கட்டடவாக்க கொள்வனவு முகாமையாளர் சுட்டெண், 2023 நவெம்பரில் 44.3 கொண்ட மொத்த நடவடிக்கைச் சுட்டெண் பெறுமதியினைப் பதிவுசெய்து கடந்த மாதத்துடன் ஒப்பிடுகையில் கட்டடவாக்க நடவடிக்கைகளில் சுருக்கமொன்றை எடுத்துக்காட்டியது. புதிய கருத்திட்டங்களின் குறைந்த மட்டமும் செயற்பாட்டிலுள்ள கருத்திட்டங்களுடன் தொடர்பான வேலைகளில் ஏற்பட்ட வீழ்ச்சியும் அவை இறுதிக்கட்டங்களில் இருப்பதால் நடவடிக்கை மட்டங்களைத் தடைப்படுத்தியுள்ளன எனப் பதிலிறுப்பாளர்கள் குறிப்பிட்டனா்.

முன்னைய மாதத்துடன் ஒப்பிடுகையில், புதிய கட்டளைகள் நவெம்பரில் உயர்வான வேகத்தில் வீழ்ச்சியடைந்தன. எனினும், அடுத்த ஆண்டின் முதலரைப்பகுதியில், குறிப்பாக அரசாங்க நிதியளிக்கப்பட்ட கருத்திட்டங்களை வழங்குவதில் பல பதிலிறுப்பாளர்கள் உயர்வடைதலொன்றை எதிர்பார்க்கின்றனர். தற்போதைய தொழிற்துறை சூழ்நிலையின் கீழ் குறைந்தபட்ச அலுவலர்களுடன் கம்பனிகள் இயங்குவதனால் தொழில்நிலை தொடர்ந்தும் சுருக்கமடைந்து காணப்பட்டது. மேலும், கட்டடவாக்க வேலையில் குறைவடைதலுக்கிணங்க கொள்வனவுகளின் அளவு வீழ்ச்சியடைந்தது. அதேவேளை, வழங்குநர் விநியோக நேரம் மாதகாலப்பகுதியில் நீட்சியடைந்து காணப்பட்டது.

2023ஆம் ஆண்டின் நிதியியல் உறுதித்தன்மை மீளாய்வானது நிதியியல் முறைமையில் காணப்பட்ட அபிவிருத்திகள், இடர்நேர்வுகள் அவற்றின் அடையாளம் காணப்பட்ட பாதிக்கப்படும் தன்மைகள் மற்றும் ஆய்விற்குரிய காலப்பகுதியில் அத்தகைய இடர்நேர்வுகளைக் கட்டுப்படுத்துவதற்காக இலங்கை மத்திய வங்கியினாலும் ஏனைய ஒழுங்குமுறைப்படுத்தல் நிறுவனங்களினாலும் மேற்கொள்ளப்பட்ட கொள்கை வழிமுறைகள் என்பனவற்றை உள்ளடக்கியிருப்பதோடு 2023 செத்தெம்பர் இறுதி வரையான தரவுகளை அடிப்படையாகக் கொண்டுள்ளது. இவ்வெளியீட்டின் இலத்திரனியல் பதிப்பினை இலங்கை மத்திய வங்கியின் வலைத்தளமான (http://www.cbsl.gov.lk) இல் பார்வையிடமுடியும்.

2023ஆம் ஆண்டிற்கான நிதியியல் உறுதித்தன்மை மீளாய்வின் சுருக்கமும் நிதியியல் உறுதித்தன்மையின் தோற்றப்பாடும் கீழே தரப்படுகின்றன: 

தயாரித்தல் மற்றும் பணிகள் இரண்டிற்குமான கொள்வனவு முகாமையாளர் சுட்டெண்கள் 2023 நவெம்பரில் அதிகரிப்பினைப் பதிவுசெய்தன 

தயாரிப்புக் கொள்வனவு முகாமையாளர் சுட்டெண், 2023 நவெம்பரில் மாதத்திற்கு மாதம் அடிப்படையில் 57.0 ஆக அதிகரித்தது. இது பருவகால காரணிகளால் தூண்டப்பட்டிருந்தது. அனைத்து துணைச் சுட்டெண்களிலிருந்தும் கிடைத்த சாதகமான பங்களிப்புடன் இச்சுட்டெண் 2023 மாச்சிற்குப் பின்னர் நடுநிலையான அடிப்படை அளவினை விஞ்சியது. 

பணிகள் துறை கொ.மு.சுட்டெண், 2023 நவெம்பரில் 59.4 கொண்ட சுட்டெண் பெறுமதியினைப் பதிவுசெய்து, பணிகள் நடவடிக்கைகளில் துரிதமடைந்த விரிவடைதலை எடுத்துக்காட்டியது. புதிய வியாபாரங்கள், தொழில் நடவடிக்கைகள், தொழில்நிலை மற்றும் நடவடிக்கைக்கான எதிர்பார்க்கைகள் என்பவற்றில் அவதானிக்கப்பட்ட அதிகரிப்புக்கள் மூலம் இது முன்னிலை வகித்திருந்தது.

ஆசியாவிற்கான நிதியியல் உறுதிப்பாட்டுச் சபை பிராந்திய ஆலோசனைக் குழு ஹொங் கொங் விசேட நிருவாகப் பிராந்தியத்தில் 2023 நவெம்பர் 29 அன்று கூடியதுடன்  அண்மைக்கால நிதியியல் சந்தை அபிவிருத்திகள் மற்றும் பிராந்தியம் மீதான அவற்றின் தாக்கம், வங்கியல்லா நிதியியல் இடையீட்டிலிருந்து தோன்றுகின்ற பாதிக்கப்படும்தன்மைகள், சில வளர்ந்துவரும் சந்தைகள் மற்றும் அபிவிருத்தியடைந்துவரும் பொருளாதாரங்களில் இறையாண்மை-வங்கி தொடர்பு தீவிரமடைதல் அத்துடன் மறைகுறிச்-சொத்து தொடர்புடைய இடர்நேர்வுகள் பற்றிய செயல்திறன்மிக்க ஒழுங்குபடுத்தலையும் மேற்பார்வையையும் ஊக்குவிப்பதற்கான வழிகள் என்பன பற்றி கலந்துரையாடியது. இவ் இடர்நேர்வுகளை அடையாளப்படுத்தல், கண்காணித்தல், கையாளுதல் என்பன பற்றிய தமது அனுபவங்களை உறுப்பினர்கள் பகிர்ந்துகொண்டதுடன் நிதியியல் முறைமைகளின் தாக்குப்பிடிக்கும்தன்மையை அதிகரிப்பதன் மீது நிதியியல் உறுதிப்பாட்டு சபை தொடர்ச்சியாக கவனம் செலுத்துவதையும் வரவேற்றனர். 

ஹொங் கொங் நாணய அதிகாரசபையின் பிரதம நிறைவேற்று அலுவலரும் நடப்பு உறுப்பு இணைத்தலைருமான திரு. எட்டி யூஈ மற்றும் இலங்கை மத்திய வங்கியின் ஆளுநரும் ஆசியாவிற்கான பிராந்திய ஆலோசனைக் குழுவின் தற்போதைய உறுப்பல்லாத இணைத்தலைவருமான முனைவர். நந்தலால் வீரசிங்க ஆகியோர் கூட்டத்திற்கு இணைத்தலைமை வகித்தனர். அவுஸ்ரேலியா, பூருனை தாருஸலாம், கம்போடியா, சீனா, ஹொங் கொங் விசேட நிர்வாகப் பிராந்தியம், இந்தியா, இந்தோனேசியா, யப்பான், கொரியா, மலேசியா, நியுசிலாந்து, பாகிஸ்தான், பிலிப்பைன்ஸ், சிங்கப்பூர், இலங்கை, தாய்லாந்து மற்றும் வியட்நாம் ஆகிய நாடுகளின் நிதியியல் அதிகாரசபைகளை ஆசியாவிற்கான பிராந்திய ஆலோசனைக் குழும உறுப்புரிமை உள்ளடக்குகின்றது.