இலங்கை மத்திய வங்கியின் ஆளுநர் முனைவர் நந்தலால் வீரசிங்க மற்றும் இலங்கை மத்திய வங்கியின் ஏனைய சிரேஷ்ட அலுவலர்களின் பங்கேற்புடன் 2026 யூன் 05 மற்றும் 06ஆம் திகதிகளில் இலங்கை மத்திய வங்கி திருகோணமலையில் டிஜிட்டல் கொடுப்பனவுகளை ஊக்குவிக்கும் நிகழ்ச்சித்திட்டமொன்றை ஏற்பாடு செய்துள்ளது. அரசாங்க அலுவலர்கள், வர்த்தக சமூகம் அதேபோன்று பொதுமக்கள் மத்தியில் டிஜிட்டல் கொடுப்பனவு முறைகள் பற்றிய விழிப்புணர்வை அதிகரிப்பதனை இந்நிகழ்ச்சித்திட்டம் இலக்காகக் கொள்கின்றது. இந்நிகழ்ச்சித்திட்டம் வங்கிகள், வங்கியல்லா நிதியியல் நிறுவனங்கள் மற்றும் ஏனைய ஆர்வலர்களின் பங்கேற்புடன் திருகோணமலை மத்திய பேரூந்து நிலையத்திற்கு அருகில் உள்ள கார் தரிப்பிட வளாகத்தில் மு.ப 9.00 மணி தொடக்கம் பி.ப 6.00 மணி வரை இடம்பெறும்.
-
Central Bank of Sri Lanka to promote digital payments in Trincomalee
-
CCPI-based headline inflation accelerated marginally in May 2026
கொழும்பு நுகர்வோர் விலைச் சுட்டெண்;ணை (கொநுவிசு, 2021=100) அடிப்படையாகக் கொண்ட முதன்மைப் பணவீக்கமானது (ஆண்டிற்கு ஆண்டு), மத்திய கிழக்கில் இடம்பெற்றுவருகின்ற யுத்தத்திற்கு மத்தியில் உள்நாட்டு வலு விலைகளில் ஏற்பட்ட மேல்நோக்கிய சீராக்கங்களின் தாக்கத்தைப் பிரதிபலித்து, 2026 மேயில் இலக்கிற்கு மேல் சிறிதளவு காணப்பட்டது. அதற்கமைய, முதன்மைப் பணவீக்கம் (ஆண்டிற்கு ஆண்டு), 2026 ஏப்பிறலின் 5.4 சதவீதத்துடன் ஒப்பிடுகையில் 2026 மேயில் 5.5 சதவீதமாக பதிவுசெய்யப்பட்டது.
-
External Sector Performance - April 2026
மத்திய கிழக்கு யுத்தத்தின் தாக்கமானது 2026 ஏப்பிறலில் வெளிநாட்டுத் துறைச் செயலாற்றத்திலும் பிரதிபலித்தது. வெளிநாட்டு நடைமுறைக் கணக்கானது 2026 சனவரியிலிருந்து மாச்சு வரையான காலப்பகுதியில் பதிவுசெய்யப்பட்ட மிகையுடன் ஒப்பிடுகையில் 2026 ஏப்பிறலில் பற்றாக்குறையொன்றினைப் பதிவுசெய்தது. முன்னைய ஆண்டுடன் ஒப்பிடுகையில், தொழிலாளர் பணவனுப்பல்களில் அதிகரிப்பொன்று பதிவுசெய்யப்பட்ட போதிலும் விரிவடைந்த வர்த்தகப் பற்றாக்குறை, பணிகள் மிகையிலானதொரு மிதமடைதல் மற்றும் உயர்ந்தளவிலான முதலாந்தர வருமானப் பற்றாக்குறை ஆகியவற்றினால் இது முக்கியமாக உந்தப்பட்டுக் காணப்பட்டது. இதன் விளைவாக, வெளிநாட்டு நடைமுறைக் கணக்கு 2026 சனவரி தொடக்கம் ஏப்பிறல் வரையான காலப்பகுதியில் சிறியளவிலான பற்றாக்குறையொன்றினைப் பதிவுசெய்தது.
-
Sri Lanka PMI - Construction contracted in April 2026
கட்டடவாக்கத்திற்கான இலங்கை கொள்வனவு முகாமையாளர்களின் சுட்டெண் (கொ.மு.சு - கட்டடவாக்கம்), மொத்த நடவடிக்கைச் சுட்டெண் மூலம் பிரதிபலிக்கப்பட்டவாறு, பிரதானமாக சிங்கள மற்றும் தமிழ் புத்தாண்டு காலப்பகுதியுடன் தொடர்புபட்ட பருவக்கால மெதுவடைதலின் காரணமாக, 2026 ஏப்பிறலில் 45.7 கொண்ட பெறுமதிக்கு வீழ்ச்சியடைந்தது. மேலும், திட்டமிடப்பட்ட வேலைகளின் காலந்தவறாத நடைமுறைப்படுத்தலுக்கான சவால்களாக, குறிப்பாக பெற்றோலிய இரசாயனம் அடிப்படையிலான மூலப்பொருட்கள் காரணமாக உள்ளீட்டு பற்றாக்குறைகளையும் மத்திய கிழக்கு மோதலிலிருந்து தோற்றம்பெறுகின்ற அதிகரிக்கின்ற செலவுகளையும் பல பதிலிறுப்பாளர்கள் குறிப்பிட்டனா.
-
IMF Executive Board Completes the Combined Fifth and Sixth Reviews Under the Extended Fund Facility for Sri Lanka
இலங்கைக்கான விரிவாக்கப்பட்ட நிதிய வசதியின் இணைந்த ஐந்தாவது மற்றும் ஆறாவது மீளாய்வுகளினைப் பன்னாட்டு நாணய நிதியத்தின் நிறைவேற்றுச் சபை நிறைவுசெய்து, பொருளாதாரக் கொள்கைகள் மற்றும் சீர்திருத்தங்களுக்கு ஆதரவளிக்கும் பொருட்டு சிஎஉ 508 மில்லியன் தொகைக்கான (ஏறத்தாழ ஐ.அ.டொலர் 695 மில்லியன்) உடனடி அணுகலினை நாட்டிற்கு வழங்கியது.
-
The Central Bank of Sri Lanka increases the Overnight Policy Rate (OPR)
நாணயக் கொள்கைச் சபையானது நேற்று இடம்பெற்ற அதன் கூட்டத்தில், ஓரிரவு கொள்கை வீதத்தினை 100 அடிப்படைப் புள்ளிகளினால் 8.75 சதவீதத்திற்கு அதிகரிப்பதற்குத் தீர்மானித்தது. உள்நாட்டு மற்றும் உலகளாவிய பக்கங்கள் ஆகிய இரண்டிலும் பரிணமிக்கின்ற நிலைமைகள் மற்றும் தோற்றப்பாடு என்பவற்றினைக் கவனமாகக் கருத்திற்கொண்டதன் பின்னர் சபை இத்தீர்மானத்தை மேற்கொண்டது.
-
The CBSL introduces a maximum Loan to Value (LTV) ratio for gold backed lending and tightens LTV ratios on credit granted for motor vehicles
இலங்கை மத்திய வங்கியின் ஆளுகைச் சபையானது 2026 மே 25 அன்று அமுலுக்கு வரும் வகையில், தங்கத்தால் பிணையுறுதியளிக்கப்பட்ட கொடுகடன் வசதிகளுக்கு பெறுமதிக்கான கடன் உச்சமொன்றை அறிமுகப்படுத்தவும் மோட்டார் வாகனங்களுக்காக வழங்கப்படும் கொடுகடன் வசதிகளுக்கு பெறுமதிக்கான கடன் உச்ச வரம்புகளை இறுக்கப்படுத்தவும் தீர்மானித்தது. இலங்கை மத்திய வங்கியானது தனது பேரண்ட முன்மதியுடைய அதிகாரத்தின் கீழ், முன்மதியுடைய கடன் வழங்கல் நடைமுறைகளை ஊக்குவிப்பதற்கும், நிதி நிறுவனங்களின் தாக்குப்பிடிக்கும்தன்மையை பேணிப்பாதுகாப்பதற்கும், மற்றும் முறைமையியல் ரீதியான பாதிக்கப்படும்தன்மைகள் கட்டியெழுப்பப்படும் சாத்தியப்பாட்டினை குறைப்பதற்குமாக இந்த நடவடிக்கைகளை மேற்கொண்டுள்ளது.
-
SL Purchasing Managers’ Index (PMI) – April 2026
கொள்வனவு முகாமையாளர் சுட்டெண்கள், 2026 ஏப்பிறலில் தயாரிப்பு மற்றும் பணிகள் நடவடிக்கைகளில் சுருக்கத்தினை எடுத்துக்காட்டுகின்றன.
தயாரிப்பிற்கான இலங்கைக் கொள்வனவு முகாமையாளர் சுட்டெண் (கொ.மு.சு – தயாரிப்பு), பருவகால கோக்கினைப் பின்பற்றி 42.6 சுட்டெண் பெறுமதியொன்றைப் பதிவுசெய்து 2026 ஏப்பிறலில் சுருக்கமடைந்து. புதிய கட்டளைகள், உற்பத்தி, தொழில்நிலை மற்றும் கொள்வனவுகளின் இருப்பு ஆகிய துணைச் சுட்டெண்கள் மாச்சில் பருவகால உச்சத்துடன் ஒப்பிடுகையில் மாத காலப் பகுதியில் வீழ்ச்சியடைந்து, சுட்டெண்ணில் ஒட்டுமொத்த வீழ்ச்சியை விளைவித்தன.
-
Central Bank of Sri Lanka launches the Complaint Management System for Financial Consumers
இலங்கை மத்திய வங்கியினால் ஒழுங்குமுறைப்படுத்தப்படும் நிதியியல் பணி வழங்குநர்களுடன் தொடர்புடைய நிதியியல் வாடிக்கையாளர்கள் தமது முறைப்பாடுகளையும் குறைப்பாடுகளையும் சமர்ப்பித்தலினை வசதிப்படுத்துவதற்கான முக்கியமான படிமுறையொன்றை ஏற்படுத்தி, இலங்கை மத்திய வங்கி இணையவழி முறைப்பாட்டு முகாமைத்துவ முறைமையினை அங்குரார்ப்பணம் செய்கின்றது.
-
CCPI based headline inflation accelerated in April 2026 amidst tensions in the Middle East
கொழும்பு நுகர்வோர் விலைச் சுட்டெண்ணை (கொநுவிசு, 2021=100) அடிப்படையாகக் கொண்ட முதன்மைப் பணவீக்கமானது (ஆண்டிற்கு ஆண்டு), மத்திய கிழக்கில் இடம்பெற்றுவருகின்ற யுத்தத்திலிருந்தான கசிவுத்தாக்கங்களையும் குறிப்பாக உள்நாட்டு வலு விலைகளில் ஏற்பட்ட குறிப்பிடத்தக்க மேல்நோக்கிய சீராக்கங்களைப் பிரதிபலித்து, 2026 ஏப்பிறலில் அதிகரித்தது. அதற்கமைய, முதன்மைப் பணவீக்கம், 2026 மாச்சின் 2.2 சதவீதத்துடன் ஒப்பிடுகையில் 2026 ஏப்பிறலில் 5.4 சதவீதமாகப் பதிவாகியிருந்தது.