இலங்கையின் வெளிநாட்டுத் துறையானது தொடர்ச்சியாக இரண்டாவது மாதமாக 2025 ஒத்தோபரில் நடைமுறைக் கணக்குப் பற்றாக்குறையொன்றினைப் பதிவுசெய்தது. இருப்பினும், 2025இன் முதலாவது பத்து மாதங்களிற்கான ஒன்றுசேர்ந்த நடைமுறைக் கணக்கு மிகையானது ஏறத்தாழ ஐ.அ.டொலர் 1.7 பில்லியனாக மதிப்பிடப்பட்டுள்ளது. 

வணிகப்பொருள் வர்த்தகப் பற்றாக்குறையானது முக்கியமாக, இறக்குமதிகளில் ஏற்பட்ட குறிப்பிடத்தக்களவிலான அதிகரிப்பின் காரணமாக 2025 ஒத்தோபரில் ஆண்டிற்கு ஆண்டு அடிப்படையில் விரிவடைந்தது.

நாணயக் கொள்கைச் சபையானது நேற்று இடம்பெற்ற அதன் கூட்டத்தில், ஓரிரவு கொள்கை வீதத்தினை 7.75 சதவீதம் கொண்ட அதன் தற்போதைய மட்டத்தில் பேணுவதற்குத் தீர்மானித்துள்ளது. உள்நாட்டு மற்றும் உலகளாவிய பக்கங்கள் ஆகிய இரண்டிலும் பரிணமிக்கின்ற அபிவிருத்திகள் மற்றும் தோற்றப்பாட்டை கவனமாகப் பரிசீலனையிற்கொண்டதன் பின்னர் சபை இத்தீர்மானத்தினை மேற்கொண்டது. தற்போதைய நாணயக் கொள்கை நிலைப்பாடு பணவீக்கத்தை 5 சதவீதம் கொண்ட இலக்கை நோக்கி வழிநடாத்துவதற்குத் துணையளிக்குமென சபை கருதுகின்றது. 

கொள்வனவு முகாமையாளர் சுட்டெண்கள், 2025 ஒத்தோபரில் தயாரிப்பு மற்றும் பணிகள் நடவடிக்கைகள் இரண்டிலும் விரிவடைதலை எடுத்துக்காட்டுகின்றன.

தயாரிப்பிற்கான இலங்கைக் கொள்வனவு முகாமையாளர் சுட்டெண் (கொ.மு.சு – தயாரிப்பு), 2025 ஒத்தோபரில் 61.0 சுட்டெண் பெறுமதியைப் பதிவுசெய்து, தயாரிப்பு நடவடிக்கைகளில் அதிகரிப்பொன்றை எடுத்துக்காட்டுகின்றது. அனைத்து துணைச் சுட்டெண்களும் வளர்ச்சிக்காக சாதகமாக பங்களித்து, இவ்வதிகரிப்பானது பரந்த அடிப்படையினைக் கொண்டு காணப்படுகின்றது. 

கொழும்பு நுகர்வோர் விலைச் சுட்டெண்ணை (கொநுவிசு, 2021=100)  அடிப்படையாகக் கொண்ட முதன்மைப் பணவீக்கமானது (ஆண்டிற்கு ஆண்டு), 2025 ஒத்தோபரில் மேலும் அதிகரித்து, பணவீக்க இலக்கினை நோக்கி தொடர்ந்தும் முன்னேற்றமடைவதைக் காண்பிக்கின்றது. அதற்கமைய, முதன்மைப் பணவீக்கமானது இலங்கை மத்திய வங்கியின் அண்மைய கால எறிவுகளுக்கு இசைவாக, (ஆண்டிற்கு ஆண்டு) 2025 செத்தெம்பரின் 1.5 சதவீதத்திலிருந்து 2025 ஒத்தோபரில் 2.1 சதவீதத்திற்கு அதிகரித்தது.