2026 අප්රේල් මාසයේ දී ගැනුම් කළමනාකරුවන්ගේ දර්ශක මගින් නිෂ්පාදන සහ සේවා ක්රියාකාරකම්වල පහළ යෑමක් පෙන්නුම් කරයි.
පෙර වසර වල දී ද පැවති රටාවට අනුගත වෙමින්, නිෂ්පාදන අංශයේ ශ්රී ලංකා ගැනුම් කළමනාකරුවන්ගේ දර්ශකය 2026 අප්රේල් මාසයේ දී දර්ශකාංක 42.6ක් දක්වා පහළ ගියේය.
ශ්රී ලංකා මහ බැංකුව විසින් නියාමනය කරනු ලබන මූල්ය සේවා සපයන්නන් සම්බන්ධයෙන් මූල්ය පාරිභෝගිකයන්ට ඇති පැමිණිලි හා දුක්ගැනවිලි ඉදිරිපත් කිරීම පහසු කිරීම සඳහා වන වැදගත් පියවරක් සනිටුහන් කරමින් මාර්ගගත පැමිණිලි කළමනාකරණ පද්ධතියක් හඳුන්වා දී ඇති බව ශ්රී ලංකා මහ බැංකුව නිවේදනය කරයි.
කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්යමය වෙනස මගින් මනිනු ලබන මතුපිට උද්ධමනය, මැදපෙරදිග පවතින යුදමය වාතාවරණය හේතුවෙන් ඇති වූ බලපෑම්, විශේෂයෙන්ම දේශීය බලශක්ති මිල ගණන් සැලකිය යුතු ලෙස ඉහළ යෑම් පිළිබිඹු කරමින්, 2026 අප්රේල් මාසයේ දී ඉහළ ගියේය. ඒ අනුව, වාර්ෂික ලක්ෂ්යමය පදනම මත මතුපිට උද්ධමනය 2026 මාර්තු මාසයේ දී වාර්තා වූ සියයට 2.2ට සාපේක්ෂව 2026 අප්රේල් මාසයේ දී සියයට 5.4ක් දක්වා වැඩිවිය.
2026 වසරේ මාර්තු මාසයේ දී විදේශීය ජංගම ගිණුමෙහි සුළු අතිරික්තයක් වාර්තා වූ අතර, පෙර වසරට සාපේක්ෂව වෙළඳ හිඟය පුළුල් වීම සහ සේවා ගිණුමේ අතිරික්තය අඩු වීම මධ්යයේ වුවද, විදේශ සේවා නියුක්තිකයන්ගේ ප්රේෂණ ඉහළ යෑම සහ ප්රාථමික ආදායම් ගිණුමේ හිඟය අඩු වීම මෙයට ප්රධාන වශයෙන් හේතු විය. ඒ අනුව, 2026 වසරේ පළමු කාර්තුව තුළ දී ජංගම ගිණුමේ සමුච්චිත අතිරික්තය එ.ජ. ඩොලර් මිලියන 531ක් ලෙස වාර්තා විය.
ඉදිකිරීම් කටයුතු සඳහා වන ශ්රී ලංකා ගැනුම් කළමනාකරුවන්ගේ දර්ශකය වන සමස්ත ක්රියාකාරකම් දර්ශකය, 2026 මාර්තු මාසයේ දී දර්ශකාංක 57.1ක අගයක් වාර්තා කරමින් පසුගිය මාසයට සාපේක්ෂව අඩු වේගයකින් වුවද ඉදිකිරීම් කටයුතුවල අඛණ්ඩ වර්ධනයක් පිළිබිඹු කළේය. සමීක්ෂණයට ප්රතිචාර දැක්වූ බොහෝ අය විසින් මැදපෙරදිග පවතින ගැටුම්කාරී තත්ත්වය හමුවේ ඇතිවූ ඉන්ධන සහ අමුද්රව්ය හිඟය, ඉහළ යන පිරිවැය සහ සැපයුම් සීමාවන් හේතුවෙන් පැනනැගී ඇති අභියෝගාත්මක වාතාවරණය පිළිබඳව වාර්තා කරන ලදී.
2023 අංක 16 දරන ශ්රී ලංකා මහ බැංකු පනතේ 99(2) හා 7(1)ඕ වගන්ති ප්රකාර ව ‘ශ්රී ලංකා මහ බැංකුවේ මූල්ය ප්රකාශ සහ මෙහෙයුම් 2025’ වාර්තාව මහ බැංකු අධිපති ආචාර්ය නන්දලාල් වීරසිංහ මැතිතුමා විසින් අතිගරු ජනාධිපති සහ මුදල්, ක්රමසම්පාදන හා ආර්ථික සංවර්ධන අමාත්ය අනුර කුමාර දිසානායක මැතිතුමා වෙත අද දින, එනම් 2026 අප්රේල් 20 වන දින පිළිගන්වන ලදි.
අන්තර්ගතය පිළිබඳ සටහන:
2023 අංක 16 දරන ශ්රී ලංකා මහ බැංකු පනතේ 80 වැනි වගන්තියට අනුකූලව ප්රකාශනය වන වාර්ෂික ආර්ථික විවරණය 2025, ශ්රී ලංකා මහ බැංකුවේ අධිපති, ආචාර්ය පී. නන්දලාල් වීරසිංහ මහතා විසින් අද (2026 අප්රේල් 20) දින ගරු ජනාධිපති සහ මුදල්, ක්රමසම්පාදන සහ ආර්ථික සංවර්ධන අමාත්ය අනුර කුමාර දිසානායක මහතා වෙත පිළිගන්වන ලදී.
2025 වසර සඳහා වාර්ෂික ආර්ථික සමාලෝචනයේ ප්රධාන කරුණු පහත දැක්වේ:
නැෂනල් ඩිවෙලොප්මන්ට් බෑන්ක් පීඑල්සී හි සිදු වූ අභ්යන්තර වංචාව හෙළිදරව් වීමෙන් පසු, ශ්රී ලංකා මහ බැංකුව විසින් ඒ පිළිබඳව දිනපතා සමීපව නිරීක්ෂණය කරනු ලබයි.
2026 මාර්තු මාසයේ දී ගැනුම් කළමනාකරුවන්ගේ දර්ශක මගින් නිෂ්පාදන සහ සේවා ක්රියාකාරකම්වල වර්ධනයක් පෙන්නුම් කරයි.
උත්සව සමයේ ඉහළ ඉල්ලුමත් සමග නිෂ්පාදන අංශයේ ක්රියාකාරකම් ඉහළ යෑම හේතුවෙන්, නිෂ්පාදන අංශයේ ශ්රී ලංකා ගැනුම් කළමනාකරුවන්ගේ දර්ශකය 2026 මාර්තු මාසයේ දී දර්ශකාංක 66.7ක් දක්වා ඉහළ ගියේය. කෙසේ වෙතත්, ප්රධාන වශයෙන් අමුද්රව්ය සහ ඉන්ධන හිඟය, ඉහළ යන නිෂ්පාදන පිරිවැය සහ සැපයුම් සීමාවන් හේතුවෙන්, සමීක්ෂණයට ප්රතිචාර දැක්වූ බොහෝ දෙනෙකු විසින් සීමාකාරී නිෂ්පාදන වාතාවරණයක් පිළිබඳව වාර්තා කරන ලදී.
නැෂනල් ඩිවෙලොප්මන්ට් බෑන්ක් පීඑල්සී තුළ සිදුවූ අභ්යන්තර වංචාව හෙළිදරව් වීමෙන් අනතුරුව, එම බැංකුවේ කටයුතුවල වත්මන් තත්ත්වය සම්බන්ධයෙන් ශ්රී ලංකා මහ බැංකුව සමීපව නිරීක්ෂණය කරමින් සිටින බව මහජනතාව වෙත දැනුම් දෙනු ලැබේ.
