிறுத்தப்பட்டிருந்த பல கருத்திட்டங்கள் மீளத்தொடங்கியமையும் கட்டடவாக்க நடவடிக்கைகளில் வளர்ச்சிக்கு காரணமாகவிருந்தன என பல  நிறுவனங்கள் குறிப்பிட்டன.

இலங்கை மத்திய வங்கியின் நாணயச் சபையானது 2024 மாச்சு 25ஆம் நாளன்று நடைபெற்ற அதன் கூட்டத்தில் மத்திய வங்கியின் துணைநில் வைப்பு வசதி வீதத்தினையும் துணைநில் கடன்வழங்கல் வசதி வீதத்தினையும் முறையே 8.50 சதவீதத்திற்கும் 9.50 சதவீதத்திற்கும் 50 அடிப்படைப் புள்ளிகளால் குறைப்பதற்குத் தீhமானித்தது. நடுத்தரகாலத்தில் பணவீக்கத்தை 5 சதவீதம் கொண்ட இலக்கிடப்பட்டமட்டத்தில் பேணுகின்ற அதேவேளை பொருளாதாரம் அதன் உள்ளார்ந்த ஆற்றலை அடைவதை இயலச்செய்வதற்கு தற்போதைய மற்றும் எதிர்பார்க்கப்பட்ட உள்நாட்டு மற்றும் உலகளாவிய பொருளாதார அபிவிருத்திகள் பற்றிய விரிவான மதிப்பீடொன்றினைத் தொடர்ந்து சபை இத்தீர்மானத்தை மேற்கொண்டது. இத்தீர்மானத்தை மேற்கொள்கையில் சபையானது ஏனையவற்றிற்கு மத்தியில், குறைவடைந்த கூட்டுக் கேள்வி நிலைமைகள், வரிக்கட்டமைப்பிற்கான அண்மைய  மாற்றங்களின் பணவீக்கம் மீதான எதிர்பார்க்கப்பட்டதைக்காட்டிலும் குறைவான தாக்கம், மின்சாரக் கட்டணங்களுக்கான அண்மைய சரிப்படுத்தல் காரணமாக சாதகமான அண்மைக்கால பணவீக்க இயக்கவாற்றல்கள், மிகவும் நிலைநிறுத்தப்பட்ட எதிர்பார்க்கைகள், மிதமிஞ்சிய வெளிநாட்டுத் துறை அழுத்தங்கள் இல்லாமை, சந்தை வட்டி வீதங்களில் கீழ்நோக்கிய போக்கினைத் தொடர்ந்து முன்னெடுப்பதற்கான தேவை என்பன பற்றி சபை கருத்திற்கொண்டது. பொருளாதார நடவடிக்கையானது நீடிக்கப்பட்ட காலப்பகுதிக்கு சாரசரிக்கு கீழ் காணப்படுமென எறிவுசெய்யப்பட்டுள்ளமையினால், அண்மைய காலத்தில் பணவீக்கத்திற்கான சாத்தியமான இடர்நேர்வுகள் நடுத்தரகால பணவீக்கத் தோற்றப்பாட்டில் முக்கிய மாற்றத்தினைக் கொண்டிருக்காது என சபை அவதானத்தில் கொண்டது. நாணயச் சபையானது நாணயத் தளர்த்தல் வழிமுறைகளின் விரிவான மற்றும் முழுமையான ஊடுகடத்தலுக்கான, குறிப்பாக நிதியியல் நிறுவனங்கள் மூலமான கடன்வழங்கல் வீதங்களுக்கும் இதனூடாக வரவிருக்கும் காலப்பகுதியில் சந்தை வட்டி வீதங்கள் இயல்புநிலைக்குத் திரும்புவதைத் துரிதப்படுத்துவதற்குமான தேவையினை வலியுறுத்தியது.   

பன்னாட்டு நாணய நிதிய பணிக்குழுவொன்று பன்னாட்டு நாணய நிதியத்தின் நான்கு ஆண்டு விரிவாக்கப்பட்ட நிதிய வசதியின்; இரண்டாம் மீளாய்வினையும் 2024 உறுப்புரை IV ஆலோசனையையும் நிறைவுசெய்வதற்காக 2024 மார்ச் 07-21 காலப்பகுதியில் இலங்கைக்கான விஜயத்தினை மேற்கொண்டிருந்தது. பணிக்குழுவின் பின்னர் பன்னாட்டு நாணய நிதிய அலுவலர்களும் இலங்கை அதிகாரிகளும்; விரிவாக்கப்பட்ட நிதிய வசதியின் இரண்டாம் மீளாய்வினை நிறைவுசெய்வதற்கு பொருளாதாரக் கொள்கைகள் மீதான அலுவலர் மட்ட இணக்கப்பாட்டினை எட்டியுள்ளனர். பணிக்குழுவானது பின்வரும் அறிக்கையினை வெளியிட்டதுடன் அதனைக் கீழுள்ள இணைப்பின் மூலம் பெற்றுக்கொள்ள முடியும்.