நடைமுறைக் கணக்கானது முன்னைய இரண்டு மாதங்களில் பற்றாக்குறைகளைப் பதிவுசெய்ததன் பின்னர் 2025 நவெம்பரில் மிகையொன்றிற்குத் திரும்பலடைந்தது. நடைமுறைக் கணக்கு மிகையானது 2025 சனவரி தொடக்கம் நவெம்பர் வரையான காலப்பகுதியில் ஐ.அ.டொலர் 1,678 மில்லியனாகக் காணப்பட்டது.

வணிகப்பொருள் வர்த்தகப் பற்றாக்குறையானது 2025 நவெம்பரில் ஆண்டிற்கு ஆண்டு அடிப்படையில் விரிவடைந்தது. மேலும், 2025 சனவரி தொடக்கம் நவெம்பர் வரையான காலப்பகுதியில் வர்த்தகப் பற்றாக்குறையானது ஐ.அ.டொலர் 6.9 பில்லியனிற்கு 2024இன் அதே காலப்பகுதியுடன் ஒப்பிடுகையில் விரிவடைந்தது.

2006ஆம் ஆண்டின் 6ஆம் இலக்க நிதிசார் கொடுக்கல்வாங்கல்களை அறிக்கையிடல் சட்டத்தின் 19(2)ஆம் பிரிவுடன் சேர்த்து வாசிக்கப்பட வேண்டிய 19(1)ஆம் பிரிவின் கீழ் உரித்தளிக்கப்பட்டுள்ள தத்துவங்களின் பயனைக்கொண்டு, நிதிசார் கொடுக்கல்வாங்கல்களை அறிக்கையிடல் சட்டத்தின் ஏற்பாடுகளுடன் இணங்கியொழுகாத நிறுவனங்கள் மீது நிதியியல் தண்டப்பணங்கள் விதிக்கப்படுகின்றன. நிதிசார் கொடுக்கல்வாங்கல்களை அறிக்கையிடல் சட்டத்தின் பிரகாரம், நிறுவனங்களின் தொடர்புடைய இணங்கியொழுகாமையின் தன்மை மற்றும் பாரதூரம் என்பனவற்றினைப் பரிசீலனையிற்கொண்டு தண்டப்பணங்கள் விதித்துரைக்கப்படலாம்.

பன்னாட்டு நாணய நிதியத்தின் நிறைவேற்றுச் சபையானது துரித நிதியளிப்புச் சாதனத்தின்  கீழ் அவசரகால நிதியளிப்பிற்கு ஒப்புதலளித்து,  பேரழிவுமிக்க டித்வா புயலிலிருந்து எழுகின்ற அவசரத் தேவைகளை நிவர்த்தி செய்வதற்கும் பேரண்டப்பொருளாதார உறுதிப்பாட்டினைப் பாதுகாப்பதற்கும் சிறப்பு எடுப்பனவு உரிமை 150.5 மில்லியனுக்கு (ஏறத்தாழ ஐ.அ.டொலர் 206 மில்லியன், ஒதுக்கீட்டின் 26 சதவீதத்திற்கு நிகராக) உடனடி அணுகலை வழங்கியுள்ளது. 2025 திசம்பர் 19 அன்று பன்னாட்டு நாணய நிதியம் பின்வரும் ஊடக அறிக்கையினை வெளியிட்டுள்ளது. பின்வரும் இணைப்பினூடாக அவ்வறிக்கையைப் பார்வையிடலாம்.

இலங்கை மத்திய வங்கியின் 75ஆவது ஆண்டு நிறைவினைக் குறிக்கும் முகமாக இலங்கை மத்திய வங்கி பன்னாட்டு ஆராய்ச்சி ஆய்வரங்கு – 2025 நிகழ்வினை “சுபீட்சத்திற்கான உறுதிப்பாடு” எனும் கருப்பொருளின் கீழ் 2025 திசெம்பர் 08 தொடக்கம் 10 வரை இலங்கை மத்திய வங்கியின் ஜோன் எக்ஸ்டர் பன்னாட்டு மாநாட்டு மண்டபத்தில் நடாத்தியது. இலங்கை மத்திய வங்கியின் பொருளாதார ஆராய்ச்சித் திணைக்களத்தினால் ஏற்பாடுசெய்யப்பட்ட இவ்வாய்வரங்கானது பொருளாதார ஆராய்ச்சி மற்றும் சான்றுகளின் அடிப்படையிலமைந்த கொள்கை உருவாக்கத்தினை மேம்படுத்துவதற்கான இலங்கை மத்திய வங்கியின் அர்ப்பணிப்பினைப் பிரதிபலிக்கின்ற விதத்தில் பின்வரும் மூன்று ஆராய்ச்சி நிகழ்வுகளைக் கொண்டிருந்தது: