வெளிநாட்டுத் துறையானது 2023இன் தொடர்புடைய காலப்பகுதியுடன் ஒப்பிடுகையில் 2024இன் இதுவரையான காலப்பகுதியில் குறிப்பிடத்தக்க முன்னேற்றமொன்றினைத் தொடர்ந்தும் பதிவுசெய்தது. வணிகப்பொருள் வர்த்தகப் பற்றாக்குறையானது 2024 செத்தெம்பரில் (ஆண்டிற்காண்டு) விரிவடைந்து, 2024இன் இதுவரையான காலப்பகுதியில் உயர்ந்தளவிலான மாதாந்த வர்த்தகப் பற்றாக்குறையொன்றினைப் பதிவுசெய்தது.

இலங்கை மத்திய வங்கி அதன் திறந்த சந்தைத் தொழிற்பாடுகளூடாக 2024 ஒத்தோபர் 25 அன்று ரூ.100 பில்லியன்களை “அச்சிட்டது” எனக் குறிப்பிட்டு அண்மையில் அறிக்கைகள் வெளிவந்தன. இவ்வறிக்கைகள் செம்மையற்றவை மற்றும் அடிப்படையற்றவை என்பதை தெளிவுபடுத்துவது முக்கியமானதாகும். திறந்த சந்தைத் தொழிற்பாடுகளூடாக திரவத்தன்மையை (பணம்) உட்செலுத்துவது பொருளாதாரத்தில் குறுகிய கால வட்டி வீதங்களை நிலைநிறுத்தி விலை நிலையுறுதியை உறுதிசெய்யும் நோக்கத்திற்காக வங்கித்தொழில் முறைமையில் போதுமான திரவத்தன்மையை முகாமைசெய்வதை  நோக்காகக்கொண்ட வழமையான மத்திய வங்கித் தொழிற்பாடொன்றாகும். ஆகையினால் அது “நாணயம் அச்சிடல்” என ஒட்டுமொத்தமாக தவறாகப் பொருள்கொள்ளப்பட முடியாது.

கொள்வனவு முகாமையாளர் சுட்டெண்கள், 2024 செத்தெம்பரில் தயாரிப்பு மற்றும் பணிகள் நடவடிக்கைகள் இரண்டிலும் விரிவடைதல்களை எடுத்துக்காட்டுகின்றன.

இலங்கை மத்திய வங்கி, உரிமம்பெற்ற வங்கிகளுக்காக கம்பனி ஆளுகை தொடர்பில் 2024ஆம் ஆண்டின் 05ஆம் இலக்க வங்கித்தொழில் சட்டப் பணிப்புரைகளை 2024.09.30 அன்று வழங்கியமை பற்றிய அறிவித்தலை விடுப்பதற்கு விரும்புகின்றது. இப்பணிப்புரைகள், உரிமம்பெற்ற வர்த்தக வங்கிகளினதும் உரிமம்பெற்ற சிறப்பியல்புவாய்ந்த வங்கிகளினதும் (இதனகத்துப் பின்னர் உரிமம்பெற்ற வங்கிகள் எனக் குறிப்பிடப்படும்) கம்பனி ஆளுகை செயன்முறைகளையும் நடைமுறைகளையும் வலுப்படுத்துகின்ற நோக்குடன் விடுக்கப்பட்டதுடன் இதன்மூலம் வங்கித்தொழில் துறையின் பாதுகாப்பினையும் ஆற்றல்வாய்ந்த தன்மையினையும் அத்துடன் ஒட்டுமொத்தமாக நிதியியல் முறைமையினையும் மேம்படுத்தும் பொருட்டு, பொறுப்புமிக்கதாகவும் பொறுப்புக்கூறும் விதத்திலும் வங்கித்தொழில் வியாபாரத்தினைக் கொண்டு நடத்துவதற்கு வசதியளிக்கப்படுகின்றது.