ශ්‍රී ලංකා ආර්ථිකයේ ප්‍රධාන ක්‍රියාකාරකම්වලින් බහුතරයක කේන්ද්‍රස්ථානය වන බස්නාහිර පළාත, 2021 වසරේ නාමික දළ දේශීය නිෂ්පාදිතයෙන් (2015 පදනම් වර්ෂයට අනුව ) සියයට 42.6ක් නියෝජනය කරමින් ජාතික නිෂ්පාදිතයට ප්‍රමුඛ දායකත්වය සැපයූ අතර, පසුගිය වසරට සාපේක්ෂව එම දායකත්වයේ වර්ධනයක් ද දක්නට ලැබුණි. වයඹ (සියයට 11.1) සහ මධ්‍යම (සියයට 10.1) පළාත් පිළිවෙලින් දෙවැනි සහ තෙවැනි ඉහලම දායකත්ව වාර්තා කර ඇත.

නාමික දළ දේශීය නිෂ්පාදිතයට බස්නාහිර, සබරගමුව සහ වයඹ පළාත්වලින් දක්වන ලද දායකත්වය 2020 වසරට සාපේක්ෂව 2021 වසරේ දී ඉහළයාමක් පෙන්නුම් කරන ලදී. මේ අතර, දකුණු, උතුරු සහ ඌව පළාත්වල දායකත්ව නොවෙනස්ව පැවතුණි. කෙසේ වෙතත්, මධ්‍යම, නැගෙනහිර සහ උතුරු මැද පළාත්වල දායකත්වය 2021 දී සුළු වශයෙන් පහළ ගොස් ඇත.

සම්පුර්ණ ලිපිය