• Provincial Gross Domestic Product (PGDP) - 2023

    மேல் மாகாணம் அதன் பங்கில் சிறிதளவு சரிவொன்றை எதிர்நோக்கிய போதிலும் முன்னிலைவகித்து பொருளாதார நிலையைத் தக்கவைத்துக்கொண்டது.

    மேல் மாகாணம் 2023ஆம் ஆண்டில், இலங்கையின் பெயரளவு மொ.உ.உற்பத்தியின் பாரிய பங்கிற்கு (43.7) வகைக்கூறிய போதிலும் இது முன்னைய ஆண்டுடன் ஒப்பிடுகையில் அதன் பங்களிப்பில் சிறிதளவிலான சரிவொன்றை எடுத்துக்காட்டியது. மேல் மாகாணத்தின் வலிமையான பிரசன்னம் குறிப்பாக கைத்தொழில் மற்றும் பணிகள் துறைகளில் காணக்கூடியதாகவுள்ளது. அதேவேளை, வடமேல் (10.9 சதவீதம்) மற்றும் மத்திய (10.3 சதவீதம்) மாகாணங்கள் நெருக்கிய போட்டியாளர்களாக விளங்கி, முறையே இரண்டாம் மற்றும் மூன்றாம் நிலைகளைப் பெற்றுக்கொண்டன.

  • Progress on Combating Prohibited Schemes under Section 83(C) of the Banking Act No 30 of 1988, as amended

    நிதியியல் முறைமை உறுதிப்பாட்டிற்கு இடர்நேர்வுகளை தோற்றுவிக்கின்ற தடைசெய்யப்பட்ட திட்டங்களின் எச்சரிக்கைமிக்க அதிகரிப்பினை கட்டுப்படுத்துவதற்கும் அத்தகைய திட்டங்களிலிருந்து பொதுமக்களைப் பாதுகாப்பதற்கும் இலங்கை மத்திய வங்கி முனைப்பான வழிமுறைகளை எடுத்து வருகின்றது. தனிநபர்கள் அல்லது நிறுவனங்கள், வங்கித்தொழில் சட்டத்தின் 83(இ) (1) ஆம் பிரிவின் ஏற்பாடுகளை மீறியுள்ளனரா அல்லது மீறுவதற்கு சாத்தியம் காணப்படுகின்றதா என்பதனை தீர்மானிப்பதற்கு வங்கித்தொழில் சட்டத்தின் 83(இ) (3)ஆம் பிரிவின் கீழ் விசாரணைகளை நடாத்துவதை இம்முயற்சிகள் உள்ளடக்குகின்றன.

  • SL Purchasing Managers’ Index (PMI) – November 2024
    கொள்வனவு முகாமையாளர் சுட்டெண்கள், 2024 நவெம்பரில் தயாரிப்பு மற்றும் பணிகள் நடவடிக்கைகள் இரண்டிலும் விரிவடைதல்களை எடுத்துக்காட்டுகின்றன

    தயாரிப்பிற்கான இலங்கைக் கொள்வனவு முகாமையாளர் சுட்டெண் (கொ.மு.சு – தயாரிப்பு), 2024 நவெம்பரில் 53.3 சுட்டெண் பெறுமதியினைப் பதிவுசெய்தது. அனைத்து துணைச் சுட்டெண்களிலுமிருந்து கிடைத்த சாதகமான பங்களிப்புகளுடன் மாதத்திற்கு மாதம் அடிப்படையில் தயாரிப்பு நடவடிக்கைகளில் விரிவடைதலை இது எடுத்துக்காட்டுகின்றது.

  • The Central Bank of Sri Lanka holds its 13th International Research Conference

    இலங்கை மத்திய வங்கி அதன் மாபெரும் ஆராய்ச்சி நிகழ்வான 13ஆவது பன்னாட்டு ஆராய்ச்சி மாநாட்டினை மத்திய வங்கியின் ஜோன் எக்ஸ்டர் பன்னாட்டு மாநாட்டு மண்டபத்தில் 2024 திசெம்பர் 13ஆம் திகதியன்று நடாத்தியது. மாநாடானது பல்வேறு சமகால பேரண்டப்பொருளாதாரக் கொள்கைப் பிரச்சனைகள் குறித்த புத்தாக்கக் கோட்பாட்டுரீதியிலான மற்றும் அனுபவரீதியிலான ஆராய்ச்சியினை ஊக்குவிப்பதனை நோக்காகக் கொண்டிருந்தது. இது பல்லினத்தன்மை கொண்ட பின்புலங்களிலிருந்தான ஆராய்ச்சியாளர்களுக்கு அவர்களது கருத்துக்கள், கண்டறிகைகள் மற்றும் அனுபவங்கள் என்பவற்றினைப் பல்வேறு கண்ணோட்டங்களிலிருந்து கலந்துரையாடுவதற்கான தளமொன்றினை வழங்கியது. கொவிட்-19 உலகளாவிய நோய்த்தொற்று மற்றும் அதனைத்தொடர்ந்து நாடு எதிர்கொண்ட பொருளாதார நெருக்கடி என்பவற்றினால் ஏற்பட்ட இடைநிறுத்தத்தினைத் தொடர்ந்து, 2019இலிருந்து முதலாவது தடவையாக இவ்வாண்டின் மாநாடானது நடைபெற்றமையினால் இது குறிப்பிடத்தக்கதொரு மைல்கல்லினைக் குறித்துக்காட்டியது.

  • Shaping the future of Sri Lanka's domestic foreign exchange market with the FX Global Code

    2024 சனவரியில் மத்திய வங்கியின் ஆண்டுக்கான கொள்கைக் கூற்றில் எடுத்துக்காட்டியவாறு,  இலங்கை மத்திய வங்கி, அனைத்து உரிமம்பெற்ற வர்த்தக வங்கிகள் மற்றும் தேசிய சேமிப்பு வங்கி ஆகியவற்றைப் பிரதானமாக உள்ளடக்குகின்ற உள்நாட்டு வெளிநாட்டுச் செலாவணிச் சந்தையானது வெளிநாட்டுச் செலாவணிக்கான உலகளாவிய கோவையை வெற்றிகரமாக ஏற்றுக்கொண்டுள்ளது. இதன் மூலம் உள்நாட்டு வெளிநாட்டுச் செலாவணிச் சந்தையில் ஒருங்கமைவையும் செயல்திறன்மிக்க தொழிற்பாட்டையும் மேலும் ஊக்குவிப்பதற்கான பொதுவான வழிகாட்டல் தொகுதியினைக் கடைப்பிடிக்கின்றது. இலங்கை மத்திய வங்கி மூலம் எடுக்கப்பட்ட முயற்சியிலிருந்தும்  இலங்கை வெளிநாட்டுச் செலாவணி அமைப்பிடமிருந்து கிடைத்த ஆதரவுடனும்  உருவான உள்நாட்டு வெளிநாட்டு செலாவணிச் சந்தையில் வெளிநாட்டுச் செலாவணிக்கான உலகளாவிய கோவையைப் ஏற்றுக்கொள்ளுதலானது உள்நாட்டு வெளிநாட்டுச் செலாவணிச் சந்தையில் முக்கிய முன்னேற்றத்தினைக் குறித்துக் காட்டுகின்றது.

  • External Sector Performance - October 2024

    வெளிநாட்டுத் துறையானது நடைமுறைக் கணக்கிற்கான வலுவான உட்பாய்ச்சல்களினால் ஆதரவளிக்கப்பட்டு 2024 ஒத்தோபரில் அதன் நேர்மறையான உத்வேகமொன்றினைத் தொடர்ந்து, ஒதுக்குகளில் அதிகரிப்பொன்றினையும் இலங்கை ரூபாவின் உயர்வடைதலொன்றினையும் தோற்றுவித்தது.

  • CCPI-based headline inflation continued to remain in the negative territory in November 2024

    மத்திய வங்கியின் அண்மைக்கால எறிவுகளுக்கமைவாக, கொழும்பு நுகர்வோர் விலைச் சுட்டெண்ணின் (கொநுவிசு, 2021=100)  ஆண்டிற்கு ஆண்டு மாற்றத்தினால் அளவிடப்பட்டவாறான முதன்மைப் பணவீக்கமானது தொடர்ச்சியாக மூன்றாவது மாதமாகவும் எதிர்மறையான புலத்தில் காணப்பட்டு, 2024 ஒத்தோபரின் 0.8 சதவீதம் கொண்ட பணச்சுருக்கத்துடன் ஒப்பிடுகையில் 2024 நவெம்பரில் 2.1 சதவீதம் கொண்ட பணச்சுருக்கத்தினைப் பதிவுசெய்தது.

  • SL Purchasing Managers’ Index (PMI) for Construction Industry – October 2024

    கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), 2024 ஒத்தோபரில் மீளெழுச்சியடைந்து, 54.3 மொத்த நடவடிக்கைச் சுட்டெண் பெறுமதியினைப் பதிவுசெய்திருந்தது. தேர்தல் தொடர்பான நிச்சயமற்றதன்மைகள் தீர்க்கப்பட்டதைத் தொடர்ந்து, ஒத்தோபரில் கட்டடவாக்கச் செயற்றிட்டங்களின் தொழிற்பாடுகள் மீண்டும் உத்வேகம் பெற்றுள்ளதென பல பதிலிறுப்பாளர்கள் குறிப்பிட்டனர்.

  • The Central Bank of Sri Lanka introduces the Overnight Policy Rate and further eases its monetary policy stance

    இலங்கை மத்திய வங்கியின் நாணயக் கொள்கைச் சபையானது 2024 நவெம்பர் 26ஆம் நாளன்று நடைபெற்ற அதன் கூட்டத்தில் நாணயக் கொள்கை நிலைப்பாட்டினை மேலும் தளர்த்துவதற்கும் புதிதாக அறிமுகப்படுத்தப்பட்ட ஓரிரவுக் கொள்கை வீதத்தினை 8.00 சதவீதமாக நிர்ணயிப்பதற்கும் தீர்மானித்துள்ளது. இம்மாற்றத்துடன் கொள்கை வட்டி வீதத்தின் வினைத்திறனான குறைப்பானது நெகிழ்ச்சித்தன்மை வாய்ந்த பணவீக்க இலக்கிடல் கட்டமைப்பின் தொழிற்பாட்டு இலக்காகத் தொடர்ந்து தொழிற்படுகின்ற சராசரி நிறையேற்றப்பட்ட அழைப்புப் பண வீதத்தின் தற்போதைய மட்டத்திலிருந்து ஏறத்தாழ 50 அடிப்படைப் புள்ளிகளாக அமையும்.

  • The Central Bank of Sri Lanka implements a Single Policy Interest Rate Mechanism by Introducing the Overnight Policy Rate

    ஒற்றைக் கொள்கை வட்டி வீதப் பொறிமுறையின் திட்டமிடப்பட்ட நடைமுறைப்படுத்தல் தொடர்பில் சனவரி 2024இல் இலங்கை மத்திய வங்கியின்; ஆண்டுக்கான கொள்கை அறிக்கையிலும் அதனை தொடர்ந்து 2024 செத்தெம்பரிலும் அறிவிக்கப்பட்டவாறு, இலங்கை மத்திய வங்கியின் நாணயக் கொள்கைச் சபையானது 2024 நவெம்பர் 27இலிருந்து இரட்டைக் கொள்கை வட்டி வீதப் பொறிமுறையிலிருந்து ஒற்றைக் கொள்கை வட்டி வீதப் பொறிமுறையொன்றை நடைமுறைப்படுத்தத் தீர்மானித்தது. இது மத்திய வங்கியினால் நடைமுறைப்படுத்தப்பட்ட நெகிழ்ச்சித்தன்மைவாய்ந்த பணவீக்க இலக்கிடல் கட்டமைப்பில் மேலுமொரு குறிப்பிடத்தக்க மேம்பாட்டை குறிக்கிறது. இதற்கமைய, மத்திய வங்கி தனது நாணயக் கொள்கை நிலைப்பாட்டினை சமிக்ஞை செய்வதற்கும் தொழிற்படுத்துவதற்கும் அதன் முதன்மை நாணயக் கொள்கைக் கருவியாக ஓரிரவு கொள்கை வீதத்தினை அறிமுகப்படுத்துகிறது. இலங்கை மத்திய வங்கியின் நாணயக்; கொள்கை நிலைப்பாட்டில் ஒரு மாற்றத்தைக் குறித்துக்காட்டி தொடர்பூட்டுவதற்கு ஓரிரவு கொள்கை வீதமானது காலத்திற்குக் காலம் மீளாய்வு செய்யப்பட்டு தேவைக்கேற்ப சீராக்கப்படும். இந்த மாற்றம், நிதியியல் சந்தைகள் மற்றும் பரந்த பொருளாதாரத்திற்கு நாணயக் கொள்கை சமிக்ஞையிடலின் வினைத்திறன் மற்றும் செயற்றிறனையும் ஊடுகடத்தலையும் மேம்படுத்துமென எதிர்பார்க்கப்படுகின்றது.

Pages

மேலும்

எங்களைப்பற்றி

ஏனைய சேவைகள்

பயனுள்ள இணையதளங்கள்

எங்களை தொடர