2024.09.23ஆம் தினம்  அரசாங்கத்தினால் விசேட பொது விடுமுறையாக பிரகடனப்படுத்தப்பட்டுள்ளது என பொது நிருவாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சின் செயலாளர் அறிவித்துள்ளார் என்பதனைக் குறிப்பிட்டு அரசாங்கத் தகவல் திணைக்களத்தின் பணிப்பாளர் நாயகத்தின் மூலம் வழங்கப்பட்ட 2024.09.21ஆம் திகதியின் விசேட ஊடக அறிக்கையுடன் இது தொடர்புடையது.

பேரண்டப் பொருளாதார அபிவிருத்திகளை, குறிப்பாக உள்நாட்டு வெளிநாட்டுச் செலாவணிச் சந்தை நிலைமைகளின் அபிவிருத்திகளைப் பரிசீலணையிற்கொண்டு பொருட்கள் ஏற்றுமதியாளர்கள் தமது ஏற்றுமதிப் பெறுகைகளை இலங்கை ரூபாவாக மாற்றுவதற்கு ஏற்புடைய காலப்பகுதியைக் கணிசமாகத் தளர்த்தி, இலங்கை மத்திய வங்கி “2024ஆம் ஆண்டின் 01ஆம் இலக்க ஏற்றுமதிப் பெறுகைகளை இலங்கைக்கு திருப்பி அனுப்புதல் விதிகளை (விதிகள்) வழங்கியுள்ளது. இது 2023ஆம் ஆண்டின் 16ஆம் இலக்க இலங்கை மத்திய வங்கிச் சட்டத்தின் நியதிகளுக்கமைய 2024.07.01ஆம் திகதியிடப்பட்ட 2391/02ஆம் இலக்க அதிவிசேட வர்த்தமானியில் வெளியிடப்பட்டுள்ளது.    

கொழும்பு நுகர்வோர் விலைச் சுட்டெண்ணின் (கொநுவிசு, 2021=100)  ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கம், 2024 யூலையின் 2.4 சதவீதத்திலிருந்து 2024 ஓகத்தில் 0.5 சதவீதத்திற்கு சடுதியாக குறைவடைந்தது. முதன்மைப் பணவீக்கத்தில் ஏற்பட்ட இவ்வீழ்ச்சியானது பரந்தளவில் இலங்கை மத்திய வங்கியின் எறிவுகளுக்கு இசைவாகக் காணப்படுகின்றது.

2024 யூலையில் வர்த்தகப் பற்றாக்குறையில் ஏற்பட்ட விரிவாக்கமொன்றிற்கு மத்தியில் தொழிலாளர் பணவனுப்பல்கள் மற்றும் சுற்றுலாத் துறையிலிருந்தான வருவாய்கள் என்பவற்றிலிருந்தான அதிகரித்தளவிலான உட்பாய்ச்சல்களினால் உந்தப்பட்டு வெளிநாட்டுத் துறையானது தொடர்ந்தும் தாக்குப்பிடிக்கக்கூடிய தன்மையினைக் கொண்டிருந்தது.

வணிகப்பொருள் வர்த்தகப் பற்றாக்குறையானது 2024 யூலையில் விரிவடைந்து (ஆண்டிற்காண்டு), 2024இன் இதுவரையான காலப்பகுதியில் உயர்ந்தளவிலான மாதாந்த வர்த்தகப் பற்றாக்குறையொன்றினைப் பதிவுசெய்தது.