வெளிநாட்டுத் துறையின் தாக்குப்பிடிக்கக்கூடிய தன்மையை பிரதிபலிக்கும் வகையில், மாதாந்த நடைமுறைக் கணக்கானது 2025 சனவரியிலிருந்து மிகையாகக் காணப்பட்டது.

வணிகப்பொருள் வர்த்தகப் பற்றாக்குறையானது 2024 ஏப்பிறலுடனும் 2025 மாச்சுடனும் ஒப்பிடுகையில் 2025 ஏப்பிறலில் விரிவடைந்தது. இது, வணிகப்பொருள் ஏற்றுமதிகளில் ஏற்பட்ட வளர்ச்சியை (10.4மூஇ ஆண்டிற்காண்டு) விட, முக்கியமாக மோட்டார் வாகனங்களின் இறக்குமதிகளினால் (ஐ.அ.டொலர் 134 மில்லியன்) தூண்டப்பட்ட வணிகப்பொருள் இறக்குமதிகளில் ஏற்பட்ட உயர்ந்த வேகத்திலான (17.5மூஇ ஆண்டிற்காண்டு) வளர்ச்சியின் விளைவாகும்.  

இலங்கை மத்திய வங்கி அதன் 75ஆவது ஆண்டு நிறைவைக் கொண்டாடும் பொருட்டும், நிதியியல் முறைமை உறுதிப்பாட்டினைப் பாதுகாக்கும் அதேவேளையில் கடந்த காலத்தில் எதிர்கொள்ளப்பட்ட மிகவும் கடுமையான பொருளாதார நெருக்கடியை கடந்து செல்வதில் இலங்கையின் வெற்றிக்கதையை எடுத்துக்காட்டும் வகையிலும் நிதியியல் உறுதிப்பாட்டு மாநாட்டை 2025 மே 23 அன்று கொழும்பில் நடாத்தியது. பிராந்திய மற்றும் சர்வதேச அளவில் நிபுணத்துவம்மிக்கவர்களை ஒன்றிணைப்பதன் வாயிலாக, நிதியியல் உறுதிப்பாட்டு சவால்கள் மற்றும் கொள்கைப் பதிலிறுப்புக்கள் மீதான அனுபவங்களையும் நுண்நோக்குகளையும் பகிர்ந்துகொள்வதற்கான சிறந்த வாய்ப்பொன்றினை இம்மாநாடு வழங்கி உள்நாட்டு ஆர்வலர்களுக்கும் சர்வதேச பங்கேற்பாளர்களுக்கும் நன்மையளிக்கின்றது.

நாணயக் கொள்கைச் சபையானது நேற்று நடைபெற்ற அதன் கூட்டத்தில் ஓரிரவு கொள்கை வீதத்தினை 25 அடிப்படைப் புள்ளிகளால் 7.75 சதவீதமாகக் குறைக்கத் தீர்மானித்து, இதன் மூலம் நாணயக் கொள்கையை மேலும் தளர்த்துகின்றது.  உள்நாட்டு மற்றும் உலகளாவிய அபிவிருத்திகளைக் கவனமாகக் கருத்திற்கொண்டதன் பின்னர் சபை இத்தீர்மானத்தினை மேற்கொண்டது. நாணயக் கொள்கை நிலைப்பாட்டின் அளவிடப்பட்ட இத்தளர்த்தலானது உலகளாவிய நிச்சயமின்மைகள் மற்றும் தற்போதைய குறைவடைந்த பணவீக்க அழுத்தங்கள் என்பவற்றிற்கு மத்தியில் பணவீக்கத்தை 5 சதவீதம் கொண்ட இலக்கினை நோக்கி வழிநடாத்துவதில் ஆதரவளிக்குமென சபை கருதுகின்றது.

இலங்கை மத்திய வங்கி நிலைபெறத்தக்க நிதி வழிகாட்டல் 2.0 இனை இலங்கை மத்திய வங்கியின் கேட்போர்கூடத்தில் 2025 மே 05 அன்று அங்குரார்ப்பணம் செய்து, காலநிலை – தாக்குப்பிடிக்கும் தன்மை மற்றும் சமூக ரீதியாக அனைவரையும் உள்ளடக்குகின்ற நிதியியல் முறைமையினை பேணி வளர்த்தல் என்பவற்றுக்கான  அதன் தொடர்ச்சியான முயற்சிகளில் முக்கிய மைல்கல்லொன்றினை அடையாளப்படுத்தியது.