මුදල් මණ්ඩලය විසින් 2016 ඔක්තෝබර් 14 වැනි දින පවත්වන ලද විශේෂ මුදල් මණ්ඩල රැස්වීමේ දී 2016 මාර්තු 31 දිනෙන් අවසන් වර්ෂය සහ 2016 අගෝස්තු 31 දිනෙන් අවසන් මාස පහ තුළ ප්‍රාථමික වෙළෙඳුන්ගේ මූල්‍ය කාර්යසාධනය ඇතුළු සමස්ත ක්‍රියාකාරිත්වය පිළිබඳ ව වූ අතුරු වාර්තාව සැලකිල්ලට භාජනය කරන ලදි. එම වාර්තාව මගින් ප්‍රාථමික වෙළෙඳුන්ගේ ක්‍රියාකාරිත්වයේ තියුණු විෂමතා මෙන් ම භාණ්ඩාගාර බිල්පත් වෙළෙඳපොළ තුළ ඔවුන්ගේ ගනුදෙනු රටාවේ පවතින යම් යම් ගැටලු සම්බන්ධයෙන් ද අවධානය යොමු කළේ ය. ඒ අනුව මුදල් මණ්ඩලය විසින් දැනට කරමින් පවතින පරීක්ෂණ වාර්තා ක්‍රියාවලිය කඩිනමින් නිම කරන ලෙස අදාළ පාර්ශ්වයන්ට උපදෙස් ලබා දෙන ලදි. මෙය මුදල් මණ්ඩලය ඉදිරියේ දී ගත යුතු ක්‍රියා මාර්ග කඩිනමින් නිර්ණය කිරීමට ඉවහල් වනු ඇත.