• Inflation in March 2017

    தொகைமதிப்புப் புள்ளிவிபரத் திணைக்களத்தினால் தொகுக்கப்பட்ட தேசிய நுகர்வோர் விலைச் சுட்டெண்ணில் (2013=100) ஏற்பட்ட மாற்றங்களினால் அளவிடப்பட்டவாறான பணவீக்கம் ஆண்டிறகு; ஆண்டு அடிப்படையில் 2017 பெப்புருவரியில் 8.2 சதவீதத்திலிருந்து 2017 மாச்சில் 8.6 சதவீதத்திற்கு அதிகரித்தது. உணவு மற்றும் உணவல்லா வகைகள் இரண்டும் 2017 மாச்சின் ஆண்டிற்கு ஆண்டு பணவீக்கத்திற்குப் பங்களித்துள்ளன. 2017 மாச்சில் ஆண்டிற்கு ஆண்டுப் பணவீக்கம் அதிகரித்தமைக்கு முன்னைய ஆண்டின் தொடர்பான காலப்பகுதியில் நிலவிய தாழ்நத் தளமே காரணமாக இருந்தது.  

    ஆண்டுச் சராசரி அடிப்படையொன்றின் மீது அளவிடப்பட்ட தேசிய நுகர்வோர் விலைச் சுட்டெண்ணில் ஏற்பட்ட மாற்றம் 2017 பெப்புருவரியில் 5.1 சதவீதத்திலிருந்து 2017 மாச்சில் 5.6 சதவீதத்திற்கு அதிகரித்தது.  

  • SL Purchasing Managers’ Index Survey - March 2017

    தயாரிப்புத் துறை கொள்வனவு முகாமையாளர் சுட்டெண் மாச்சு மாதத்தில் 66.5 கொண்ட சுட்டெண்ணினை பதிவு செய்ததுடன் இது பெப்புருவரி மாதத்துடன் ஒப்பிடுகையில் 9.4 சுட்டெண்  புள்ளிகளை கொண்ட ஒரு அதிகரிப்பாகும். இது, புதிய கட்டளைகள் மற்றும் உற்பத்தி துணைச் சுட்டெண்களின் அதிகரிப்பில் பிரதிபலிக்கப்பட்டவாறு புதுவருட பருவகால கேள்விகளினுடான அதிகரிக்கும் கேள்விகள் மற்றும் உற்பத்தி நடவடிக்கைகள் பெரிதும் காரணமாக அமைந்து உற்பத்தி நடவடிக்கைகள் 2017 மாச்சில் தொடர்ச்சியான அதிகரிப்பை குறித்துக்காட்டியது. கொள்வனவுகளின் இருப்பானது, ஒன்றுசேர்ந்த இருப்புகளின் அதிகரிப்பு மற்றும் கடந்த மாதத்தில் காணப்பட்ட வழங்குதல் தாமதங்கள் சீர்செய்யப்பட்டமை போன்றவற்றின் காரணமாக அதிகரித்திருந்தது. எவ்வாறாயினும், நிரம்பலர் வழங்கல் நேரம் குறிப்பாக சீனாவின் அவர்களுடைய புதுவருட காலத்திற்கு பிறகு வழங்குதல் ஏற்பாடுகள் சாதாரண நிலையாக்கப்பட்டதுடன் ஒரு குறைவினை பதிவு செய்தது.

  • Statement Issued by the Central Bank of Sri Lanka Clarifying Certain Media Reports on the Examination of the Employees’ Provident Fund Transactions in Government Securities

    இலங்கை மத்திய வங்கி, அண்மையில் நடைபெற்ற நாணயச் சபையின் கூட்ட நடவடிக்கைகள் தொடர்பில் பிழையான தகவல்களைத் தாங்கி வெளிவந்த குறிப்பிட்ட ஊடக அறிக்கைகள் தொடர்பில் அதன் நிலையினைத் தெளிவுபடுத்த விரும்புகின்றது. 

    கண்டறியப்பட்ட விடயங்கள் தொடர்பில் பின்பற்றப்பட வேண்டிய பொருத்தமான நடவடிக்கைகளைத் தீர்மானிக்கும் நோக்குடன், அரச பிணையங்களில் செய்யப்பட்ட ஊழியர் சேம நிதியக் கொடுக்கல்வாங்கல்களின் பரீட்சிப்புக்கள் மீதான அறிக்கை தொடர்பில் நாணயச் சபை கலந்துரையாடல்களை மேற்கொண்டிருந்தது. தவறான நடவடிக்கைகள் மேற்கொள்ளப்பட்டமைக்கான சான்றுகள் காணப்படுமிடத்து, இலங்கை மத்திய வங்கியின் உள்ளக நடவடிக்கை முறைமையின் நியதிகளுக்கிணங்க, வங்கியின் எந்தவொரு அலுவலருக்கெதிராகவும் ஒழுக்காற்று நடவடிக்கைகளைத் தொடங்குவதற்கு நாணயச் சபை தீர்மானித்திருக்கிறது.

  • External Sector Performance – December 2016

    2016 திசெம்பரில் இலங்கையின் வெளிநாட்டுத் துறைச் செயலாற்றம் கலப்பானதாக காணப்பட்டது.  இறக்குமதி செலவினத்தில் ஏற்பட்ட கணிசமான அதிகரிப்பின் விளைவாக வர்த்தகப் பற்றாக்குறை விரிவடைந்து 2016 திசெம்பர் மாதத்தில் ஏற்றுமதி வருவாய்களில் காணப்பட்ட வளர்ச்சியை மிகக்கூடுதலாக எதிரீடு செய்தது. சுற்றுலா மற்றும் தொழிலாளர் பணவலுப்பல்களிலிருந்தான வருவாய்கள், ஆண்டிற்கு ஆண்டு அடிப்படையில், இம்மாத காலப்பகுதியில் ஆரோக்கியமான வீதமொன்றில் சாதகமான விதத்தில் வளர்ச்சியடைந்தன. அரச பிணையங்கள் சந்தை திசெம்பரில் தேறிய வெளிப்பாய்ச்சல் ஒன்றை காட்டிய வேளையில் கொழும்பு பங்கு பரிவர்த்தனைக்கு சில உட்பாய்ச்சல்கள் ஏற்பட்டமையையும் அவதானிக்க முடிந்தது.

    முழுவடிவம்

  • Monetary Policy Review - No. 2 of 2017

    As per the provisional estimates of the Department of Census and Statistics (DCS), the Sri Lankan economy grew by 4.4 per cent in real terms during 2016 compared to the growth of 4.8 per cent in 2015. Within this annual growth, Industry related activities grew notably by 6.7 per cent driven by construction related activities, while Services related activities grew by 4.2 per cent mainly with the expansion of financial services, insurance and telecommunications. However, Agriculture related activities contracted by 4.2 per cent in 2016, impacted by supply side disruptions on account of floods in the second quarter and drought conditions during the final quarter of 2016.

  • Inflation in February 2017

    தொகைமதிப்பு மற்றும் புள்ளிவிபரத் திணைகக் ளத்தினால் தொகுக்கப்பட்ட தேசிய நுகர்வோர் விலைச் சுட்டெண்ணில் (2013 = 100) ஏற்பட்ட மாற்றங்களினால் அளவிடப்பட்டவாறான பணவீக்கம் ஆண்டிற்கு ஆண்டு அடிப்படையில் 2017 சனவரியின் 6.5 சதவீதத்திலிருந்து 2017 பெப்புருவரியில் 8.2 சதவீதத்திற்கு அதிகரித்தது. உணவு மற்றும் உணவல்லா வகைகள் இரண்டும் 2017 பெப்புருவரியின் ஆண்டிற்கு ஆண்டு பணவீக்கத்திற்கு பங்களித்தன. அவதானிக்கப்பட்ட மாதாந்த விலை அதிகரிப்பிற்குப் புறம்பாக, 2016 பெப்புருவரியில் காணப்பட்ட தாழ்ந்த தளமும் 2017 பெப்புருவரியில் ஆண்டிற்கு ஆண்டு பணவீக்கம் கூடியளவிற்கு அதிகரிப்பதற்கு குறிப்பிடத்தக்களவிற்கு பங்களித்தது.

    ஆண்டுச் சராசரி அடிப்படையில் அளவிடப்பட்ட தேசிய நுகர்வோர் விலைச் சுட்டெண் 2017 சனவரியில் 4.6 சதவீதத்திலிருந்து 2017 பெப்புருவரியில் 5.1 சதவீதத்திறகு; அதிகரித்தது. 

  • SL Purchasing Managers’ Index Survey - February 2017

    தயாரிப்புத் துறை கொள்வனவு முகாமையாளர் சுட்டெண் பெப்புருவரியில் 57.1 கொண்ட சுட்டெண் புள்ளிகளை பதிவு செய்ததுடன் இது 2017 சனவரியுடன் ஒப்பிடும் போது 0.9 சுட்டெண் புள்ளிகள் அதிகரிப்பை காட்டியது. இது, புதிய கட்டளைகள் துணைச் சுட்டெண்ணில் பிரதிபலிக்கப்பட்டவாறு  வருகின்ற புத்தாண்டுகால பருவத்திற்கான அதிகரிக்கும் கட்டளைகள் பெரிதும் காரணாமாக இருந்ததோடு பெப்புருவரி 2017ல் தயாரிப்பு நடவடிக்கைகளின் தொடர்ச்சியாக விரிவாக்கத்தினை குறித்துக்காட்டியது. நீடிக்கும் நிரம்பலர் வழங்கல் நேரத்தில் பிரதிபலிக்கப்பட்டவாறு சனவரி மாதத்தில் சேர்த்துக்கொள்ளப்படட இருப்புகளின் பாவனை மற்றும் மூலப்பொருள் விநியோகத்தில் ஏற்பட்ட தாமதங்கள் கொள்வனவுகள் இருப்பு துணைச் சுட்டெண் பெப்புருவரியில் குறைவடைந்தமைக்கு காரணமாக அமைந்தது. தொழில்நிலைச் துணைச்சுட்டெண் அதிகரித்திருந்த வேளையில் உற்பத்தி துணைச்சுட்டெண் மாற்றமடையாமல் காணப்பட்டது.

  • Change of Metal/Alloy of Rupee 1 Coin and Rupees 5 Coin

    புதிதாக சுற்றோட்டத்திற்கு விடப்படவுள்ள ரூபா 1 நாணயக் குத்தியினதும் ரூபா 5 நாணயக் குத்தியினதும் உலோகங்கள்/கலப்பு உலோகங்கள் பித்தளை முலாமிடப்பட்ட உருக்கிலிருந்து (தங்க நிறம்) துருப்பிடிக்காத உருக்கிற்கு (வெள்ளி நிறம்) மாற்றப்பட்டிருப்பது பற்றி பொதுமக்களுக்கு இத்தால் அறியத்தரப்படுகிறது. 5 ரூபா நாணயக் குத்தியின் விளிம்பிலுள்ள எழுத்துக்கள் புதிய துருப்பிடிக்காத உருக்கிலான குத்தியில் நீக்கப்பட்டுள்ளன. பரிமாணம் மற்றும் வடிவமைப்பு உள்ளிட்ட மற்றைய அனைத்து விபரங்களும் 2005 இலிருந்து சுற்றோட்டத்திற்கு விடப்பட்ட ரூபா 1 மற்றும் ரூபா 5 நாணயக் குத்திகளை ஒத்ததாகவே தொடர்ந்தும் இருக்கும். 

    குறிப்பிட்ட புதிய நாணயக் குத்திகள் கொடுப்பனவிற்காக இலங்கையில் சட்ட ரீதியான நாணயமாக இருக்குமென்பதுடன் சுற்றோட்டத்திலிருக்கும் பொழுது அவை இலங்கை மத்திய வங்கியின் பொறுப்பாகவும் இருக்கும்.

     

     

  • External Sector Performance – November 2016

    2016 நவெம்பர் காலப்பகுதியில் இலங்கையின் வெளிநாட்டுத் துறை மிதமான செயலாற்றமொன்றினைப் பதிவுசெய்தது. ஏற்றுமதி வருவாய்கள் சிறிதளவு வீழ்ச்சியடைந்தமைக்கிடையில் இறக்குமதிச் செலவினம் உயர்வடைந்தமையின் காரணமாக 2016 நவெம்பர் காலப்பகுதியில் வர்த்தகப் பற்றாக்குறை விரிவடைந்தது. 2016 நவெம்பரில் இறக்குமதி செலவினத்தில் ஏற்பட்ட குறிப்பிடத்தக்க அதிகரிப்பிற்கு இடைநிலைப் பொருட்கள் மற்றும் முதலீட்டுப் பொருட்களின் செலவினத்தில் ஏற்பட்ட அதிகரிப்பே முக்கிய காரணமாகும். சுற்றுலாவிலிருந்தான வருவாய்கள் தொடர்ந்தும் ஆரோக்கியமான வளர்ச்சியைப் பதிவுசெய்த வேளையில் தொழிலாளர் பணவலுப்பல்கள் இம்மாத காலப்பகுதியில் சிறிதளவு வீழ்ச்சியடைந்தன. அரச பிணையங்கள் சந்தை நவெம்பர் மாதத்தில் தேறிய வெளிப்பாய்ச்சலைக் காட்டிய வேளையில் கொழும்பு பங்கு சந்தைக்கான தேறிய பாய்ச்சலும் அரசிற்கான நீண்டகால கடன்பெறுகைகளும் 2016 நவெம்பரில் சென்மதி நிலுவைக்கு ஆதரவளித்தன.

  • IMF Staff Concludes Visit to Sri Lanka to Discuss Progress of Economic Reform Program

    தூதுக்குழுவினது விஜயத்தின் இறுதியில் விடுக்கப்பட்ட பத்திரிகை வெளியீடு, ப.நா. நிதிய அலுவலர் குழு நாட்டிற்கு விஜயம் செய்த பின்னர் அது ஆரம்பத்தில் கண்டறியப்பட்ட விடயங்களைக் கொண்ட ப.நா.நிதியத்தின் அறிக்கைகளை உள்ளடக்கியுள்ளது. இவ்வறிக்கையில் தெரிவிக்கப்பட்டுள்ள கருத்துக்கள் ப.நா.நிதிய அலுவலர்களின் கருத்துக்களேயன்றி அது ப.நா.நிதியத்தின் நிறைவேற்றுச் சபையின் கருத்தினைப் பிரதிபலிக்க வேண்டுமென்ற அவசியமில்லை. இத்தூதுக் குழு ஆரம்பத்தில் கண்டறியப்பட்ட விடயங்களின் அடிப்படையில், அலுவலர்கள் அறிக்கையினைத் தயாரிப்பர். இது முகாமைத்துவத்தின் ஒப்புதலுக்குட்பட்டு, கலந்துரையாடல்களுக்கும் தீர்மானங்களுக்குமாக ப.நா.நிதிய நிறைவேற்றுச் சபைக்குச் சமர்ப்பிக்கப்படும். 

Pages

மேலும்

எங்களைப்பற்றி

ஏனைய சேவைகள்

பயனுள்ள இணையதளங்கள்

எங்களை தொடர