இலங்கையுடனான 48 மாத காலம் கொண்ட விரிவாக்கப்பட்ட நிதிய வசதியின் கீழ் முதலாவது மீளாய்வினை பன்னாட்டு நாணய நிதியத்தின் சபை நிறைவுசெய்து, அதன் பொருளாதாரக் கொள்கைகள் மற்றும் மறுசீரமைப்புக்களுக்கு ஆதரவளிக்கும் பொருட்டு சி.எ.உ. 254 மில்லியன் (ஏறத்தாழ ஐ.அ.டொலர் 337 மில்லியன்) தொகைக்கான அணுகல் வசதியினை நாட்டிற்கு வழங்குகின்றது.
-
IMF Executive Board Completes the First Review Under the Extended Fund Facility Arrangement with Sri Lanka
-
Governor of the Central Bank of Sri Lanka Dr. Nandalal Weerasinghe, co-chaired RCG Asia Meeting of FSB, held in Hong Kong SAR on 29 November 2023
ஆசியாவிற்கான நிதியியல் உறுதிப்பாட்டுச் சபை பிராந்திய ஆலோசனைக் குழு ஹொங் கொங் விசேட நிருவாகப் பிராந்தியத்தில் 2023 நவெம்பர் 29 அன்று கூடியதுடன் அண்மைக்கால நிதியியல் சந்தை அபிவிருத்திகள் மற்றும் பிராந்தியம் மீதான அவற்றின் தாக்கம், வங்கியல்லா நிதியியல் இடையீட்டிலிருந்து தோன்றுகின்ற பாதிக்கப்படும்தன்மைகள், சில வளர்ந்துவரும் சந்தைகள் மற்றும் அபிவிருத்தியடைந்துவரும் பொருளாதாரங்களில் இறையாண்மை-வங்கி தொடர்பு தீவிரமடைதல் அத்துடன் மறைகுறிச்-சொத்து தொடர்புடைய இடர்நேர்வுகள் பற்றிய செயல்திறன்மிக்க ஒழுங்குபடுத்தலையும் மேற்பார்வையையும் ஊக்குவிப்பதற்கான வழிகள் என்பன பற்றி கலந்துரையாடியது. இவ் இடர்நேர்வுகளை அடையாளப்படுத்தல், கண்காணித்தல், கையாளுதல் என்பன பற்றிய தமது அனுபவங்களை உறுப்பினர்கள் பகிர்ந்துகொண்டதுடன் நிதியியல் முறைமைகளின் தாக்குப்பிடிக்கும்தன்மையை அதிகரிப்பதன் மீது நிதியியல் உறுதிப்பாட்டு சபை தொடர்ச்சியாக கவனம் செலுத்துவதையும் வரவேற்றனர்.
ஹொங் கொங் நாணய அதிகாரசபையின் பிரதம நிறைவேற்று அலுவலரும் நடப்பு உறுப்பு இணைத்தலைருமான திரு. எட்டி யூஈ மற்றும் இலங்கை மத்திய வங்கியின் ஆளுநரும் ஆசியாவிற்கான பிராந்திய ஆலோசனைக் குழுவின் தற்போதைய உறுப்பல்லாத இணைத்தலைவருமான முனைவர். நந்தலால் வீரசிங்க ஆகியோர் கூட்டத்திற்கு இணைத்தலைமை வகித்தனர். அவுஸ்ரேலியா, பூருனை தாருஸலாம், கம்போடியா, சீனா, ஹொங் கொங் விசேட நிர்வாகப் பிராந்தியம், இந்தியா, இந்தோனேசியா, யப்பான், கொரியா, மலேசியா, நியுசிலாந்து, பாகிஸ்தான், பிலிப்பைன்ஸ், சிங்கப்பூர், இலங்கை, தாய்லாந்து மற்றும் வியட்நாம் ஆகிய நாடுகளின் நிதியியல் அதிகாரசபைகளை ஆசியாவிற்கான பிராந்திய ஆலோசனைக் குழும உறுப்புரிமை உள்ளடக்குகின்றது.
-
CCPI based headline inflation increased in November 2023
கொழும்பு நுகர்வோர் விலைச் சுட்டெண்ணின் (கொநுவிசு, 2021=100) ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கம், 2023 ஒத்தோபரில் 1.5 சதவீதத்திலிருந்து 2023 நவெம்பரில் 3.4 சதவீதத்திற்கு அதிகரித்தது. முதன்மைப் பணவீக்கத்தில் ஏற்பட்ட இவ்வதிகரிப்பானது அநேகமாக 2023 நவெம்பரில் இலங்கை மத்திய வங்கியினால் எதிர்பார்க்கப்பட்ட எறிவுகளிற்கு இசைவாக காணப்படுகின்றது.
-
External Sector Performance – October 2023
வணிகப்பொருள் வர்த்தகப் பற்றாக்குறையானது 2022 ஒத்தோபர் மற்றும் 2023 செத்தெம்பர் ஆகிய மாதங்களுடன் ஒப்பிடுகையில் 2023 ஒத்தோபரில் மெதுவடைந்த ஆடை ஏற்றுமதிகளினால் உந்தப்பட்ட ஒப்பீட்டளவில் தாழ்ந்தளவிலான ஏற்றுமதி வருவாய்கள் மற்றும் எரிபொருள் இறக்குமதிகளினால் உந்தப்பட்ட உயர்ந்தளவிலான இறக்குமதிச் செலவினம் என்பவற்றின் காரணமாக விரிவடைந்து காணப்பட்டது.
தொழிலாளர் பணவனுப்பல்கள் 2023 ஒத்தோபரில் ஐ.அ.டொலர் 500 மில்லியன் தொகையினை விஞ்சிக் காணப்பட்ட அதேவேளையில் சுற்றுலாத்துறையிலிருந்தான வருவாய்கள் ஓராண்டிற்கு முன்னைய நிலையுடன் ஒப்பிடுகையில் 2023 ஒத்தோபரில்; குறிப்பிடத்தக்களவிலான மேம்பாடொன்றினைத் தொடர்ந்தது.
அரச பிணையங்கள் சந்தையில் மேற்கொள்ளப்பட்ட வெளிநாட்டு முதலீடுகள் தேறிய வெளிப்பாய்ச்சலொன்றினைத் 2023 ஒத்தோபரிலும் தொடர்ந்து பதிவுசெய்தபோதிலும் இதுவரையான ஆண்டு காலப்பகுதியில் உட்பாய்ச்சல்கள் தொடர்ந்தும் நேர்க்கணியமாகக் காணப்பட்டன.
மொத்த அலுவல்சார் ஒதுக்குகள் 2023 ஒத்தோபர் இறுதியளவில் ஐ.அ.டொலர் 3.6 பில்லியனாக காணப்பட்டது.
2023 ஒத்தோபர் மாத காலப்பகுதியில் இலங்கை ரூபாவானது ஐ.அ.டொலரிற்கெதிராக தொடர்ந்தும் உறுதியாக காணப்பட்டது.
-
Central Bank Governor shares Sri Lanka’s Inflation Success Story at the Economic Dialogue Series in Berlin, Germany
“பணவீக்கம் சனநாயகத்தை மரணிக்கச்செய்கின்றது: தொழிற்படுகின்ற சமூகங்களின் அடிப்படையாக அரசிறைசார் பொருத்தப்பாடு” என்ற கருப்பொருளின் கீழ் 2023 நவெம்பர் 21 அன்று பேர்லின் நகரில் இடம்பெற்ற பொருளாதார கலந்துரையாடல் தொடரில் அழைப்பின் பேரில் இலங்கை மத்திய வங்கியின் ஆளுநர் முனைவர் பி. நந்தலால் வீரசிங்க கலந்துகொண்டார். இந்நிகழ்வு ஜேர்மன் பெடரல் நிதி அமைச்சினால் ஏற்பாடு செய்யப்பட்டிருந்தது. 2022இல் வரலாற்றிலேயே உயர்வுக்கு வேகமடைந்ததன் பின்னர் பணவீக்கத்தை அடக்குவதில் இலங்கையின் வெற்றிக் கதையினை ஆளுநர் வீரசிங்க எடுத்துரைத்தார். பணவீக்கத்தைக் கட்டுப்படுத்துவதில் மத்திய வங்கி மற்றும் அரசாங்கம் மூலம் எடுக்கப்பட்ட வழிமுறைகளை அவர் தனது உரையில் ஆராய்ந்ததுடன் பணவீக்க வீழ்ச்சி உபாயம் மற்றும் செயன்முறை பற்றிய அனுபவத்தினையும் பகிர்ந்துகொண்டார்.
-
Sri Lanka Purchasing Managers’ Index (Construction) - October 2023
மொத்த நடவடிக்கைச் சுட்டெண், தொடர்ச்சியாக 20 மாத சுருக்கத்தின் பின்னர் 2023 ஒத்தோபரில் 50.0 கொண்ட நடுநிலையான அடிப்படை அளவினை எய்தியது. இடைநிறுத்தப்பட்டிருந்த அரசாங்க நிதியளிக்கப்பட்ட கருத்திட்டங்களில் சில மாதகாலப்பகுதியில் மட்டுப்படுத்தப்பட்ட அளவில் மீளத்தொடங்கப்பட்டன என பல பதிலிறுப்பாளர்கள் குறிப்பிடப்பட்டனர். எவ்வாறாயினும், அநேகமான முன்னெடுக்கப்படும் கருத்திட்டங்கள் அவற்றின் இறுதிக்கட்டங்களில் காணப்படுவதனால் தொழில்துறையானது குறைவாகக் கிடைக்கப்பெறுகின்ற பணி அளவுகளுடன் தொழிற்படுகின்றது.
-
Monetary Policy Review - No. 8 of 2023
இலங்கை மத்திய வங்கியின் நாணயக்கொள்கைச் சபையானது 2023 நவெம்பர் 23ஆம் நாளன்று நடைபெற்ற அதன் கூட்டத்தில் மத்திய வங்கியின் துணைநில் வைப்பு வசதி வீதத்தினையும் துணைநில் கடன்வழங்கல் வசதி வீதத்தினையும் முறையே 9.00 சதவீதத்திற்கும் 10.00 சதவீதத்திற்கும் 100 அடிப்படைப் புள்ளிகளினால் குறைப்பதற்குத் தீர்மானித்தது. உள்நாட்டு மற்றும் உலகளாவிய பொருளாதாரத்தின் தற்போதைய மற்றும் எதிர்பார்க்கப்படுகின்ற அபிவிருத்திகளின் உன்னிப்பான பகுப்பாய்வொன்றினைத் தொடர்ந்து, நடுத்தர காலத்தில் பணவீக்கத்தினை இலக்கிடப்பட்ட 5 சதவீத மட்டத்தில் அடைந்து பேணுகின்ற வேளையில் பொருளாதாரம் உள்ளார்ந்த ஆற்றல்வாய்ந்த மட்டத்தினை அடைந்து உறுதிநிலைப்படுத்தப்படுவதனை இயலுமைப்படுத்தும் நோக்குடன் சபை இத்தீர்மானத்தினை மேற்கொண்டது. உள்நாட்டு மற்றும் உலகளாவிய ரீதியில் எதிர்பார்க்கப்படுகின்ற அபிவிருத்திகளிலிருந்து தோற்றம்பெறுகின்ற நிரம்பல் பக்க காரணிகளின் காரணமாக குறுங்காலத்தில் பணவீக்க எறிவுகளுக்கான சாத்தியமான மேல்நோக்கிய இடர்நேர்வுகளைச் சபை கருத்தில் கொண்டது. இருப்பினும், பொது மக்களின் பணவீக்க எதிர்பார்க்கைகள் தொடர்ந்தும் நிலைநிறுத்தப்பட்டுள்ளமையினாலும் குறுங்காலத்திலிருந்து நடுத்தர காலத்திற்குப் பொருளாதார நடவடிக்கையானது எதிர்பார்க்கப்படுகின்ற தரநியமங்களிலும் பார்க்க தொடர்ந்தும் தாழ்வாகக் காணப்படுமென எறிவுசெய்யப்பட்டுள்ளமையினாலும் அத்தகைய குறுங்கால இடர்நேர்வுகள் நடுத்தர கால பணவீக்கத் தோற்றப்பாட்டினைப் பெருமளவு மாற்றியமைக்காதென சபை கருதியது. மேலும், 2023 யூனிலிருந்து மேற்கொள்ளப்படுகின்ற நாணயக்கொள்கை வழிமுறைகளுடன் இணைந்து கொள்கை வட்டி வீதங்களின் இக்குறைவுடன் நடுத்தர காலத்தில் பணவீக்கத்தினை உறுதிநிலைப்படுத்துவதற்கான போதியளவிலான நாணயத் தளர்வு மேற்கொள்ளப்பட்டுள்ளதாக சபை கருதியது. ஆதலால், சந்தை வட்டி வீதங்களுக்குக் குறிப்பாக, கடன்வழங்கல் வீதங்களுக்கான நாணயத் தளர்வடைதல் வழிமுறைகள் நிதியியல் நிறுவனங்களின் மூலம் விரைவாகவும் முழுமையாகவும் ஊடுகடத்தப்படுவதுடன் அதன்மூலம் எதிர்வருகின்ற காலப்பகுதியில் சந்தை வட்டி வீதங்களின் இயல்புநிலைக்குத் திரும்பலினை துரிதப்படுத்துவதற்கான தேவையினை நாணயக்கொள்கைச் சபை வலியுறுத்தியது.
-
Composition of the Governing Board and the Monetary Policy Board of the Central Bank of Sri Lanka
2023ஆம் ஆண்டின் 16ஆம் இலக்க இலங்கை மத்திய வங்கிச் சட்டத்தின் ஏற்பாடுகளினது நியதிகளுக்கிணங்க, இலங்கை மத்திய வங்கியின் ஆளுகைச் சபை, இலங்கை மத்திய வங்கியின் அலுவல்களின் நிருவாகத்தினையும் முகாமைத்துவத்தினையும் மேற்பார்வை செய்வதற்கும் இலங்கை மத்திய வங்கியின் பொதுவான கொள்கைகளைத் தீர்மானிப்பதற்கும் பொறுப்பான சபையாக நிறுவப்பட்டிருக்கிறது. சட்டத்தின் நியதிகளுக்கிணங்க, இலங்கை மத்திய வங்கியின் நாணயச் சபையின் முன்னைய நியமிக்கப்பட்ட உறுப்பினர்கள் இலங்கை மத்திய வங்கியின் ஆளுகைச் சபையின் உறுப்பினர்களாகத் தொடர்ந்துமிருப்பர்.
-
Sri Lanka Purchasing Managers’ Index (Manufacturing and Services) - October 2023
கொள்வனவு முகாமையாளர் சுட்டெண்கள், 2023 ஒத்தோபரில் தயாரித்தல் நடவடிக்கைகளில் மெதுவடைந்த சுருக்கத்தையும் பணிகள் நடவடிக்கைகளில் விரிவடைதலையும் எடுத்துக்காட்டின.
தயாரிப்புக் கொள்வனவு முகாமையாளர் சுட்டெண், 2023 ஒத்தோபரில் 49.5 சுட்டெண் பெறுமதியினைப் பதிவுசெய்து, மாதகாலப்பகுதியில் அடிப்படை அளவினை அண்மித்தது. துணைச் சுட்டெண்களைக் கருத்திற்கொள்கையில், மாதகாலப்பகுதியில் புதிய கட்டளைகளும் கொள்வனவு இருப்புக்களும் அதிகரித்த அதேவேளை, உற்பத்தி மற்றும் தொழில்நிலை என்பன சுருக்கமடைந்து காணப்பட்டன.
-
World Bank Approves $150 Million to Strengthen Sri Lanka’s Financial Sector Safety Net
இலங்கை வைப்புக் காப்புறுதித் திட்டத்தை மையப்படுத்தி இலங்கையின் நிதியியல் துறை பாதுகாப்பு வலையின் நிதிசார் மற்றும் நிறுவனசார் இயலளவை வலுப்படுத்துவதற்கு இலங்கை நிதியியல் துறை பாதுகாப்பு வலை வலுப்படுத்தல் கருத்திட்டத்தின் கீழ் ஐ.அ.டொலர் 150 மில்லியனை வழங்க உலக வங்கி நிறைவேற்றுச் சபை அனுமதியளித்துள்ளது. உலக வங்கி, 2023 நவெம்பர் 09 அன்று பின்வரும் ஊடக அறிக்கையினை வெளியிட்டுள்ளது.
வொஷிங்டன், 2023 நவெம்பர் 09 – நிதியியல் துறை தாக்குப்பிடிக்கும் தன்மையினை வலுப்படுத்துவதற்கு இலங்கைக்கு ஐ.அ.டொலர் 150 மில்லியனை வழங்க உலக வங்கியின் நிறைவேற்றுப் பணிப்பாளர் சபை இன்று அனுமதியளித்தது.